Christina Obergföll
Christina Obergföll ![]() | |||||||||||||||||||||||||||||||||||||||||||||||||||||||||||||
Nation | ![]() | ||||||||||||||||||||||||||||||||||||||||||||||||||||||||||||
Geburtstag | 22. Augschte 1981 (42 Johr) | ||||||||||||||||||||||||||||||||||||||||||||||||||||||||||||
Geburtsort | Lohr, Dytschland | ||||||||||||||||||||||||||||||||||||||||||||||||||||||||||||
Greßi | 175 cm | ||||||||||||||||||||||||||||||||||||||||||||||||||||||||||||
Gwicht | 71 kg | ||||||||||||||||||||||||||||||||||||||||||||||||||||||||||||
Karriere | |||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Disziplin | Speerwurf | ||||||||||||||||||||||||||||||||||||||||||||||||||||||||||||
Beschtlaischtig | 70,20 m ![]() | ||||||||||||||||||||||||||||||||||||||||||||||||||||||||||||
Verain | LG Offeburg | ||||||||||||||||||||||||||||||||||||||||||||||||||||||||||||
Trainer | Werner Daniels, Boris Obergföll | ||||||||||||||||||||||||||||||||||||||||||||||||||||||||||||
Status | zruckträtte | ||||||||||||||||||||||||||||||||||||||||||||||||||||||||||||
Karriereänd | 3. Septämber 2016 | ||||||||||||||||||||||||||||||||||||||||||||||||||||||||||||
Medalliespiegel | |||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||
letschti Änderig: 8. Septämber 2016 |
D Christina Obergföll (* 22. Augschte 1981 z Lohr) isch e ehmoligi dytschi Speerwärferi. Ihre grescht Erfolg isch dr Gwinn vu dr Goldmedallie bi dr Wältmaischterschafte 2013 z Moskau gsii.
Lääbe
[ändere | Quälltäxt bearbeite]D Christina Obergföll isch z Mohlburig as Dochter vum Pirmin Obergföll un syre Frau Evelyne ufgwachse. Si het e eltere Brueder, Carsten. Mit sechs Johr het si bim TUS Mohlburig mit Lychtathletik aagfange un het si no Drei-, Vier- un Sibe-Kampf bal uf dr Speerwurf kunzäntriert. Si het z Offeburg Abitur gmacht un an dr Universitet Fryburg Bewegigsbezogeni Gsundhaitsferderig studiert un derno an dr DHfPG z Saarbrücken Gsundhaitsmanagement un 2010 mit eme Master abgschlosse. Syt em Septämber 2013 isch si mit em ehmolige Speerwärfer un ihrem ehmolige Trainer Boris Obergföll geb. Henry ghyrote. Si hän zäme zwee Sihn, Marlon (* 2014), un Noah (* 2017).[1]
Näbe ihre Goldmedallie het si au zwoo Silbermedallie bi Wältmaischafte, zwoo Silbermedallie bi Europamaischterschafte un zwoo Silbermedallie bi dr Olympische Spiil gwunne. Si isch bis hite (Stand 2018) di dytsch Rekordhalteri im Speerwurf, e Zytlang het si au dr Europarekord ghaa (70,20 m). Zäme mit dr Barbora Špotáková, dr Osleidys Menéndez un dr Maria Abakumowa ghert si zue däne Speerwärferne, wu meefach iber 70 Meter gworfe hän.
Unter em Trainer Werner Daniels isch d Christina Obergföll ab 1997 fir d LG Offeburg aadrätte un het bi re Greßi vu 1,75 m e Wettkampfgwicht vu 71 kg ghaa.
Karriere
[ändere | Quälltäxt bearbeite]Scho as Juniori het si erschti Erfolg gfyyrt. Zwische 2000 un 2002 isch si dreimol in Folg Dytschi Junioremaischteri wore. Bi dr Juniorewältmaischterschafte 2000 z Santiago de Chile isch si uf Rang acht chuu. Anne 2004 isch si bi dr Olympische Spiil z Athen derby gsii, het si aber as Fuzehti in dr Qualifikation nit fir s Finale chenne qualifiziere.
Dr erscht groß Erfolg vu ihre Karriere isch dr Obergföll bi dr Wältmaischterschafte 2005 z Helsinki glunge, wu d Silbermedallie gwunne het, was e Iberraschig gsii isch. Bi ihrem zweete Versuech het si dr Speer uf 70,03 m gworfe un mit däre Laischtig e Europarekord ufgstellt. Si isch dodermit um des Zyt di ainzig Frau uf dr Wält näbe dr Kubanerin Osleidys Menéndez gsii, wu dr Speer uf e Wyti vu iber 70 Meter gworfe ghaa het.
2007
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/9/9a/Osaka07_D5M_Christina_Obergfoell.jpg/220px-Osaka07_D5M_Christina_Obergfoell.jpg)
Bis vor dr Saison 2007 het d Obergföll as formuubständig un ihre komplizierte Wurfschtil as gsundhaitli problematisch gulte. Derwylscht si in vyl Wettkämpf nume gringi Wytene gschafft het, hat ai glunge Wurf eso wyt chenne fliege, ass er dytli iber dr Megligkait vu andere Wärferne glägen isch. Konkerräntine wie d Steffi Nerius hän wäg däm ihri Form, wu si nit hän chenne uusrächne, gferchtet. Bim Saisonstart 2007 z Halle het si aber zaigt, ass si an ihre Tächnik zimli gschafft ghaa het. Mit dr zur däm Zytpunkt zwootbeschte Laischtig vu ihre Laufbahn het d Obergföll mit 68,08 m dr Wettbewärb dytli vor dr Nerius gwunne, wu as Zwooti 64,74 m gschafft het. Dodermit het d Obergföll scho im erschte Wettkampf vum Johr 2007 di vun ere sälbscht gworfe Johreswältbeschtlaischtig vu 2006 vu 66,91 m iberdroffe. Au bi dr andere Wettkämpf z Kassel un z Cottbus het d Obergföll vor dr Nerius gsiigt, un am 23. Juni het si bim Lychtathletik-Europacup z Minche ihre aigene Europarekord uf 70,20 m verbesseret. Zum erschte Mol in ihre Karriere het d Obergföll bi dr Dytsche Maischterschafte 2007 z Erfurt dr Titel gwunne mit ere Wyti vu 66,59 m. Bi dt Wältmaischterschafte 2007 z Ōsaka het si glych wie im Vorjohr Silber gwunne.
2008
[ändere | Quälltäxt bearbeite]Im Olympiajohr 2008 het si ihre Titel am 5. Juli 2008 bi dr Dytsche Maischterschafte z Nürnberg verdaidigt. Mit 62,18 m het si im letschte Versuech vor dr Nerius gwunne, wu bis zue däm Zytpunkt gfiert het un mit 61,91 m uf dr zweet Blatz chuu isch Ihri Beschtlaischtig anne 2008 lyt bi 69,81 m. Die Wyti het si am 31. Augschte 2008 bim DKB-Cup-Finale z Elstal gworfe.[2] Bis dert het si ne Saisonbeschtlaischtig vu 67,72 m vum Grand-Prix-Meeting z Ostrava ghaa. Do het si s ainzig Mol gege di aktuäll Wältmaischteri Barbora Špotáková vu Tschechie gwunne, wu b däm Wettkampf mit 66,91 m Zwooti woren isch.
Bi dr Olympische Spiil 2008 het si mit 66,13 m di drittbescht Wyti gworfe. Vor ihre sin d Barbora Špotáková, wu mit 71,42 m d Goldmedallie gwunne het un dodermit e neie Europarekord ufgstellt het, un d Marija Abakumowa vu Russland gläge, wu au wyter gworfe het wie dr bishärig Europarekord vu dr Obergföll. No dr noodreeglige Disqualifikation vu dr Abakumowa wäge Doping dur s IOC am 13. Septämber 2016 isch dr Obergföll d Silbermedallie zuegsproche wore. D Viertblatziert vu 2008, d Briti Goldie Sayers, het dodermit d Bronzemedallie iberchuu.
2009
[ändere | Quälltäxt bearbeite]Im Wältmaischterschaftsjohr 2009 het d Christina Obergföll bi ihrem erschte Wettkampf z Halle ne seli guete Start verwitscht. Si het mit 68,40 m gwunne, d Wältjohresbeschtlaischtig. No nie in ihre Karriere isch si eso guet in e Saison chuu. Bis zue ihrem dritte Wettkampf, am 5. Juni z Baunatal, het die Wältjohresbeschtlaischtig allno Bstand ghaa. Au dr Wettkampf z Baunatal het si mit 67,48 m gwunne. Bi dr Haim-Wältmaischterschafte z Berlin isch si mit 64,34 m uf dr fimft Blatz chuu un isch dodermit hinter dr Erwartige zrugblibe.
2010
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/0/0e/Christina_Obergf%C3%B6ll_ISTAF_Berlin_2010.jpg/220px-Christina_Obergf%C3%B6ll_ISTAF_Berlin_2010.jpg)
2010 het d Obergföll bi dr Europamaischterschafte z Barcelona hinter ihre Verainskameradi Linda Stahl d Silbermedallie gwunne.[3] Derzue het si z Elstal mit 68,63 m dr drittwytscht Wurf vum Johr un dr fimftwytscht Wurf vu ihre gsamte Karriere ghaa.
2011
[ändere | Quälltäxt bearbeite]D Saison 2011 isch fir d Obergföll aafangs zimli guet verlofe, si het vier Diamond-League-Meeting gwunne un si mit ihrem vierte Siig z London dr vorzytig Gsamtsiig gsicheret. Derzue het si in fimf Wettkämpf iber 65 Meter gworfe. Dr wytscht Wurf isch ere bi dr Dytsche Maischterschafte z Kassel mit 68,86 m glunge, des isch ihre viertbescht je gworfe Wurf gsii un het ere ihre dritt national Titel un e Maischterschaftsrekord brocht. Ihre große Draum vun ere Goldmedallie bi dr Wältmaischterschafte z Daegu (Sidkorea) isch nit in Erfillig gange, mit 65,24 m isch si nume uf dr viert Blatz chuu.
2012
[ändere | Quälltäxt bearbeite]D Obergföll het jetz mit em Sportpsicholog Hans Eberspächer zämegschafft.[4] Bi dr Europamaischterschafte isch si mit 65,12 m Vizeeuropamaischteri wore,[5] churzi Zyt, nodäm si z Wattenscheid mit 65,86 m scho zum vierte Mol Dytschi Maischteri woren un aafangs Monet bim Wärfer-Meeting z St. Wendel scho uf 67,04 m chuu isch.[6] Bi dr Olympische Spiil z London het si mit 65,16 m scho zum fimfte Mol e intenationali Silbermedalie gwunne, hinter dr aktuälle Weltrekordleri, dr ehmolige Wältmaischteri 2007 un jetz zwaimolige Olympiasiigeri Barbora Špotáková.
2013
[ändere | Quälltäxt bearbeite]Ab Mai isch d Obergföll bi allne Diamond-League-Meeting derby gsii, wu Speerwurf uusdrait wird. Mit Siig z Eugene, z New York un z Rom isch si schnäll an dr Spitz vum Diamond Race Ranking chuu. Au bim negschte Meeting z Paris am 6. Juli het si gwunne. Bi dr dytsche Maischterschafte ai Dag speter het si si dr Linda Stahl mieße gschlaa gee. Mit 61,74 m isch si wyt hinter ihre sunschtige Saisonlaischtige blibe. Mit ihrem fimfte Diamond-League-Siig in Folg bi dr Anniversary Games z London isch si am 17. Juli vorzytig as Siigeri vu dr Gsamtwärtig feschtgstande.
Dr grescht Erfolg vu ihre Karriere het d Obergföll bi dr Wältmaischterschafte z Moskau ghaa, wu si mit ere Wyti vu 69,05 m d Goldmedallie gwunne het.
2014/2015
[ändere | Quälltäxt bearbeite]Wäg ihre Schwangerschaft un dr Geburt vu ihrem Suhn het si ne Wettkampfpaus gmacht. Im Mai 2015 isch si in Sport retuurchuu.[7] Bi dr Wältmaischterschafte z Peking isch si bim Siig vu dr Katharina Molitor mit 64,61 m Vierti wore.
2016
[ändere | Quälltäxt bearbeite]Noch em russische Doping-Skandal het si d Obergföll im Mai 2016 fir e Speeri vu Russland bi dr Olympische Spiil z Rio de Janeiro uusgsproche.[8] Drotz ass si bi dr Europamaischterschafte as DM-Vierti nit derfer derby syy, isch d Obergföll fir di Olympische Spiil as aini vu drei dytsche Starterne nominiert wore statt dr Katharina Molitor, wu derno versuecht het ihri Nominierig mit ere Verfiegig vum Gricht durezsetze.[9][10] Bi dr Spiil isch si as beschti Dytschi mit 62,92 m uf dr acht Blatz chuu. Mit eme Siig bim ISTAF Berlin het si am 3. Septämber 2016 ihre Karriere en Änd gmacht.[11]
Färnsehufdritt
[ändere | Quälltäxt bearbeite]- 2014: Hirschhausens Quiz des Menschen (ARD)
- 2016: 6 Mütter (VOX)
Sozial Engaschmänt
[ändere | Quälltäxt bearbeite]D Obergföll unterstitzt dr Ferderverain fir chräbschranki Chinder e. V. Fryburg, wu si au Kuratoriumsmitglid isch. Derzue setzt si si gege Chinderarmuet z Dytschland un au in dr Wält yy (u. a. fir d Wälthungerhilf un UNICEF).
Ehrige
[ändere | Quälltäxt bearbeite]- 2012: Silbrig Lorbeerblatt[12]
- 2013: Champion vum Johr
- 2013: Sportleri vum Johr
- 2013: Lychtathleti vum Johr
In ihre Haimetgmai Mohlburig isch anne 2013 e Stroß noch ere gnännt wore.[13]
Weblink
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Offiziälli Websyte vu dr Christina Obergföll
- Christina Obergföll in dr Datebank vu dr IAAF
- Athleteporträt uf leichtathletik.de
- S Christina Obergfölls „Road to Rio 2016“ (Site cha nüme abgrüeft wärde; Suche im Webarchiv)
Fueßnote
[ändere | Quälltäxt bearbeite]- ↑ Christina Obergföll ist zum zweiten Mal Mutter, leichtathletik.de, 21.08.2017
- ↑ Speerwerferinnen übertreffen sich in Elstal
- ↑ Speerwurf-Doppelsieg durch Stahl und Obergföll, 29. Juli 2010.
- ↑ Speerwerferin Christina Obergföll arbeitet mit Mentaltrainer (Memento vom 26. Oktober 2018 im Internet Archive) Badische Zeitung, 15. Merz 2012.
- ↑ Ergebnisse EM 2012 (Memento vom 1. Juli 2012 im Internet Archive)
- ↑ Storl unterliegt knapp – Obergföll überzeugt. In: Focus. 10. Juni 2012, abgruefen am 10. August 2012.
- ↑ Speerwurf-Star: Obergföll beendet Wettkampfpause. In: Spiegel Online. 12. Mai 2015, abgruefen am 12. Mai 2015.
- ↑ Speerwerferin Obergföll: Russlands Athleten sperren. In: Süddeutsche Zeitung. 25. Mai 2016, abgruefen am 13. Oktober 2018.
- ↑ Olympia-Nominierung: Molitor droht mit Klage gegen DOSB Spiegel Online, 13. Juli 2016, abgerufen am 13. Juli 2016.
- ↑ Olympia 2016: Speerwerferin Molitor darf nicht nach Rio. In: Spiegel Online. 18. Juli 2016, abgruefen am 9. Juni 2018.
- ↑ Tränen zum Abschied und ein ausgefallenes Bruderduell Spiegel Online, 3. Septämber 2016.
- ↑ Silbernes Lorbeerblatt 2012. Archiviert vom Original am 19. November 2018; abgruefen am 3. Dezember 2018.
- ↑ Mahlberg benennt eine Straße nach Christina Obergföll (Memento vom 4. März 2016 im Internet Archive) Badische Zeitung, 8. Septämber 2013.
![]() |
Dä Artikel basiert uff ere fräie Übersetzig vu dere Version vum Artikel „Christina_Obergföll“ vu de dütsche Wikipedia. E Liste vu de Autore un Versione isch do z finde. |