Muralla romana de Zaragoza
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Muralla romana de Zaragoza | |
---|---|
![]() Muralla romana de Zaragoza amán d'o Torretón d'a Zuda | |
Situación cheografica | |
Estau | |
País | |
' | |
Situación | ![]() |
Adreza | |
Coordenatas | |
Archidiocesi | |
Diocesi | |
Arcipestrau | |
Advocación | |
Culto | |
Orden | |
Rector | |
Vicario parroquial | |
2.º Vicario parroquial | |
Mosen | |
Propietario | |
Administrador | |
Director | |
Coste | {{{coste}}} |
Vesitable | |
Datos tecnicos | |
Altaria | |
Pisos | |
Amplaria | |
Largaria | 3000 m |
Superficie | |
Diametro | |
Aforo | |
Altaria s.r.m. | |
Atras | |
Alcance | |
Iluminación | |
Potencia | |
Arquitectura | |
Tipo | muralla |
Estilo | |
Función | |
Catalogación | Bien d'Intrés Cultural |
Materials | piedra |
Construcción | |
Construcción | sieglo I-III |
Fundador | |
Inicio | |
Fin | |
Inauguración | |
Destrucción | |
Arquitecto | |
Incheniero estructural | |
Incheniero de servicios | |
Incheniero civil | |
Atros | |
Premios | |
Pachina web | |
Localización | |
A muralla romana de Zaragoza fue construyida mientres la epoca romana pa protecher la colonia romana de Caesaraugusta, en l'actualidat Zaragoza.
Descripción
[editar | modificar o codigo]A muralla recorreba las actuals Avenida de César Augusto, El Coso y o Paseyo d'Echegaray y Caballero. Teneba orichinalment 3000 metros de longaria, 10 metros d'altaria y 4 metros d'amplaria. I heba 120 torretons defensivos y cuatro puertas orientadas a los puntos cardinals: a puerta de Toledo (ueste), a Puerta de l'Ánchel (norte), a puerta de Valencia (este) y la puerta Cinecha (sud). Yera feita con fornigón romano (en latín opus caementicium) revestiu de piedras d'alibastro y caliza.
Historia
[editar | modificar o codigo]En a fundación d'a colonia Caesaraugusta se realizó lo rito fundacional de mugar o recinto sagrau d'a ciudat. Estió trazada sobre lo perimetro d'a ciudat que estió trazau en a ceremonia relichiosa de fundación d'a ciudat con un mosén guiando una chunta de bueis con un aladro de bronce.[1] As puertas d'a muralla de Zaragoza yeran orientadas de tal traza que en una lo sol se devantaba lo día d'o solsticio d'estiu mientres que en a opuesta se meteba lo mesmo día. En a puerta d'o sud se devantaba lo sol lo día d'o solsticio d'hibierno mientres que en a opuesta a ista se meteba lo sol lo mesmo día.[2] Posteriorment una empalizada de fusta (en latín vallum) estió devantada dica que en o sieglo I estió construyida la muralla de piedra. Posteriorment estió reformada en o sieglo III. A muralla estió dimpués reaproveitada per Visigodos y musulmans. En 827 parti d'a muralla estió destruyida per un creixita d'o río Ebro.[3] En 937, dimpués d'a capitulación de Saraqusta debant de Abd-ar-Rahman III, la muralla ye reducida en altaria como mida de castigo.[3] Entre 1358 y 1364 estió reparada de par d'a guerra d'os dos Peros con un desempocho de 100.000 sueldos chaqueses.[4] A partir d'o sieglo XV ya no yera necesaria asinas que china chana s'estió esparando y las suyas piedras usadas en palacios. En 1900 una parti d'a muralla estió espaldada con dinamita pa construyir o Mercato Central de Zaragoza. En 1933 estió declarada Molimento Nacional.
Liendas
[editar | modificar o codigo]Entre las anyadas d'ocupación arabe, a muralla romana estió obchecto de diferents leyendas. Asinas, per eixemplo:
- una leyenda arabe deciba que la muralla yera feita de marbre reforzau interiorment per plomo y que refulchiba de tal traza que Saraqusta yera clamada al-Madinat al-Bayda (en aragonés "a ciudat blanca").
- unatra leyenda deciba que la muralla de piedra teneba propiedaz machicas y per ixo, ni sierpes ni arraclans podeban dentrar vivos en Saraqusta. Amás, as virollas alzadas dentro d'o recinto amurallau no se corrompeban nunca.[5]
Restas
[editar | modificar o codigo]Se conservan dos trampos d'a muralla:
- un trampo de bels 80 metros amán d'o Torretón d'a Zuda.
- un trampo integrau en o Convento d'o Santo Sepulcro.
- un trampo de 4,75 metros en o suterrano d'o Coso n°147, descubierto en 2017 per Úrsula Heredia.[6]
Referencias
[editar | modificar o codigo]- ↑ (es) Historia de Zaragoza. I. Edades antigua y media, Concello de Zaragoza, 1976, ISBN 84-500-1351-8, p. 32
- ↑ (es) Historia de Zaragoza. I. Edades antigua y media, Concello de Zaragoza, 1976, ISBN 84-500-1351-8, p. 128
- ↑ 3,0 3,1 (es) Mario Lafuente Gómez Las murallas de Zaragoza en la Edad Media, Recintos amurallados: VII Jornadas de Castellología Aragonesa, 2016, p.239
- ↑ (es) Mario Lafuente Gómez Las murallas de Zaragoza en la Edad Media, Recintos amurallados: VII Jornadas de Castellología Aragonesa, 2016, p.248
- ↑ (es) Mario Lafuente Gómez Las murallas de Zaragoza en la Edad Media, Recintos amurallados: VII Jornadas de Castellología Aragonesa, 2016, p.242
- ↑ (es) https://www.heraldo.es/noticias/aragon/zaragoza/2017/07/13/hallan-los-restos-torreon-romano-entre-una-tienda-bar-zaragoza-1186749-2261126.html