Alfred Nobel
Alfred Bernhard Nobel, natu a Stoccolma, Svezzia, lu 21 di uttuviru 1833, e mortu a Sanremu, Italia, lu 10 di dicemmiru 1896, era nu scienziatu e ricircaturi svidisi, ed è megghiu nutatu comu lu mminturi dâ dinamiti e l'ideaturi dû Premiu Nobel.
![](http://178.128.105.246/cars-http-upload.wikimedia.org/wikipedia/commons/thumb/0/07/Alfred_Nobel3.jpg/220px-Alfred_Nobel3.jpg)
Discinnenti di Olof Rudbeck, un geniu svidisi dû seculu XVII (quannu la Svezzia era tra li nazzioni cchiù putenti dû Nord-Europa), e natu nta na famigghia comita di ncigneri, Nobel riciviu nu struzzioni privata nta Russia, unni la sò famigghia si trasfiriu quannu era giuvanissimu.
Ntô 1866, a l'etati di 33 anni, mmintau la dinamiti, riniscennu a fari assurbiri la nitroglicerina dûn puvulazzu inerti in modu di rinnirilu maniggiabbili.
Nobel appi videmma l'aspirazzioni littirarî, scrissi nfatti un numiru di puemi e drammi, e penzau puru di didicarisi sclusivamenti a st'attivitati.
Lu 27 di nuvemmiru dû 1895, suttascrissi lu sò famusu tistimunianza, cû quali stituiva ddi ricanuscimenti chi oggi sunnu noti comu Premî Nobel. Dui anni cchiù tardi moriu pi na êmurragia ciribrali ntâ sò casa a San Remu suprâ Riviera Liguri.