Пахтакор марказий стадиони

Пахтакор стадиони 1954-1956-йиллар оралиғида Тошкент марказида ҳашар йўли билан қурилган. 11-август куни Анҳор ёқасида қад кўтарган спорт мажмуаси фойдаланишга топширилган ва унга республикамизнинг этакчи жамоаси каби „Пахтакор“ деб ном берилган. Ўйингоҳ ўз бағрига 50 мингдан зиёд томошабинни тўплаб, туғилган кунини нишонлаган. Байрамга айланиб кетган тантаналарда қурувчилару пахтакорлар, спортчию санъаткорлар, мутасаддию мураббийлар янги мажмуа ишқибозларга кўплаб тарихий мусобақаларни туҳфа этишини тилашган.^[1]

Янги стадионда биринчи учрашув 1956-йилнинг 20-августида бўлиб ўтган. 35 минг мухлис тошкентлик футболчиларнинг Тбилисилик рақиблари билан баҳсини мириқиб кузатган. 19-сентабрда эса „Пахтакор“ марказий аренаси дастлабки халқаро учрашувга мезбонлик қилган. „Пахтакорчилар“ Албания пойтахти Тирананинг „Динамо“ жамоаси билан куч синашиб, зафар қучишган.^[2]

1958-йил август ойида прожектöр ёритгичлари ўрнатилди ва 1966-йилда венгриянинг Элеcтроимпех ишлаб чиқарувчисидан янги электрон табло алмаштирилди.

„Пахтакор“ стадиони ўзининг афсонавий ҳужумчиси Геннадий Красницкийнинг 100-голи гувоҳи бўлди, 1968-йилги совет Топ-лигаси тўпурари Биродар Абдураимов ёки ўша йили Киэвнинг „Динамо“си устидан 5:0 ҳисобида ғалаба қозонган. 1979-йил август ойида 60 000 мухлис стадион диктори билан бирга йиғлаб юборди, у „Пахтакор“ Минскка йўл олганида авиаҳалокатда ҳалок бўлган 17 нафар футболчининг исмларини ўқиб берди.

ХХИ аср аввалида клубда амалга оширилган ислоҳотлар марказий стадионга ҳам таъсир ўтказди. Ярим аср мобайнида спорт аҳлига астойдил хизмат кўрсатган аренани янгидан қуриш зарурлигини тушунган клуб раҳбарлари саъй-ҳаракатлари билан 2007-йилнинг июлидан капитал қайта қуриш ва таъмирлаш ишлари бошлаб юборилди ва 2008-йил якунида қурулиш ишлари якунига етказилди.^[3][4]

2012-йилнинг 1-июнида стадион чими Голландиянинг Қуээнс Грасс Интернатионал компаниясининг Европа стандартларига мувофиқ сифатлисига алмаштирилди.

Стадионнинг қурилиши 1954-йилда бошланган ва 1956-йилда якунланган. Стадион архитектори Митхат Сагҳатдинович Булатов. Дастлаб стадион 60 000 томошабинни сиғдирар эди, бироқ вақт ўтиши билан 1960, 1980, 1996, 2008 ва 2012 йилларда амалга оширилган бир қатор таъмирлаш ишларидан сўнг стадион сиғими ҳозирги — 35 000 томошабинга камайди. 2008-йилда марказий стадионда комп��екс модернизация ишлари амалга оширилди. Клубда кўк ва сариқ рангдаги пластик ўриндиқлар ўрнатилиши билан сиғим 55 000 дан 35 000 га тушди. Қизил рангдаги эски атлетика иншооти ўрнини очиқ кўк рангдаги замонавий иншоотга бўшатиб берди. Бундан ташқари, марказий стадионга, жумладан, янги овоз тизими, 11 метр × 8,5 метрли видеоэкран, матбуот маркази ва конференция зали тақдим этилди.^[5][6]

Стадиондаги биринчи расмий ўйин 1956-йил 20-августда СССР Олий лигаси доирасида „Пахтакор“ ва „Динамо Тбилиси“ футбол клублари ўртасида бўлиб ўтган. Ўша йилнинг 19-сентабр куни „Пахтакор“ ва Тирананинг Албаниянинг „Динамо“ клублари ўртасида илк расмий халқаро ўйин бўлиб ўтган ва унда ҳам тошкентликлар ғалаба қозонган. Совет даврида „Пахтакор“ стадиони СССР Олий лигасининг энг кўп ташриф буюрадиган стадионларидан бири эди (ҳар бир ўйинда 60 000 дан ортиқ мухлис). Санкт-Петербургнинг „Зенит“, „Спартак“, "Динамо ", „CСКА“, „Локомотив“, „Торпедо“ каби жамоалар , Тошкентга „Шахтёр“, „Динамо Киэв“, "Днепр ", „Динамо Минск“ ва бошқалар келди.

2012-йилгача „Пахтакор“ футбол бўйича Ўзбекистон миллий терма жамоаси уй ўйинларини ўтказадиган асосий стадион бўлган. Янги „Бунёдкор“ стадиони фойдаланишга топширилганидан сўнг Ўзбекистон миллий терма жамоаси янги стадионга кўчиб ўтди ва энди „Пахтакор“ стадионида бир қатор ўйинларни ўтказди. Шунингдек, стадионда ёшлар (У-17), ёшлар (У-20), ёшлар (У-23) ва Ўзбекистон аёллар футбол терма жамоасининг уй учрашувлари ўтказилади. Стадионда бошқа турли спорт тадбирлари ва турнирлари, консертлар ва кўнгилочар тадбирлар ҳам ўтказилади.

Кўп маротаба стадион бузилиб, ўрнига янги замонавий стадион қурилиши эълон қилинган. Аммо стадион бунга арзийди. 2017-йилда „Пахтакор“нинг янги раҳбарияти янги стадион қурилиши ҳақида маълум қилганди, аммо ҳозирча қурилиш ишлари бошланмади, стадион ишлаяпти.

•  
  Узбекистан вс Баҳраин, 2009.
• Узбекистан вс Жапан, 2012.
  Узбекистан вс Жапан, 2012.

• Бунёдкор стадиони
• Локомотив стадиони (Тошкент)
• Жар (спорт мажмуаси)

• „Пахтакор“ стадиони „Пахтакор“ ФК сайтида

• Стадиум Датабасе: Пакҳтакор Марказий Стадиум (Wайбаcк Мачине сайтида 2012-02-16 санасида архивланган)
• СтадиумДБ расмлари
• „Пахтакор“ Марказий Ўйингоҳи („Пахтакор“ стадиони), Тошкент