Fries (boukunde)
![](http://178.128.105.246/cars-http-upload.wikimedia.org/wikipedia/commons/thumb/6/60/Tower_of_the_Winds_frieze_detail.jpg/220px-Tower_of_the_Winds_frieze_detail.jpg)
![](http://178.128.105.246/cars-http-upload.wikimedia.org/wikipedia/commons/thumb/5/57/Dingaan_en_Retief%2C_paneel_12%2C_Voortrekkermonument%2C_b.jpg/220px-Dingaan_en_Retief%2C_paneel_12%2C_Voortrekkermonument%2C_b.jpg)
In argitektuur verwys 'n fries (meervoud: friese) na 'n versierde horisontale strook of band wat soms boaan die muur van 'n gebou of vertrek, of aan die borand van 'n voorwerp, soos 'n vaas, aangebring is.[1]
'n Fries bied 'n uitgebreide, verhalende voorstelling van mense, mitologiese figure en/of diere binne 'n duidelik raamwerk. Friese het 'n dekoratiewe funksie, wat meestal ook 'n dieper betekenis insluit. Dit kan op velerlei wyses en van 'n verskeidenheid materiale vervaardig word.
Die fries in die heldesaal van die Voortrekkermonument is een van die grootste marmerfriese ter wêreld. Hierdie fries bestaan uit 27 panele wat belangrike gebeure tydens die Groot Trek uitbeeld. Die fries is deur 4 Suid-Afrikaanse beeldhouers ontwerp, naamlik Hennie Potgieter, Peter Kirchhoff, Frikkie Kruger en Laurika Postma. Die gipsmodelle is na Italië gestuur waar 40 Italiaanse beitelaars en 6 beeldhouers dit in Italiaanse marmer (Quercetta-marmer) uitgekap het. Die voltooide Fries weeg bykans 200 ton.[2]
Verwysings
- ↑ Definisie in die HAT
- ↑ Gereelde vrae oor die Voortrekkermonument[dooie skakel], vtm.org.za, besoek op 11 Oktober 2015
Eksterne skakels
Wikimedia Commons het meer media in die kategorie Fries (boukunde).