Karkkil
Karkkil (suom.: Karkkila, roč.: Högfors, suomen virkand: [ˈkɑrkːilɑ]) om Suomenman lidn valdkundan suvipäivlaskmas. Mülüb Udenma-agjaha, sen 12. surtte lidnankund koumetoštkümnespäi eläjiden lugun mödhe.
Lidnanznam![]() | |
Valdkund | Suomenma |
Eläjiden lugu (2020-01-01) | 8,723 ristitud |
Pind | 255,32 km² |
Pämez' | Tuija Telén (kezaku 2018—) |
Telefonkod | +358−9 |
Aigvö | tal'vel UTC+2, kezal UTC+3 |
Istorii
vajehtaMunicipalitetan aluz om pandud vl 1932 lidnanvuiččen žilon (suom.: kauppala) statusanke, erigoittihe Pühäjärvi Ul-kundaspäi. Ühtištuihe senke kundoidenke möst vl 1969. Karkkil sai lidnan statusad (kaupunki) vl 1977.
Karkkil šingotase elektrotehnižel tegimel (Helvar, pidatezladimed), mehanižel ümbriradmižel (SEW), konditerižel fabrikal (Fazer). Ende metallurgine tegim radoi lidnas.
Geografijan andmused
vajehtaLidn sijadase agjan lodehliženno röunanno. Saavajogi lankteb Pühäjärvhe (läz 2 km²) lidnas, Vanjogi (suom.: Vanjoki) jokseb järvespäi. Agjan kaikiš korktemb čokkoim seižub neciš kundas, se om Loukkumäki 174 m ü.m.t. kortte. Matkad agjan Hel'sinki-keskushesai om 57 km suvipäivnouzmha orhal vai 69 km avtotedme. Lähembaižed lidnad (avtotedme) oma Lohj 40 km suvhe, Forss 40 km lodeheze, Regimägi 50 km pohjoižpäivnouzmha i Hüvinkä 45 km päivnouzmha.
Lidnankundan ühthine pind om 255,32 km², sidä kesken kuiv ma 242,36 km², vezi i sokaz ma 12,96 km².
Eläjad
vajehtaVl 1980 lidnankundan eläjiden lugu oli 8 330 ristitud, vl 2010 — 9 209 ristitud, se oli kaikiš suremb ristitišt.
Kodikelen mödhe (2016): suomen kel' — 94,0%, ročin kel' — 0,9%, toižed keled — 5,1%.
Lidnan edeline pämez' om Marko Järvenpää (2015−2018).
Galerei
vajehta-
Lidnan kirjišt
-
Karkkilan jumalanpert'
(1781, vn 2015 nägu) -
«Helvar Oy»-kompanijan päfater i tegim
-
SEW-kompanijan mehanižen ümbriradmižen tegim
(2020)
Homaičendad
vajehta
Irdkosketused
vajehtaKarkkil Vikiaitas |