Stonewall Inn
Articulu in nugoresu
Stonewall Inn est istau su tzilleri inube cumintzèin sos abolottos in Stonewall de su 1969, chi su movimentu LGBT at isseperau che data simbolica pro inditare su cumintzu de sa pelea pro sos deretos issoro, a pustis chi sa fase de su "movimentu omofilu" fit acabbada. Simbulu de sos abolotos est Sylvia Rivera, sa transessuale chi nanchi fit sa prima a si ribellare a sos repartos de politzia chi cada sero irrumpìan in su tzilleri.
![](http://178.128.105.246/cars-http-upload.wikimedia.org/wikipedia/commons/thumb/5/58/Stonewall_Inn_Jan_2003.jpg/220px-Stonewall_Inn_Jan_2003.jpg)
Su tzilleri est in su numeru 53 de Christopher Street, tra sa West 4th Street e Waverly Place, in Greenwich Village (New York): aiat tancau sas serrandas e b'aian postu a locu suo una butega de bistimenta, ma s'interessu de sos turistas pro su locu at cumbintu a che lu torrare a aperrere, ovviamente chin su matessi lumen.
Sos chi partetzipan a su Gay Pride, cada annu, in ammentu de s'istoria si adobian in foras de su Stonewall.
De rechènte Dominick DeSimone, su chi a como tenet sa propriedade de su tzilleri, at apertu su Stonewall Bistro in sa 7th Avenue.