Angula
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Angula tamién ye conocíu como rula o raul el nome que recibe'l alevín del pexe anguila, únicu esquil dexáu poles lleis de pesca. Cuando s'atopa nos mercaos de pexe suel tener 1 g de pesu, mide daqué menos de 8 cm de llargor. Les angules comercializaes suelen tar cocíes, en casu de tar vives son tresparentes. Esti pexe, por cuenta del so eleváu preciu nel mercáu, tien un sucedaneu más baratu conocíu como gula y ellaboráu con surimi a base de abadexu procedente de Alaska.
Característiques
L'angula ye l'esquil o cría de l'anguila, que realiza llargues migraciones pa reproducise, dende les cabeceres de los ríos europeos hasta los llugares pa la friega nel mar. Dellos exemplares realicen un percorríu de más de 5000 km hasta'l mar de los Sargazos, a lo llargo de dos o tres año pa llegar ellí dende Europa. Nel percorríu nun precisen alimentase. Les anguiles pueden serpentear per tierra firme mientres dellos kilómetros alendando al traviés de la piel.
Nes primeres etapes d'el so nacencia toles angules son femes, y col tiempu dalgunes camuden de sexu. Son tresparentes y tienen un tamañu de 5 a 6 cm. Les angules que sobreviven nos ríos van camudando de color: l'anguila mariella tien el llombu de color café y al pasar el tiempu camuda a verde y finalmente a plateado.
Usos culinarios
En España yera tradicional nes gastronomíes de Vizcaya, Asturies, Tuy y Guipúzcoa pero la so popularidá estendióse a otres partes del territoriu. El platu más conocíu ye angules a la bilbaina sirvíu nuna cazuela de folla con ayu, aceite d'oliva y guindilla afumada. Conozse sicasí tamién na cocina francesa de les contornes de Nantes, La Rochelle y Burdeos.
Les angules suélense mercar yá precocinaes, xeneralmente envasadas al vaciu, nesti casu tienen un color blancu o llixeramente negru. Depende fundamentalmente del tiempu que pasaron nel ríu; les negres pasaron más tiempu y son xeneralmente menos valoraes. Nel casu d'adquirise vives suélense matar con tabacu disueltu n'agua, depués llávense (col oxetivu principal de quitar la baba y pequenos palos y cañes que queden nel cedazo) y darréu cuécense nuna salmoria onde adquieren el color blancu habitual.
Tamién puede atopase ellaboraes en ensaladas o bien como acompañante de platos de pexe o mariscu.
Sucedaneu de l'angula
Los elevaos precios de l'angula nos mercaos de pexe, xuníos a la escasez de l'angula nos ríos, fixeron que se faiga bien popular un sucedaneu d'ella ellaboráu con surimi a base de abadexu procedente de Alaska. Ye popularmente conocíu como "gula", nome que realmente correspuende a una marca comercial concreta de dichu productu. Pa ellaborar un quilu de surimi son necesarios cinco quilos de pexe. La industria alimentaria foi ameyorando adulces les cualidaes y les semeyances, y dende va tiempu son mayoritarios los sucedaneos qu'asonsañen el colores abuxaos y güeyos de l'angula orixinal.
Vease tamién
Referencies
Enllaz esternu
Wikimedia Commons acueye conteníu multimedia sobre Angula 
.
