Nifchers
![](http://178.128.105.246/cars-http-upload.wikimedia.org/wikipedia/commons/thumb/a/aa/Giliak_Mongoloid.png/250px-Giliak_Mongoloid.png)
![](http://178.128.105.246/cars-http-upload.wikimedia.org/wikipedia/commons/thumb/2/20/V.M._Doroshevich-Sakhalin._Part_II._Nivkh_Amusement.png/250px-V.M._Doroshevich-Sakhalin._Part_II._Nivkh_Amusement.png)
Die Nifchers of Giljak – etnoniem: Нивхгу, Nʼivxgu (Amoer) of Ниғвңгун, Nʼiɣvŋgun (Oos-Sachalin), "die volk" – is ’n inheemse etniese groep wat op die noordelike helfte van Sachalin-eiland en aan die Benede-Amoer en kus van die aangrensende Russiese vasteland woon, asook moontlik histories in dele van Mantsjoerye.
Beskrywing
[wysig | wysig bron]Die Nifchers was oorspronklik vissermanne, jagters en hondetelers. Hulle was halfnomadies en het in die somer naby die kus gewoon en in die winter verder die binneland in om salm te vang. Die dele van die land waar hulle gewoon het, word gekenmerk deur taigawoude met koue winters met sneeu en matige somers met yl boombedekking.[1] Die Nifchers is vermoedelik die oorspronklike bewoners van die streek en stam moontlik af van ’n voorgestelde Neolitiese volk wat in die laat Pleistoseen van die Transbaikal-streek af migreer het.[2]
Die Nifchers het lang handels- en kultuurbande met die naburige China en Japan gehad. Hulle was voorheen in die invloedsfeer van Qing-China, maar nadat die Russiese Ryk die gebied geannekseer het ná twee verdrae in 1858 en 1860, is die volk se tradisionele lewenstyl aansienlik deur kolonisasie en kollektivisering verander.[3][4] Vandag het hulle ’n moderner lewenstyl.
Die Nifchers beoefen sjamanisme, wat belangrik is vir die winter se Beerfees, hoewel sommige hulle tot die Russiese Ortodoksie bekeer het.[5]
Volgens die Russiese sensus van 2002 is daar 5 287 Mifchers. Die meeste praat Russies en net sowat 10% praat hulle eie taal, Nifchies. Dit word as ’n geïsoleerde taal beskou, hoewel dit gerieflikheidshalwe as ’n Paleosiberiese taal geklassifiseer word.[6]
Verwysings
[wysig | wysig bron]- ↑ Gall, Timothy L. (1998) Worldmark Encyclopedia of Cultures and Daily Life: Nivkhs. Detroit, Michigan: Gale Research Inc. 2100p. ISBN 0-7876-0552-2
- ↑ Fitzhugh, William, and Durbreui pp.39, 40
- ↑ Bassett, p.1
- ↑ Jesup Exhibition: " Culture: Nivkh (Gilyak)" Geargiveer 12 Februarie 2008 op Wayback Machine - American Museum of Natural History
- ↑ Chaussonnet, pp. 34, 35
- ↑ Mattissen, p.515
Bronne
[wysig | wysig bron]- Fitzhugh, William, en Durbreui (1999) Ainu: Spirit of a Northern People. Washington, D.C.: Arctic Studies Center, National Museum of Natural History, Smithsonian Institution en University of Washington Press. 415p. ISBN 0-9673429-0-2
- Bassett, Elizabeth Gilyak (Nivkh) Culture - Minnesota State University, Mankato – EMuseum
- Chaussonnet, Valerie (1995) Native Cultures of Alaska and Siberia. Arctic Studies Center. Washington, D.C. 112p. ISBN 1-56098-661-1
- Mattissen, Johanna (2001) Facts about the World's Languages. New England Publishing. 896p. ISBN 0-8242-0970-2
Skakels
[wysig | wysig bron]Wikimedia Commons het meer media in die kategorie Nifchers.
Hierdie artikel is in sy geheel of gedeeltelik uit die Engelse Wikipedia vertaal.