Словак тили
Словак тили — ҳинд-европа тиллари оиласига мансуб славян тилларининг ғарбий гуруҳидаги тил; Словакия Республикасининг расмий тили. Асосан Словакияда, қисман АҚШ, Чехия, Венгрия, Сербия, Канада, Полша ва Руминияда тарқалган. Сўзлашувчиларнинг умумий сони 5,6 млн.кишидан ортиқроқ. Лаҳжалари 3 гуруҳга бўлинади: ўрта словак, ғарбий словак ва шаркий словак. Ўрта словак лахжаси адабий Словак тилига асос бўлган. Словак тили яқин қариндош тиллардан чех тилига яқин туради, кўплаб грамматик ва лексик умумийликларга эга, лекин фонетик жиҳатдан ўзига хос чўзиқ унлилар ва дифтонгларнинг қўлланиши билан фарқ,ланади. Словак тили лотин графикаси асосида унга қўшимча диакритик белгилар қўшиш билан яратилган ёзувга эга. Словакияда 18-асргача расман чех тили қўлланган. Ст.даги дастлабки матнлар 16-аср охирларида, дастлабки китоблар эса 18-аср охирларида пайдо бўлган.
Словак тили | |
---|---|
![]() | |
Миллий номи | slovenčina, slovenský jazyk |
Мамлакатлар | Словакия |
Расмийлик ҳолати | Словакия |
Сўзлашувчиларнинг умумий сони | 5.2 миллион (2011-2012) |
Туркумланиши | |
Тил оиласи | Ҳинд-европа |
Алифбоси | лотин |
Тил кодлари | |
ИСО 639-1 | ск |
ИСО 639-2 | сло (Б); слк (Т) |
ИСО 639-3 | слк |
Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
![]() |