Oribiravyn
![](http://178.128.105.246/cars-http-upload.wikimedia.org/wikipedia/commons/thumb/5/59/Oribi_gorge.jpg/250px-Oribi_gorge.jpg)
![](http://178.128.105.246/cars-http-upload.wikimedia.org/wikipedia/commons/thumb/6/60/Oribi_Gorge_Suspension_bridge.jpg/250px-Oribi_Gorge_Suspension_bridge.jpg)
Die Oribiravyn (Engels: Oribi Gorge) is ’n canyon in die suide van KwaZulu-Natal, Suid-Afrika, net wes van Port Shepstone en sowat 120 km suid van Durban. Die ravyn, wat deur die Mzimkulwanarivier uitgekalwe is, is die oostelikste van die twee ravyne wat deur die Oribivlakte van KwaZulu-Natal sny. Die westelike ravyn is deur die Mzimkulurivier uitgekalwe. Die Oribiravyn is sowat 400 m diep en tot amper 5 km breed.
Erosie deur hierdie twee riviere het skouspelagtige klowe en rotse oor byna 30 km gevorm wat deur suptropiese plantegroei bedek word.[1] Die digte woud in die ravyn is die tuiste van verskeie klein soogdiere, terwyl waterlikkewane aan die rivieroewers hou.[2]
Die ravyn kry sy naam van die Ourebia ourebi (oorbietjie), ’n wildsbokkie wat in die ravyne aangetref word.
Oribiravyn-natuurreservaat
Die Oribi Gorge-natuurreservaat is 1 837 hektaar groot. Dit lê 24 km weerskante van die uMzimkulwana-riviervallei, by die sameloop van die Mzimkulu- en Mximkulwanarivier. Die hoogste punt in die reservaat is 680 m bo seevlak.[3]
Diere in die ravyn
Benewens waterlikkewane en oorbietjies, sluit gewerweldes in die bosbok, duiker, ribbok, blouaap, Samango-aap en verskeie soorte paddas en skilpaaie.[4]
-
Samango-aap -
Blouaap -
Bosbok -
Duiker -
Rooiribbok -
Oorbietjie
Verwysings
- ↑ Glen, H. F. (1996). "A description of the vegetation of Oribi Gorge Nature Reserve, Natal, part I". Trees in South Africa. Johannesburg: Tree Society of Southern Africa. 46: 18–27.
- ↑ Bayless, Mark K. (2002). "Monitor lizards: a pan‐African check‐list of their zoogeography (Sauria: Varanidae: Polydaedalus)". Journal of Biogeography. 29 (12): 1643–1701. doi:10.1046/j.1365-2699.2002.00779.x.
- ↑ Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.
- ↑ Bourquin, O.; Mathias, I. (1994). "The vertebrates of Oribi Gorge Nature Reserve: 1". The Lammergeyer. 33: 35–44.
{{cite journal}}
: Onbekende parameter|lastauthoramp=
geïgnoreer (hulp)
Skakels
- Ezemvelo KZN Wildlife (voorheen die Natalse Parkeraad)
- Oribiravyn: inligting Geargiveer 3 Julie 2007 op Wayback Machine
- 360-grade-toer van die ravyn Geargiveer 16 Junie 2020 op Wayback Machine
Wikimedia Commons het meer media in die kategorie Oribiravyn.
Hierdie artikel is in sy geheel of gedeeltelik uit die Engelse Wikipedia vertaal.