Arto
Apariencia
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre botanica. Ta o lugar de l'Alto Galligo se veiga Arto (Uesca)
![](http://178.128.105.246/cars-http-upload.wikimedia.org/wikipedia/commons/thumb/e/ee/Rhamnus_lycioides.jpg/250px-Rhamnus_lycioides.jpg)
Arto[1][2] ye o nombre u fitonimo común de bellas especies vechetals de diferents familias y que tienen en común estar arbustos, tener brancas con punchas largas y duras, (u que as mesmas brancas sigan como punchas) u dar a sensación de formar una matullera impenetrable porque te punchas.
Reciben o nombre d'arto sobretot:
- Bellas especies d'o chenero Rhamnus como Rhamnus lycioides, Rhamnus nigra y Rhamnus saxatilis.
- Crataegus monogyna.
- Hippophae rhamnoides.
- Lycium europaeum.
- Pyracantha coccinea.
A vegatas reciben tamién a calificación d'arto atras especies d'a familia d'as rosacias que tienen un nombre vernaclo claro por tener una farcha pareixita:
- L'aranyonera, que ye Prunus spinosa.
- L'abanera, que ye Prunus mahaleb.
- A gabardera, que son un conchunto de microespecies d'o chenero Rosa con Rosa canina como mes representativa.
Curiosidaz
[editar | modificar o codigo]Os picapuercos aproveitan as punchas luengas d'os artos pa clavar y guardar os xoriguetz que cazan.
![](http://178.128.105.246/cars-http-upload.wikimedia.org/wikipedia/commons/thumb/4/44/Lanius_excubitor_1_%28Marek_Szczepanek%29.jpg/250px-Lanius_excubitor_1_%28Marek_Szczepanek%29.jpg)
Ditos y mazadas
[editar | modificar o codigo]- «cuan l'arto florexe no trobarás qui pan te dexe».[3]
Referencias
[editar | modificar o codigo]- ↑ (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602
- ↑ (es) Mariano Peralta Horte: Ensayo de un diccionario aragonés-castellano, 1853, ISBN 978-1168692238, p.26
- ↑ (an) Chusé Damián Dieste Arbués as allacas e a farina, Fuellas, 263, 2021, ISSN.: 1132-8452, p.14-15