Najat Vallaud-Belkacem
Najat Vallaud-Belkacem (4 d'ochobre de 1977, Beni Chikar), nacida Najat Belkacem, ye una política socialista francesa. Ye conseyera xeneral del cantón 12º de Lyon. Tres la victoria de François Hollande en mayu de 2012, foi nomada ministra de los derechos de les muyeres y vocera del gobiernu francés, cargos qu'exerció simultáneamente nel primer y segundu gobiernu de Jean-Marc Ayrault.
El 2 d'abril de 2014, nel primer gobiernu de Valls, foi confirmada nel so cargu y nomada, amás, ministra de la Ciudá, de la Mocedá y de Deportes, dexando de ser voceru gubernamental. El 26 d'agostu del mesmu añu foi designada ministra d'Educación, Instrucción Cimera ya Investigación, siendo la primer muyer n'exercer esa función na historia de la República Francesa.
Najat Vallaud-Belkacem, nacida en Marruecos. Segunda de siete hermanos con una güela española y otra arxelina, axuntada en Francia a los cuatro años col so padre gracies a la llei de reagrupamientu familiar, y dafechu integrada. Descríbese como una "musulmana non prauticante".[5]
Ella almite que tien la fuercia del gobiernu francés pa penerar de Twitter les espresiones d'odiu (illegales según el derechu francés) cuando se fala d'homofobia.[6] Y en cuanto al matrimoniu ente persones del mesmu sexu en Francia, declaró que la so llegalización ye una cuestión de "progresu históricu".[7]
Delles publicaciones
- con Éric Keslassy. Pluralité visible et égalité des opportunités (enllaz rotu disponible n'Internet Archive; ver l'historial y la última versión).. Fondation Jean-Jaurès (setiembre 2010) ISBN 978-2-36244-006-9
- con Guillaume Bachelay. Réagissez ! Répondre au FN d'A à Z, Jean-Claude Gawsewitch Éditeur (setiembre 2011) ISBN 978-2-350-13297-6
- Raison de plus !, Fayard (marzu de 2012) ISBN 978-2-213-66644-0
Referencies
- ↑ Afirmao en: Roglo. Identificador Roglo: p=najat;n=belkacem. Apaez como: Najat Belkacem.
- ↑ URL de la referencia: https://www.legifrance.gouv.fr/jorf/jo/1998/05/16/0113.
- ↑ URL de la referencia: https://frenchamerican.org/young-leaders/earlier-classes/2006/.
- ↑ Identificador NOR: PRER2203733D.
- ↑ «Muslim Minister in French Government Calls for Twitter to Censor Tweets that Don't Respect Human Rights». Consultáu'l 24 d xineru de 2013.
- ↑ Farago, Jason (2 de xineru de 2013). «In praise of Vallaud-Belkacem, or why not to tolerate hate speech on Twitter». The Guardian (Londres). http://www.guardian.co.uk/commentisfree/2013/jan/02/praise-vallaud-belkacem-hate-speech-twitter. Consultáu'l 4 de xineru de 2013.
- ↑ «France and gay marriage: Pink pride in Paris - The Economist». The Economist.