ಅಳಿಕೆ ರಾಮಯ್ಯ ರೈ
ಅಳಿಕೆ ರಾಮಯ್ಯ ರೈ (17 ಮಾರ್ಚ್ 1915 -21 ಆಗಸ್ಟ್ 1989) ಮೇರ್ ಯಕ್ಷಗಾಒಡ್ ಸುರುತ ಬಾರಿ ರಾಜ್ಯ ಪ್ರಶಸ್ತಿನ್ ಗೆಂದಿನ ಪೆರಿಯ ಕಲಾವಿದೆರ್. ಅಜಿಪ ವರ್ಷ ಮುಟ್ಟ ರಂಗಸ್ಥಲೊಡ್ ಮೆರೆಯಿನಾರ್ ಮೇರ್. ಮೆರೆನ್ ಯಕ್ಷಗಾನದ ಸವ್ಯಸಾಚಿ ಪಂಡ್ದೇ ಲೆತ್ತೊಂದಿತ್ತೆರ್. ನಾಟ್ಯ, ಅಭಿನಯ, ವೇಷ, ಪಾತೆರ ಇಂಚ ನಾಲ್ ಅಂಗೊಲೆಡ್ಲಾ ಮೇರ್ ಪ್ರಸಿದ್ದಿ ಪಡೆತೆರ್. ಅಂಚನೆ ಯಕ್ಷಗಾನೊಡು ಪುಂಡುವೇಷ, ಸ್ತ್ರೀವೇಷ, ರಾಜವೇಷ/ ಎದುರುವೇಷ ಐತೊಟ್ಟುಗೆ ತುಳು ಜಾನಪದ ಪ್ರಸಂಗೊಲೆಡ್ ಮೇರ್ ಮಾತೆರೆಗ್ ಆದರ್ಶವಾತೆರ್. ಕಣಿಪುರ ಗೋಪಾಲಕೃಷ್ಣ ಮೆರೆನ ಎದುರು ಸುರೂತ ಬಾರಿ ಗೆಜ್ಜೆ ಕಟ್ಟಿನ ರಾಮಯ್ಯ ರೈ 1984ನೇ ಇಸವಿಡ್ ಕಟೀಲು ಭ್ರಮರಾಂಬೆನ ಸನ್ನಿಧಿಡ್ ಗೆಜ್ಜೆನ್ ದೆತ್ತ್ ದ್ ಯಕ್ಷಗಾನೊಗು ವಿದಾಯ ಪಂಡೆರ್.[೧]
ಅಳಿಕೆ ರಾಮಯ್ಯ ರೈ | |
---|---|
ಪುಟ್ಟಿನ | 17 ಮಾರ್ಚ್ 1915 ದಕ್ಷಿಣ ಕನ್ನಡ ಜಿಲ್ಲೆ, ಬಂಟ್ವಾಳ ತಾಲೂಕು, ಅಳಿಕೆ ಗ್ರಾಮೊ |
ಮರಣ | ಆಗಸ್ಟ್ 21, 1989 |
ಶಿಕ್ಷಣ | 4 ನೇ |
Known for | ಯಕ್ಷಗಾನೊಡ್ ಪುಂಡುವೇಷ, ಸ್ತ್ರೀವೇಷ, ರಾಜವೇಷ/ ಎದುರುವೇಷ |
ಸಂಗಾತಿ | ಸುಂದರಿ |
ಮಕ್ಕಳು | ಆಜಿ(೬) |
ಪಾಲಕರುs |
|
ಪ್ರಶಸ್ತಿಗಳು |
ಪುಟ್ಟು, ಬರವು ಬೊಕ್ಕ ಜೀವನ
ಸಂಪೊಲಿಪುಲೆಅಳಿಕೆ ರಾಮಯ್ಯ ರೈ ಮೇರ್ ಯಕ್ಷರಂಗೊದ ಭೀಷ್ಮಾಚಾರ್ಯೆ ಪಂಡ್ದೇ ಪ್ರಸಿದ್ದಿ ಪಡೆಯಿನ ಅಳಿಕೆ ಮೋನಪ್ಪ ರೈ(ಮೋನು ಶೆಟ್ಟಿ) ಬೊಕ್ಕ ಶ್ರೀಮತಿ ಮಂಜಕ್ಕೆ ದಂಪತಿಲೆಗ್ 1915ನೇ ಇಸವಿಡ್ ಮಾರ್ಚ್ 17ಗ್ ಅಳಿಕೆ ಬಂಟ್ವಾಳ ತಾಲೂಕುಡುಪ್ಪುನ ಅಳಿಕೆ ಪನ್ಪಿನ ಗ್ರಾಮೊಡು ಪುಟ್ಟಿಯೆರ್. ರೈಕುಲು ಪುಟ್ಟಿನ ದುಂಬುನಾನಿ ಕುಮಬ್ಡಾಜೆಡ್ ಇಚ್ಲಂಪಾಡಿ ಮೇಳೊದ ಪದಿನೆಡ್ಮ ದಿನೊತ್ತ ಮಹಾಭಾರತ ಬಯಲಾಟ ಸುರುವಾದಿತ್ತ್ಂಡ್. ಕರ್ಣೆನ ಜನನೊಡು ಪಾತ್ರಧಾರಿಯಾದಿತ್ತಿನ ಮೋನುಶೆಟ್ರೆಗ್ ಆಣ್ ಬಾಲೆ ಪುಟ್ಟುಂಡ್ ಪನ್ಪಿನ ಸುದ್ದಿನ್ ತನ್ನ ಬಾವನ ಮೂಲಕ ತಿಕ್ಕ್ಂಡ್. ಶೆಟ್ರ್ ಈ ವಿಸಯೊನು ಮೇಳೊದ ಯಜಮಾನೆ ಇಚ್ಲಂಪಾಡಿ ಕೋಟ್ಯಣ್ಣಾಳ್ವೆರೆಗ್ ಪನ್ನಗ, ನೂತ್ತ ಐನ್ ಪ್ರಾಯೊ ಆದಿತ್ತಿನ ಆರ್ ಕುಸಿಟ್ಟ್ ಸ್ವಾಮಿಭಕ್ತೆ ಕರ್ಣನ ಜನನವಾತ್ತ್ಂಡ್; ಪೋದು ಬಲಾ ಪಂಡ್ದ್ ಮೂಜಿ ತೊಲೆತ್ತ ಕುರ್ಜಾತುನ್ ಕೊರಿಯೆರ್ಗೆ.
ಮೇರ್ 11ನೇ ಪ್ರಾಯೊಗ್ ಇಚ್ಲಂಪಾಡಿ ಮೇಳೊನ್ ಸೇರಿನೈರ್ದಾವರ, ನಾಲನೇ ಕ್ಲಾಸ್ ಮುಟ್ಟ ಪೋದು ಬರವು ಕಲ್ಪಿನೈನ್ ಬುಡಿಯೆರ್. ಮೇರ್ ಪುಟ್ಟಿನಿ ಅಳಿಕೆ ಗ್ರಾಮೊಡಾಂಡಲ ಬೊಕ್ಕದ ಮುಪ್ಪ ವರ್ಷೊದ ಜೀವೊನ್ ಮೇರ್ ಉಪ್ಪಿನಂಗಡಿದ ಹಿರೇಬಂಡಾಡಿಡ್ ಕಳೆಯೆರ್. ಮೆರೆನ ಬೊಡೆದ್ದಿ ಸುಂದರಿ, ದಂಪತಿಲೆಗ್ ರಡ್ಡ್ ಆಣ್ ಜೋಕುಲು, ನಾಲ್ ಪೊಣ್ಣುಜೋಕುಲು.[೨]
ಯಕ್ಷಗಾನೊದ ಗುರುಕುಲು
ಸಂಪೊಲಿಪುಲೆರಾಮಯ್ಯ ರೈ ಮೇರ್ ತನ್ನ ಪೊಪ್ಪನೊಟ್ಟುಗೇ ಯಕ್ಷಗಾನೊನ್ ಕಲ್ತ್ದ್ ಮೇಳ ಸೇರಿನಾರ್. ಅಂಚಾದ್ ಮೋನಪ್ಪ ರೈ ಮೆರೆನ ಸುರೂತ ಗುರುಕುಲು. ಅಂಚನೆ ಮೆರೆನ ಭಾಗವತಿಕೆದ ಗುರುಕುಲು ಮವ್ವಾರು ಕಿಟ್ಟಣ್ಣ ಭಾಗವತೆರ್.
ಯಕ್ಷಗಾನೊಡ್ ಸಾದನೆಲು
ಸಂಪೊಲಿಪುಲೆರಾಮಯ್ಯ ರಯ ಮೇರ್ ಕಿನ್ಯ ಪ್ರಾಯೊಡೆ ಅಭಿಮನ್ಯುನ ಪಾತ್ರೊಡು ಜೋಡಾಟೊಲೆಡ್ ದಿಗಿಣ್ ಪಾರ್ದ್ ಇದಿರು ಮೇಳೊದ ಕಲಾವಿದೆರೆನ್ ಸೋಪಾದಿತ್ತೆರ್. ಬಬ್ರುವಾಹನ, ಪರಶುರಾಮ , ಅಶ್ವತ್ಥಾಮ, ಚಂದ್ರಹಾಸ, ಧ್ರುವ, ಲವ, ಕುಶ ಇಂಚಿನ ಪುಂಡುವೇಷೊಲೆಡ್ ಅಂಚನೆ ಸುಮಾರ್ ಸ್ತ್ರೀವೇಷೊನ್ಲಾ ಪಾರ್ದೆರ್. ಪೊಪ್ಪ ಮೋನಪ್ಪರೈಕುಲೆನೊಟ್ಟುಗು ದಶರಥನೊಟ್ಟುಗು ಕೈಕೇಯಿಯಾದ್, ಹರಿಶ್ಚಂದ್ರನೊಟ್ಟು ಚಂದ್ರಮತಿಯಾದ್ ಮೊಕ್ಲೆನ ಜೋಡಿ ಜನಪ್ರಿಯವಾದಿತ್ತ್ಂಡ್.
ಅವ್ಅತ್ತಂದೆ ಅಕ್ರೂರ, ವಿಭೀಷಣ, ಕಾರ್ತವೀರ್ಯ, ಇಂದ್ರಜಿತು, ಕೌರವ, ಕರ್ಣ, ಹನುಮಂತ, ದುಶ್ಯಾಸನ, ರಕ್ತಬೀಜಾಸುರ, ಅತಿಕಾಯ ಇಂಚಿನ ಮನೋಭಾವೊದ ಪಾತ್ರೊಲೆಡ್ಲಾ ತನ್ನ ಛಾಪು ಮೂಡಾದೆರ್. ಅಂಚನೆ ರಾಮ, ದುಶ್ಶಂತ, ನಳ, ಹರಿಶ್ಚಂದ್ರ, ಸುಧನ್ವ ಪಾತ್ರೊಲೆಗ್ ಮಸ್ತ್ ಪ್ರಸಿದ್ದಿ ಪಡೆದೆರ್.
ಪ್ರಶಸ್ತಿ ಪುರಸ್ಕಾರೊಲು
ಸಂಪೊಲಿಪುಲೆ- ಮೈಸೂರು ರಾಜ್ಯದ ರಾಜ್ಯ ಪ್ರಶಸ್ತಿ.
- ಸಂಗೀತ - ನಾಟಕ ಅಕಾಡೆಮಿದ ಪ್ರಶಸ್ತಿ.
- ಬೆಂಗಳೂರು, ಮುಂಬಯಿ, ಮದರಾಸು ಅಂಚನೆ ಸುಮಾರ್ ಸ೦ಘ-ಸ೦ಸ್ಥೆಲೆಡ್ದ್ ಸನ್ಮಾನ.
- ದೆಹಲಿ ಕರ್ನಾಟಕ ಸಂಘೊದ ವಸಂತ ಶೆಟ್ಟಿ ಬೆಳ್ಳಾರೆ ಮೆರೆನ ನೇತೃತ್ವೊಡು ಅಳಿಕೆ ಸಂಸ್ಮರಣ ಗ್ರಂಥ ಪ್ರಕಟಣೆ ಆತ್ಂಡ್.
ಆಸಕ್ತ ಕಲಾವಿದೆರೆಗ್ ಅಳಿಕೆ ರಾಮಯ್ಯ ರೈ ಟ್ರಸ್ಟ್
ಸಂಪೊಲಿಪುಲೆಅಳಿಕೆ ರಾಮಯ್ಯ ರೈ ಮೆರೆನ ಜೋಕುಲು ಅಂಚನೆ ಕುಟುಂಬಸ್ಥೆರ್ ಸೇರ್ ದ್ 2009 ಡ್ ಅಳಿಕೆ ರಾಮಯ್ಯ ರೈ ಟ್ರಸ್ಟ್ ನ್ ಕಟ್ಟಿಯೆರ್. ಮುಲ್ಪ ಪ್ರತಿ ವರ್ಷ ಐನ್ ಆಸಕ್ತ ಕಲಾವಿದೆರೆಗ್ 20,000 ಸಹಾಯನಿಧಿನ್ ಕೊರೊಂದುಲ್ಲೆರ್.
ಉಲ್ಲೇಕೊಲು
ಸಂಪೊಲಿಪುಲೆ- ಪುಸ್ತಕ: ಕರಾವಳಿ ಮಹನೀಯರ ಬದುಕು ಸಾಧನೆ,ಸಂಪಾದಕೆರ್: ಡಾ.ಶ್ರೀಪತಿ ಕಲ್ಲೂರಾಯ ಪಿ.[೩]
- ↑ "ಅಳಿಕೆ ರಾಮಯ್ಯ ರೈ - ಸಂಕ್ಷಿಪ್ತ ಮಾಹಿತಿ (Alike Ramayya Rai)". Yaksha Deepa. 16 October 2020. Retrieved 30 July 2022.
- ↑ "Yakshagana | Kannada Yakshagana | Yakshagana Video | Yakshagana Audio | Yakshagana Artist | Yakshagana Troops". bayalata. Retrieved 30 July 2022.
- ↑ "ಕರಾವಳಿ ಮಹನೀಯರ ಬದುಕು ಸಾಧನೆ". Retrieved 30 July 2022.