聲

聲係一種波動^{[e 1]}，涉及介質粒子（最常見嘅係空氣粒子，但例如水粒子都得）係噉振動。嗰股波動嘅各種特質就主宰住嗰一段聲有咩特性。

• 想像家陣有位研究者攞住碌音叉做實驗，佢㩧一吓碌音叉，碌音叉就開始振動（一種有週期性嘅來回郁動），而如果佢將碌振緊嘅音叉（例如）浸入水，啲水會出現波動；由牛頓力學上嘅分析可知，噉表示一碌振緊嘅音叉會向佢周圍啲粒子身上施力，令呢啲粒子跟住佢振。
• 再想像家陣有位研究者攞個鐘形罩罩住一嚿發出緊聲嘅物體（例如一個響緊嘅鬧鐘），然後佢再用泵等嘅方法抽走個罩入面啲空氣，就會發現如果個罩變成真空，就會唔再聽到嚿物體發出嘅聲－噉表示聲係要透過空氣等嘅介質先至可以傳播到嘅；

好似上述呢類噉嘅實驗支撐咗句假說：聲嚟自介質粒子嘅振動。

頻率決定一吓聲嘅音高。

音高嘅實際頻率視乎（例如）件樂器點調較，特別係「攞邊個 A 音做標準」（A440 定係歷史上用過嘅第個頻率）同係咪用平均律。頻率大致上會望落似下圖，X 軸表示音符（C₁、D₁、E₁...），Y 軸表示頻率。由幅圖嗰度睇得出，每一個音符頻率都係高過打前嗰個嘅，而且每個 C 音喺頻率上都啱啱好係前一個 C 嘅兩倍。

如果係平均律同用 A440 調音，圖中嘅頻率數值全部都可以用以下嘅公式計出來^[1]：

${\displaystyle p=69+12\times \log _{2}{\left({\frac {f}{440{\mbox{ Hz}}}}\right)}}$ 

當中 ${\displaystyle f}$  係音高嘅頻率值，得出嘅數值 ${\displaystyle p}$  係 MIDI 嘅音高編號（C₁ 係 24），${\displaystyle \log _{2}}$  係指基數係 2 嘅對數；如果用 ${\displaystyle p}$  做打戙軸音符做打橫軸，就會畫到條直線出嚟。

換句話說，如果用平均律，喺 MIDI 嘅第 ${\displaystyle p}$  個音嘅頻率就會係

${\displaystyle f=440\times 2^{\frac {p-69}{12}}}$ 

上面公式可以計出下列嘅頻率值（注意爾啲數值係假設用緊平均律同用 A440 調音）：

順帶一提，音高係聲調嘅基礎^[2]。

語音學係語言學嘅一個子領域，專研究講嘢嘅聲。

語言嘅起始係一個人講嘢發出聲（單音^{[e 2]}）。呢啲聲源自空氣嘅流動，而喺包括粵語在內嘅絕大多數語言當中，呢股空氣流動係由個肺嗰度開始嘅（肺部氣流音^{[e 3]}）。空氣由肺嗰度流出^{[註 2]}，通過氣管、喉、咽、鼻腔同口腔等嘅部位，當中喉係聲帶^{[e 4]}嘅所在。空氣流過身體咁多唔同部位嗰陣，呢啲身體部份嘅狀態（例如係條脷嘅郁動）都會影響最後發出嚟嘅聲有乜特性—噉就表示人可以發出好多種唔同款嘅聲，亦表示佢哋可以用發出嚟嘅聲表達好多唔同嘅意思。

• 波動
• 節奏

篇文用咗嘅行話或者專有名詞，英文版本如下：

篇文引用咗以下呢啲文獻同網頁：