Saint-Émilion
![]() | |
---|---|
![]() | |
![]() Saint-Émilion en oumligg'nde gemêentn ![]() | |
Geografie | |
Regio | Nouvelle-Aquitaine |
Departement | Gironde |
Arroundissement | Libourne |
Kanton | Les Coteaux de Dordogne |
Coördinoatn | {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL |
Ippervlak | 27,02 km² |
Inweuners | |
Inweuners | 1876 (2016) 69 inw./km² |
Andere | |
Burgemêester | Bernard Lauret |
Postcode | 33330 |
Webadres | Site van Saint-Émilion |
Saint-Émilion es 'n gemêente in't departement Gironde in de regio Nouvelle-Aquitaine in't zuudwestn van Vrankryk. 't Ligt ip apreupri 40 kilomèiters o d'ôostkantn van Bordeaux, ip d'elliengn olangsn de riviere de Dordogne. 't Grenst an de gemêentn Néac, Montagne, Saint-Christophe-des-Bardes, Saint-Laurent-des-Combes, Vignonet, Saint-Sulpice-de-Faleyrens, Moulon, Libourne en Pomerol.
Saint-Émilion dankt ze noame an e Bretoensche monnik die in d'achtste êeuwe nor 't dorptje kwam en em dor ols kluuzenoare installeerdige. J'eet do verschilligste miroakels gedoan, ounder and're e blende vrouwe were doen zien. J'is gestorvn ip 6 januoari 767.
Saint-Émilion eet z'n middelêeuwse uutzichte goe kunn'n bewoarn en is doavan styf in trek by de toeristn. Een and're troef is nateurlyk de styf goeie reputoasje da 't stadje eet ip't gebied van wyn. In 1999 werd et "rechtsgebied" Saint-Émilion deur Unesco ip de weirelderfgoedlyste gezet deur zyn schôon wynbouwlandschap en d'istorische monumentn in't stee en d'oumligg'nde dorptjes.
Wynproduksje
bewerknSaint-Émilion es weireldgekend deur zynne wyn. 't Es e zuuver gebied vo rôo wyn en êen van de beste van d'ille regio. 't Wyngebied besloat en ippervlakte van 5500 ectoarn. In da gedêelte van de Bordelais (de benoamienge vo de grôotere wynregio round Bordeaux) doen z'ol sedert de derde êeuwe an wynbouw, doamee èit et verzekers de langste tradisje van't hille wynbouwgebied.
De wyngoardn zyn ipgedêeld in de côtes (elliengn) en de graves (kiezelground'n). Wyn van de côtes lyk de Château Ausone zyn vuller van smoake dan dedie van de graves lyk Château Cheval Blanc die oovr 't olgemêen fyner en ryker van smoake zyn.
Ollêene mor de wyn'n uut de gemêentn Saint-Émilion, Saint-Christophe-des-Bardes, Saint-Étienne-de-Lisse, Saint-Laurent-des-Combes, Saint-Pey-d'Armens, Saint-Hippolyte, Saint-Sulpice-de-Faleyrens, Vignonet en e gedêelte van Libourne meugn 't keurmerk AOC (Appellation d'Origine Contrôlée) Saint-Emilion of Saint-Emilion Grand Cru droagn. Volgest de regels van d'AOC meugn ôok ollêene mor de druvvesôortn Merlot, Cabernet Sauvignon, Cabernet Franc, Carménère en Malbec gebruukt word'n vo 't moakn van de rôo wyn in de Saint-Émilion.
Ofbeeldiengn
bewerknOfbeeldiengn die ier by passn ku je vien in de categorie Saint-Émilion van Wikimedia Commons. |