Penìsula àraba
![](http://178.128.105.246/cars-http-upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://178.128.105.246/cars-http-upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
Coordinadas: 23°N 46°E / 23°N 46°E
S'Aràbia o penìsula àraba (in àrabu: شبه الجزيرة العربية, xibh al-jazīra al-ʿarabiyya, ‘sa penìsùla Àraba’, cun totu chi segundu sa traditzione si di narat petzi الجزيرة العربية, al-jazīra al-ʿarabiyya, literalmente ‘s'ìsula Àraba’) est una penìsula de su sud-ovest de s'Àsia, in su puntu de atopu cun s'Àfrica. Est una regione pro sa majoria de clima desèrticu.
Penìsula àraba شبه الجزيرة العربية | |
---|---|
![]() Mapa polìtica de Aràbia | |
Istados | |
Tirada | 3.237.500 km2 |
Populatzione | 86.221.765 |
Densidade | 24,09 /km2 |
Limbas | |
Nùmene bividores | Àrabos |
Zona orària | Dae UTC+3 a UTC+4 |
Sa costera de sa penìsula est isfundida in s'ovest dae su mare Ruju e su golfu de Aqaba, in su sud dae su mare de Aràbia e in s'estu dae su golfu de s'Omàn e su golfu Pèrsicu. In su norte, allàcanat cun Israele e Palestina, Giordània e Iràq. Politicamente sa penìsula Àraba est partzida in is istados a sighire (elencados segundu sa tirada):
S'Aràbia Saudita (regnu guvernadu dae sa dinastia wahhabita de sos Al Saud) òcupat sa prus parte de sa penìsula, chi tenet un'istèrrida totale de tres milliones de chilòmetros cuadrados. Sa majoria de sa populatzione, de unos chimbanta milliones de persones, bivet in Aràbia Saudita e in su Jemen. Sa sutaterra de Aràbia cuntenet cantidades mannas de petròliu. In sa penìsula, s'agatant Sa Meca e Medina, is tzitades santas de s'Islàm, ambas in su territòriu de s'Aràbia Saudita, pro custu s'itadu tenet una influèntzia manna subra is bighinos suos. Is Emirados Àrabos Unidos e su Qatàr sunt sa sede de is cadenas printzipales de televisione de su mundu àrabu, comente Al-Jazeera.
In àteros tempos, su tèrmine Aràbia definiat totu su chi oe connoschimus comente su mundu àrabu, dae su Marrocu in s'ovest fintzas a Omàn in s'estu.
Riferimentos
modìficaÀteros progetos
modìficaWikimedia Commons tenet files chi ligant a: Penìsula àraba |