Baptismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O baptismo^[1] (por vía culta, anque en aragonés a pronunciación mas estendillada ye /ba'tismo/~/bal'tismo/, "batismo"^[2] y "baltismo"^[2]) ye un rito d'adopción d'o cristianismo que se relaciona cuasi en toz os casos con l'augua. A l'acción de dar o baptismo se le diz baptizar (pron. "batizar"^[2] u "baltizar").

Pa bellas ilesias cristianas, como a Catolica, o baptismo ye un sacramento.^[3] Pa atras, como os anabaptistas, o baptismo representa una «ordenanza de Cristo». O baptismo se celebra pa dar-le dentrada en a relichión cristiana a un individo.

En muitos puestos de l'Alto Aragón, a l'acción de baptizar a una persona encara se le i diz cristianar de forma coloquial. Tradicionalment, os ninons se vestiban d'una forma especial pa la cerimonia de baptizo. A o vestiu que se les meteba pa ixa ocasión se le diz vestiu «de cristianar».^[4]

A parola baptismo dimana d'o latín <BAPTISMUS,^[5] que a la suya vegada la prene de l'idioma griego <βαπτισμός, baptismos.^[5] Tiene os significaus d'inmersión, anegamiento, ser afundiau u mesmo afogamiento.^[6] En o contexto cristiano, tiene o sentiu d'«inmersión» en a nueva relichión.

• 
  Gorret de cristianar.

• Ilesia baptista.
• Pila baptismal.

• Se veigan as imáchens de Commons sobre baptismo.