Efecto hibernadero
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://178.128.105.246/cars-http-upload.wikimedia.org/wikipedia/commons/thumb/5/59/Sun_climate_system_alternative_%28Spanish%29_2008.svg/250px-Sun_climate_system_alternative_%28Spanish%29_2008.svg.png)
L'efecto hibernadero ye una situación de temperatura atmosferica mes alta que la que cabría esperar como resultau de l'efecto que producen ciertos gases (vapor d'augua, dioxido de carbonio, metano y oxidos de nitrocheno) que son transparents a la radiación visible de lo Sol que los traviesa pero no a la radiación infrarroya emesa por la superficie que s'ha escalfau con la radiación visible, que ye tornada a la superficie de lo planeta mantenendo una temperatura relativament alta en los primers 12 km de l'atmosfera.
L'efecto hibernadero ye muit gran en Venus. En la Tierra ye muito menor, y explica que presente una atmosfera a 15 °C de meya en cuenta de los -18 °C que cabría esperar si no bi hese una atmosfera con efecto hibernadero.
L'efecto hibernadero ye un fenomeno natural. Manimenos como consecuencia de l'actividat humana y d'a contaminación atmosferica se produce una presencia mes gran de fases d'efecto hibernadero, tanto naturals (dioxido de carbonio), como contaminants. L'augmento de l'efecto hibernadero produce un escalfamiento global de lo clima.
Bibliografía
- (es) Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGrawHill.