Confederación Hawwara
Apariencia
(Reendrezau dende Hawwara)
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Hawwara estió una confederación tribal berber important en a Edat Meya, huei con una tribu que encara habita en l'Aurés (Alcheria).
Bellas brancas d'a tribu Hawwara entroron en a Peninsula Iberica en os primeros tiempos d'a conquiesta islamica, en o sieglo VIII, ixemenando-sen por tot o territorio. Han deixato siñal toponimico en l'este d'a peninsula, por eixemplo en dos Favaras, una en o (Baixo Matarranya) y atra en a Ribera Baixa d'o Xúcar. O toponimo Fabarán de Murcia tamién s'interpreta en relación a este grupo berber.
Puestos on i habió Hawwaras documentatos estioron:
- A Cora de Santaber, una important demarcación d'o norte de l'Al Andalus yera sinyoría d'a familia hawwara d'os Banu Dil-Dun.
- Albarracín, on a familia hawwara d'os Banu Razín se fació con o poder creyando-ie a Taifa d'Albarracín.
- Marchena, on yera establita a familia hawwara d'os Banu Yahwar.
- As Balears.
En Africa han dato nombre a Bab Hawara en Tripoli (Libia).
Seguntes Ibn Khaldún han dato nombre a lo macizo d'Ahaggar en o Sahara.