Brasìlia
![](http://178.128.105.246/cars-http-upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://178.128.105.246/cars-http-upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
Coordinadas: 15°47′38″S 47°52′58″W / 15.793889°S 47.882778°W
Brasìlia (in portughesu: Brasília) est una tzitade de unos 3.015.268 bividores, capitale de su Brasile dae 1960.
![](http://178.128.105.246/cars-http-upload.wikimedia.org/wikipedia/commons/thumb/4/4f/Bras%C3%ADlia_Collage.png/269px-Bras%C3%ADlia_Collage.png)
![](http://178.128.105.246/cars-http-upload.wikimedia.org/wikipedia/commons/thumb/9/9d/Distrito_Federal_in_Brazil.svg/268px-Distrito_Federal_in_Brazil.svg.png)
Est situada in intro de su Distritu Federale, e localizada 950 km a nord-ovest dae Rio de Janèiro. Brasília est una tzitade pranificada, pesada in 41 meses, comintzende de su 1956 fintzas a su 21 de abrile 1960. Sa fraigadura de sa tzitade fiat ordinada dae su tando presidente brasilianu Juscelino Kubitschek de orientamentu populista. Su disegnadore printzipale est istadu Lúcio Costa, s'architetu printzipale Oscar Niemeyer e su disegnadore de paesàgios e giardinos est istadu Roberto Brullo Marx.
Sa capitale antiga de su Brasile fiat Rio de Janèiro dae s'annu 1764 (in antis fiat sa tzitade de Salvador). Is risursas de su paisu fiant cuntzentradas in is regiones de costera de su sud de su Brasile, s'àrea prus isvilupada. Mancari una resone pro fraigare una capitale noa fiat s'abbisòngiu de una capitale federale neutrale, sa resone printzipale fiat istada s'abbisòngiu de promòvere s'isvilupu de su territòriu internu de su Brasile.
In su 1987 s'UNESCO at decraradu in sa tzitade Patrimoniu Culturale de s'Umanidade. Est s'ùnica tzitade pesada in su sèculu XX chi apat retzidu custu onore. Originiariamente pranificada pro 500.000 bividores, oe, s'àrea metropolitana tenet prus de 4 milliones de residentes, cosa chi at provocadu cambiamentos in is pranos e progetos originales.
Sa tzitade s'agatat in un'ecoregione sud-americana connota che a Cerrado, chi est assimigiante a una savana. Is rios printzipales chi s'agatant in is intòrrios de sa tzitade sunt su Preto, São Antônio do Descoberto e São Bartolomeu.
Àteros progetos
modìficaWikimedia Commons tenet files chi ligant a: Brasìlia |