Vlag van Kuba
![]() |
|
Bynaam | (es) La Estrella Solitaria (af) Die Eensame Ster |
---|---|
Gebruik | Nasionale vlag en vaandel ![]() |
Verhouding | 1:2 |
Goedgekeur | 20 Mei 1902 |
Ontwerp | ’n Rooi droehoek met ’n wit ster aan die vlagpaalkant met vyf afwisselende horisontale bane in blou en wit op die wapperkant. |
Ontwerp deur | Narciso López |
![]() |
|
Gebruik | Ander ![]() |
Verhouding | 2:3 |
Ontwerp | Twee horisontale bane waarvan die onderste blou is en die boonste in twee gedeel is met die skildhoek rooi met ’n wit ster en wit op die wapperkant. |
Die nasionale vlag van Kuba is op 20 Mei 1902 amptelik in gebruik geneem.[1][2] Die vlag vertoon ’n rooi gelykbenige driehoek aan die vlagpaalkant met ’n vyfpuntige wit ster in die middel van die driehoek en vyf horisontale bane in blou en wit afwisselend op die wapperkant.
Simboliek
[wysig | wysig bron]Die drie blou bane verwys na die drie historiese provinsies van Kuba: Sentraal, Westelik (Occidental) en Oostelik (Oriental). Die blou verwys ook na die seë om Kuba terwyl die wit Kuba se onafhanklikheid simboliseer.[3] Die driehoek aan die vlagpaalkant is ’n vrymesselaarsimbool vir vryheid, gelykheid en broederskap en die rooi kleur van die driehoek verwys na die bloed wat gevloei het vir die Kubaanse onafhanklikheid.[4] Die wit ster is die simbool vir die eenheid van die volk.
Die vlag van Kuba is geïnspireer deur die vlag van die Verenigde State (die Stars and Stripes). Volgens sommige bronne was dit die bedoeling dat die La Estrella Solitaria toegevoeg sou word by die Amerikaanse vlag vanweë die verlange in die 19e eeu dat Kuba by die VSA ingelyf moet word.[3] Dit is egter nie seker of hierdie beweging ooit baie steun in Kuba geniet het nie.
Ontwerp
[wysig | wysig bron]Die Kubaanse vlag het ’n wydte-breedteverhouding van 1:2. Die vyf horisontale bane is ewe wyd en neem elk dus een vyfde van die wydte van die vlag in beslag. Die drie sye van die driehoek is gelyk aan mekaar en dus gelyk aan die wydte van die vlag. Die regterpunt van die driehoek is reg in die middel van die middelste blou baan en op 14/31 van die vlagpaalkant af. Die middelpunt van die wit ster is presies in die middel van die driehoek. Die afstand van die middel van die ster na elk van die vyf punte is gelyk aan 3/20 van die wydte van die vlag.
![Konstruksietekening](http://178.128.105.246/cars-http-upload.wikimedia.org/wikipedia/commons/thumb/6/6c/Flag_of_Cuba_%28constructios%29.svg/350px-Flag_of_Cuba_%28constructios%29.svg.png)
Ander vlae
[wysig | wysig bron]-
Vlag van die Spaanse Ryk, 17 April 1535 tot 1784
-
Vlag van die Spaanse Ryk, 1785 tot 1873
-
Vlag van die Eerste Spaanse Republiek, 1873 tot 1874
-
Vlag van Céspedes tydens die Tienjarige Oorlog, 1868 tot 1878
-
Vlag van die Verenigde State se militêre regering in Kuba, 1898 tot 1902, 1906 tot 1909
-
Vlag van die Beweging van 26 Julie
-
Vlag van die Kubaanse Eerste Minister, 1959 tot 1976
-
Vlag van die Kubaanse president
Onafhanklikheidstryd
[wysig | wysig bron]![](http://178.128.105.246/cars-http-upload.wikimedia.org/wikipedia/commons/thumb/d/d6/Naval_jack_of_Cuba.svg/220px-Naval_jack_of_Cuba.svg.png)
Die oorsprong van die Kubaanse vlag lê in 1848 toe die verskillende bewegings wat Kuba van die Spanjaarde wou bevry opgeskiet het, veral onder bannelinge in die Verenigde State. Anti-Spaanse Kubaanse bannelinge onder leiding van die Venezolaan Narciso López[4] het op aanbeveling van die digter Miguel Teurbe Tolón ’n vlag aanvaar met drie blou bane as verwysing na die seë om Kuba, twee wit bane as simbool van die suiwerheid van die patriotiese saak en ’n rooi driehoek as verwysing na die bloed wat gevloei het vir onafhanklikheid met ’n wit ster as simbool van onafhanklikheid. López het hierdie vlag gebruik tydens die Slag van Cárdenas in 1850 en weer ’n jaar later tydens die Slag van Playitas. Hoewel López albei veldslae verloor het, was hierdie twee die eerste geleenthede waarby die huidige Kubaanse vlag gebruik is.
In die onafhanklikheidstryd is ’n ander vlag ook gebruik: die vlag van Yara (of vlag van La Demajagua) wat gebruik is deur opstandelinge onder Carlos Miguel de Cespedes.[4] Hierdie vlag is, afgesien van die omgedraaide rooi en blou, dieselfde as die vlag van Chili (). Deesdae word hierdie vlag in die Nasionale Vergadering langs die nasionale vlag gebruik asook op ander plekke waar die volksverteenwoordigers vergader. Die vlag van Yara word ook, soos reeds genoem, gebruik as geus.
Amerikaanse besetting en onafhanklikheid
[wysig | wysig bron]Toe die Verenigde State Kuba tydens die Spaans-Amerikaanse Oorlog van 1898 verower het, het die Stars and Stripes op die eiland gewapper. Nadat Kuba in 1902 onafhanklikheid verkry het, is die huidige vlag aanvaar as simbool van die Kubaanse onafhanklikheid en soewereiniteit,[3] wat effens sinies is aangesien Kuba in werklikheid slegs ’n vasalstaat van die Verenigde State geword het.[7]
Die vlag is sedertdien steeds in gebruik, ook na die Kubaanse rewolusie onder Fidel Castro.
Soortgelyke vlae
[wysig | wysig bron]Verwysings
[wysig | wysig bron]- ↑ (en) "flag of Cuba". Encyclopædia Britannica. Geargiveer vanaf die oorspronklike op 21 Desember 2019. Besoek op 22 Mei 2019.
- ↑ (en) "History of Cuban flag and emblems". cubaflags.com. Geargiveer vanaf die oorspronklike op 24 Desember 2019. Besoek op 22 Mei 2019.
- ↑ 3,0 3,1 3,2 (en) Flags of the World (2006): Cuba, URL besoek op 22 Mei 2019.
- ↑ 4,0 4,1 4,2 (en) History of Cuban Flags and Emblems (2007): Origins of Cuban Flag, URL besoek op 1 Julie 2007.
- ↑ (en) "Symbols of the cuban nation". Geargiveer vanaf die oorspronklike op 18 Mei 2019. Besoek op 22 Mei 2019.
- ↑ (en) "Flag and the Coat of Arms". Besoek op 22 Mei 2019.
- ↑ (nl) Hans Vogel (2002): Geschiedenis van Latijns-Amerika, Het Spectrum, Utrecht, blz. 252–253.
Eksterne skakels
[wysig | wysig bron]![]() |
Wikimedia Commons bevat media in verband met Vlae van Kuba. |
- (en) Kuba by Flags of the World.
- (en) "Flag of Cuba". Encyclopædia Britannica. Besoek op 22 Mei 2019.
Hierdie artikel is in sy geheel of gedeeltelik vanuit die Nederlandse Wikipedia vertaal. |