Heedendum
Dät Heedendum is n Begriep in do Religionswietenskuppe, die bruukt wäd foar religiöse Traditione, weerbie ferskeedene Godhäide fereerd wäide. Uut kristelk Perspektiv sunt aal do nit-monotheistiske religiöse Uurtjuugengen, do sik nit ap ju Biebel basierje, heedensk. In Noudwääst-Europa gungt dät maast uum foarkristelke, nit-abrahamitiske Religionen, do foarallen fon keltiske of germaniske Uursproang sunt.
![](http://178.128.105.246/cars-http-upload.wikimedia.org/wikipedia/commons/thumb/6/6c/Nordiska_gudabilder_vid_julgille.jpg/220px-Nordiska_gudabilder_vid_julgille.jpg)
Oainskuppe
BeoarbaidjeDo heedenske Traditione sunt bekoand um hiere rieke Mythologie un ferskeedene Rituale. Bie do heedenske Traditione rakt et neen Proselytismus, dät hat, ju Bekierdrift juunuur Moanskene mäd uur religiöse Uurtjuugengen fäilt. Deerieuwenske wäide ferskeedene Godhäide fereerd. In dät germaniske Heedendum rakt et t.B. Godhäide so as Woodan un Thuner. In ju fräiske Mythologie spielje do Gode Forseti un Freya ne groote Rulle. Do grootste Fäste in dät germaniske Heedendum sunt dät Midsuumerfäst un Midwinterfäst (Julfäst).
Dät oolde Heedendum
BeoarbaidjeFoar ju Kristianisierenge wieren do maaste Ljuude in Noud-Europa heedensk, uur Religione roate et in Noud-Europa nit. Do hieden hiere oaine Bruuke un Fäste. Ätter ju Kristianisierenge doarste do Ljuude nit moor an do ferskeedene Godhäide leeuwe. Daach sunt noch ferskeedene Bruuke un Fäste behoolden bleeuwen, integriert in dät Kristendum. Biespiele deerfon sunt dän Wienoachtsboom, dät Paaske-oai, un dät Paaskefjuur.
Näiheedendum
BeoarbaidjeSjuch uk: Germaniske Näiheedendum.
In dät leete 19. Jierhunnert un dät 20. Jierhunnert äntstuude dät modärne Heedendum. Dät modärne Heedendum wäd uk Neopaganismus of Näiheedendum naamd, un funktioniert däälich maastens as n Subkultuur mäd ferskeedene Uurtjuugengen. Et rakt t.B. Gruppen, do dät oolde Heedendum so fier dät gungt rekonstuierje wollen, un Gruppen, do uur Elemänte wichtich fiende (t.B. bloot Natuur, Bruuke, Fäste).
Commons: Heedendum – Bielden, Videos un Audiodoatäie
|