Yosefu (mume wa Maria)
Yosefu (kwa Kiebrania יוֹסֵף, "Yosef"; kwa Kigiriki Ἰωσήφ), kadiri ya Injili, alikuwa mume wa Bikira Maria na baba mlishi wa Yesu Kristo ambao pamoja naye waliunda Familia takatifu.
![](http://178.128.105.246/cars-http-upload.wikimedia.org/wikipedia/commons/thumb/f/fd/Casamento_-_perugino1.jpg/220px-Casamento_-_perugino1.jpg)
![](http://178.128.105.246/cars-http-upload.wikimedia.org/wikipedia/commons/thumb/7/74/Bartolom%C3%A9_Esteban_Perez_Murillo_003.jpg/220px-Bartolom%C3%A9_Esteban_Perez_Murillo_003.jpg)
![](http://178.128.105.246/cars-http-upload.wikimedia.org/wikipedia/commons/thumb/6/66/Gentile_da_Fabriano_029.jpg/220px-Gentile_da_Fabriano_029.jpg)
Maisha
haririInjili ya Mathayo (13:5) inamsifu kwa uadilifu wake na kumtaja kama "fundi" (kwa Kigiriki téktón). Lakini inasema pia (sawa na Injili ya Luka) kuwa alitoka katika ukoo wa mfalme Daudi. Ndiye aliyetunza familia hiyo kwa kazi ya mikono yake na kumfundisha mtoto Yesu kufanya kazi za kibinadamu.
Injili na imani ya Kikristo zinasisitiza kuwa baba halisi wa Yesu alikuwa Mungu mwenyewe: Maria alimchukua mimba kwa muujiza uliosababishwa na Roho Mtakatifu.
Yosefu, kisha kujulishwa juu ya mimba hiyo, alikubali kumchukua mchumba wake nyumbani na kumtambua mwanae kuwa ni wa kwake ingawa hakuwahi kujamiiana naye. Hivyo alitunza heshima ya mama na mtoto na kuwahakikishia ulinzi katika jamii inayojali zaidi wanaume.
Miezi baadaye yeye na Maria walikwenda Bethlehemu kwa ajili ya sensa, na ndipo Yesu alipozaliwa pangoni na kulazwa horini.
Wakati huo Yosefu alishuhudia ujio wa wachungaji waliokuja kumuabudu mtoto kadiri ya tangazo la malaika waliowatokea.
Kadiri ya Torati ya Musa, siku nane baada ya mtoto kuzaliwa, Yosefu alimpa mtoto jina wakati wa kutahiriwa, na siku arubaini baadaye alimpeleka hekaluni Yerusalemu ili kumtolea Mungu kama mtoto wa kiume wa kwanza. Ndipo wazee Simeoni na Anna binti Fanueli walipotoa utabiri juu ya Yesu.
Baada ya mamajusi kuwatembelea Bethehemu, wanafamilia walikimbilia Misri ili kukwepa dhuluma ya mfalme Herode Mkuu aliyetaka kumuua mtoto kwa kuogopa atampindua baadaye.
Kisha wakarudi Nazareti (Galilaya) ambapo Yesu alikua vizuri chini ya wazee wake.
Yesu alipokuwa na umri wa miaka kumi na miwili, wote watatu walikwenda kuhiji Yerusalemu kwa Pasaka. Wakati wa kurudi, mtoto alibaki mjini akapatikana tena siku ya tatu akiwa hekaluni kati ya walimu wa sheria, akitokeza hekima yake. Alipoulizwa na Maria kuhusu mwenendo wake, mtoto alionyesha kujitambua si mwana wa Yosefu, bali wa Mungu. Hata hivyo alizidi kumheshimu na kumtii yeye kama baba pamoja na Mama Maria.
Baada ya taarifa hiyo, hakuna tena habari juu ya Yosefu, hivi kwamba wengi wanajiuliza kuhusu kifo chake na kuhisi kilikuwa kimeshatukia Yesu alipoanza utume wake.
Heshima baada ya kifo
haririAnaheshimiwa na Kanisa Katoliki, Waorthodoksi na Waorthodoksi wa Mashariki kama mtakatifu.
Heshima hiyo ilizidi kukua hasa magharibi kadiri ulivyozingatiwa ubinadamu wa Yesu.
Hatimaye alitangazwa na Mapapa kuwa msimamizi wa Kanisa lote kwa jinsi alivyosimamizi vizuri familia takatifu na katika karne ya 20 na ya 21 jina lake limeingizwa katika sala za ekaristi zote za liturujia ya Roma.
Sikukuu yake huadhimishwa tarehe 19 Machi, mbali ya kumbukumbu yake kama mfanyakazi tarehe 1 Mei iliyoongezwa na Papa Pius XII mwaka 1955 ili kuwapa kielelezo na msimamizi wafanyakazi Wakristo wanaosherehekea siku hiyo pamoja na wenzao wa sehemu nyingi za dunia Sikukuu ya kazi [1].
Picha
hariri-
Ndoto ya Yosefu, kadiri ya Rembrandt, 1645 hivi
-
Ndoa na Bikira, kadiri ya Perugino, 1448 hivi
-
Kuzaliwa kwa Yesu, kadiri ya Marten de Vos 1577
-
Ibada ya Mamajusi, kadiri ya Hans Memling, 1480 hivi
-
Yesu kutolewa hekaluni, kadiri ya di Fredi, 1388
-
Ndoto ya kukimbilia Misri, kadiri ya Daniele Crespi, 1625 hivi
-
Kukimbilia Misri, kadiri ya Giotto, karne ya 14
-
Kupatikana hekaluni, Breviari ya karne ya 15
-
Kifo cha Yosefu, St. Martin's at Florac
-
Yosefu kutiwa taji, Valdés Leal, 1670 hivi
Katika muziki
hariri- Nicolas Chadeville (1696 - 176?): Joseph est bien Marié, a choral composition (1755)
- The Killers: Joseph, Better You Than Me (2007)
Tazama pia
haririTanbihi
haririMarejeo
hariri- verett Ferguson, Michael P. McHugh, Frederick W. Norris, "Encyclopedia of early Christianity, Volume 1", article Joseph, p.629
- Crossan, John Dominic. Jesus : A Revolutionary Biography. Harpercollins: 1994. ISBN 0-06-061661-X.
- Dickson, John. Jesus: A Short Life, Lion Hudson plc, 2008, ISBN 0-8254-7802-2, ISBN 978-0-8254-7802-4, Google Books
- Fiensy, David A.; Jesus the Galilean: soundings in a first century life, Gorgias Press LLC, 2007, ISBN 1-59333-313-7, ISBN 978-1-59333-313-3, Google books Archived 11 Mei 2015 at the Wayback Machine.
- Catholic Encyclopedia article
Viungo vya nje
hariri- Joseph. (2010). In Encyclopædia Britannica. Retrieved 7 Mei 2010, from Encyclopædia Britannica Online
- The Life of St. Joseph, Spouse of the Blessed Virgin Mary and foster-father of Our Lord Jesus Christ Archived 20 Agosti 2014 at the Wayback Machine.
- Saint Joseph Archived 1 Machi 2014 at the Wayback Machine. at Patron Saints Index
- Catholic Online Saints: St. Joseph* Eastern Orthodox Tradition: The Righteous Elder Joseph The Betrothed, And His Repose Archived 2013-01-13 at Archive.today
- Holy Righteous Joseph the Betrothed Orthodox icon and synaxarion for the Sunday after Nativity
- Translation of Grimm's Legend No. 1 Saint Joseph in the Forest Archived 6 Desemba 2016 at the Wayback Machine.
- The vocation of Saint Joseph Archived 26 Oktoba 2013 at the Wayback Machine. at Early Christians
Makala hii kuhusu mtu wa Biblia bado ni mbegu. Je, unajua kitu kuhusu Yosefu (mume wa Maria) kama habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |