Robert Redford
Charles Robert Redford (18 d'agostu de 1936, Santa Monica) ye un actor, ecoloxista y direutor d'Estaos Xuníos, ganador de los premios Óscar y Globu d'Oru. A la so estensa y apreciada carrera, hai que sumar la so condición de sex symbol pa delles xeneraciones, títulu que compartió col so colega y amigu Paul Newman, col que rodó películes de gran ésitu.
En 2010, el presidente de Francia Nicolás Sarkozy condecorólu cola Lexón d'Honor por tola so amplia y reconocida trayeutoria nel mundu del cine.
Biografía
[editar | editar la fonte]Nació nel distritu de Santa Mónica, en Los Angeles (California) como Charles Robert Redford, Jr.. Marta, la so ma, yera ama de casa, y el so pa llecheru, de relixón católica d'orixe irlandés.
Mocedá rebalba
[editar | editar la fonte]Crióse nel barriu hispanu del oeste de Los Ángeles. Nos años 50 el so pa, Charles Redford trabayó como contable na Standard Oil y treslladáronse a un suburbiu de clase media nel valle de San Fernando. A la so ma, Martha diagnosticáron-y un cáncer y Redford travesaba entós una dómina de rebeldía; pero prestába-y cuntar hestories y dibuxar. Una escursión al parque nacional de Yosemite dio-y un intensu amor pola naturaleza, qu'influyiría en munches de les sos películes.
Bohemia n'Europa y problemes
[editar | editar la fonte]En 1955, Martha, la ma de Redford, morrió a los 41 años d'edá. Él abandonó los estudios en 1956 y foise como artista itinerante a Italia y Francia pa probar la vida bohemia d'un artista; tornó desilusionáu en 1957 y empezó una vida de rebeldía xuvenil sumida nel alcoholismu, acomuñada a la perda de la so ma.[9]
Nesi mesmu añu conoció a Lola van Wagenen, una universitaria de clase media acomodada de relixón mormona d'Utah, cola qu'empecipió una llarga y estable rellación que tuvo una influencia positiva pa Redford. Dexó de beber y en 1958 matriculóse nel Pratt Institute de Nueva York pa estudiar arte. Interesába-y el diseñu d'escenarios y siguió el conseyu d'estudiar interpretación pa deprender más sobre'l teatru. Nunca-y atraxera'l trabayu d'actor, pero prestó-y la esperiencia.
Boda y primeros trabayos
[editar | editar la fonte]En 1958 casóse con Lola y al añu siguiente nació'l so fíu Scott, que finó pocos meses dempués por muerte súbita. Nesi mesmu añu unu de los sos profesores consiguió-y el so primer papel en Broadway. En 1960 empezó a trabayar na televisión, na serie Playhouse 90, y de siguío en Perry Mason, Alfred Hitchcock presenta y La dimensión desconocida. Arriendes d'ello, el so padre llegó a dici-y: «¿Por qué nun te busques un trabayu de verdá?»[ensin referencies]
En 1960 Redford y la so esposa tuvieron una fía, Shawna, y en 1962 nuevamente un fíu, David James. Nesos años mercaron una parcela agraria n'Utah, u construyeron una vivienda diseñada pol mesmu Redford. La so fía Amy nacería en 1970.
Debú nel cine
[editar | editar la fonte]Nel añu 1962 Redford consiguió'l so primer papel nun llargumetraxe de cine, War Hunt, de Denis Sanders. De siguío volvió actuar en Broadway, na obra Descalzos pel parque, dirixida por Mike Nichols, qu'impunxo la participación de Redford, a quien viera na televisión. Esta obra de teatru convirtiólu n'estrella de Broadway y foi'l trampolín perfeutu escontra Hollywood, onde foi contratáu en 1964.
Nes sos cuatro primeres películes fixo papeles secundarios y nun-y apurrieron un ésitu dignu de mención. Estes películes fueron La rebelde (protagonizada por Natalie Wood), La menada humana (ambiciosu filme de denuncia d'Arthur Penn, con un estensu repartu qu'inclúi a Marlon Brando y Angie Dickinson), Situación desesperada y This Property Is Condemned.
Estrellalgu nel cine
[editar | editar la fonte]En 1966 treslladóse a España pa empezar una vida bohemia, sicasí esi mesmu añu ufiertáron-y un papel como protagonista na versión cinematográfica de Descalzos pel parque (1967), xunto a Jane Fonda, que foi un gran ésitu.
Nos años siguientes intervieno en delles películes que lu consolidaron como actor de prestíu y tamién como estrella de Hollywood; la primera d'elles en 1969, Butch Cassidy and the Sundance Kid (en castellán Butch Cassidy and the Sundance Kid), con Paul Newman, con quien conxenió aína y convirtiéronse nuna de les pareyes cinematográfiques más importantes de la historia del cine. Otres películes d'ésitu fueron: El candidatu (1972), dos filmes empobinaos por Sydney Pollack (l'interesantisimu, y güei filme de cultu, Les aventures de Jeremiah Johnson de 1972, y la romántica y taquillera Tal como yéremos de 1973, co-protagonizada por Barbra Streisand), y la esperada y xenial El güelpe (1973), nuevamente col so amigu Newman. Esti filme llogró cinco Óscar y por él recibió Redford la so primer nominación, como actor principal. En 1974 rodó The Great Gatsby con Mia Farrow; una producción d'ambientación bien cuidada, pero que recibió males crítiques.
Redford creó tamién la so propia productora independiente, Wildwood Enterprises, que la so primer película foi Downhill Racer en 1969 (trad: Downhill Racer), dirixida por Michael Ritchie.
En 1976 actuó en Tolos homes del presidente, sobre'l casu Watergate, xunto a Dustin Hoffman. La película consiguió seis nominaciones a los Óscar, incluyida la de meyor película. En 1979, protagoniza The Electric Horseman xunto a una destacable Jane Fonda, onde una vegada más apaez l'amor haza los caballos que Redford profesa.
Siguió siendo una estrella con tirón comercial na década de los 80, onde destaquen dos películes: Out of Africa, con Meryl Streep, filme que collechó siete premios Óscar, ente ellos el de meyor película; y Peligrosamente xuntos (1986) con Debra Winger y Daryl Hannah. En 1985 separtóse de la so esposa Lola tres 27 años de matrimoniu y esi mesmu añu caltuvo una llarga rellación de 7 años cola actriz brasilana Sonia Braga.
Trabayos como direutor
[editar | editar la fonte]Como direutor, Redford yá tien una trayeutoria importante, con películes que-y valieron la reconocencia del oficiu y del públicu. En 1980 empecípiase como direutor con Ordinary People, filme protagonizáu por Donald Sutherland y Mary Tyler Moore que llogró bien bones crítiques y ésitu de taquilla, y que-y supunxo'l Óscar al meyor direutor.
Redford dirixó en 1988 The Milagro Beanfield War, una película bucólica y de fantasía na que se reflexa'l so amor pola natura y la vida rústica, pero que nun tuvo un ésitu significativu.
En 1992 dirixe El ríu de la vida, con Brad Pitt y Tom Skerritt, au trata de la comunicación ente padres y fíos, una tema recurrente na so vida.
Darréu dirixó Quiz Show, que llogró bones crítiques, anque escasa aceptación en taquilla, y que supunxo la so segunda nominación a los Óscar como direutor. Esta cinta foi igualmente nomada al premiu como meyor película, pero finalmente resultó ganada en dambes categoríes.
En 1998 dirixó The Horse Whisperer, basada na novela de Nicholas Evans, en 2000 The Legend of Bagger Vance, y en 2012 The Company You Keep (Pactu de silenciu).
Redford creó en 1980 un centru d'enseñanza pa nuevos cineastes, L'Institutu Sundance que funciona como Festival nos branos y como centru de sky esclusivu pel hibiernu, nos sos terrenes d'Utah. Llevó alantre esta empresa a costu propiu pesie aa nun atopar sofitos. El so institutu subvenciona a nueves promeses con tolos gastos pagos mientres 4 selmanes, apurre profesores, material téunico y l'asesoramientu de grandes profesionales.
Viendo la calidá de los trabayos decidió crear un festival de cine paralelu pa esponer los trabayos de los estudiantes, y güei convirtióse nel festival de cine independiente más importante del mundu: el Festival de Cine de Sundance, que celebrase tolos xineros dende 1983 en Park City, Utah. Ye interesáu porque'l nome de la escuela y el festival vien de la película que protagonizó en 1969 con Paul Newman: Butch Cassidy and the Sundance Kid, na qu'él se llamaba The Sundance Kid. Más tarde adquirió un ranchu en Provo au s'aficionó a la crianza de caballos de pura sangre.
Últimos trabayos como actor
[editar | editar la fonte]A partir de la década de 1980, Robert Redford foi espaciando los sos trabayos como actor de cine, magar siguió participando en delles producciones de prestíu per direutor y/o repartu. Ente elles destaquen: Peligrosamente xuntos (1986) d'Ivan Reitman, onde trabayó con Debra Winger y Daryl Hannah; y les películes romántiques Habana (1990) de Sydney Pollack (con Lena Olin) ya Íntimu y personal con Michelle Pfeiffer.
Darréu rodó dos filmes del xéneru d'intriga: Spy Game con Brad Pitt y La solombra d'un secuestru con Helen Mirren. Pero acasu tuvo más repercusión comercial otra película calidable y argumentu más discutibles: Indecent Proposal, con Demi Moore.
En 2005, rodó con Jennifer Lopez An Unfinished Life, y en 2007 sofitó al entós criticáu Tom Cruise interpretando un papel na so producción Lions for Lambs, xunto al mesmu Cruise y Meryl Streep.
En 2013, rodó como únicu protagonista Cuando too ta perdío, un filme sobre la sobrevivencia n'alta mar empobináu por J.C. Chandor. Equí Redford interpreta a un patrón de yate qu'ha d'evitar el naufraxu de la embarcación. Ye un trabayu actoral bien esixente, ensin más personaxes qu'él mesmu, que recibió bien bona crítica y dexa dicir con propiedá que sigue bien activu nel cine.
En 2014, rodó Captain America: The Winter Soldier, so la direción d'Anthony Russo, interpretando al axente d'altu rangu de S.H.I.E.L.D., Alexander Pierce.
Creencies polítiques y ecolóxiques
[editar | editar la fonte]Pa la eleición presidencial de 1976, Redford preparó al Presidente Carter pal alderique presidencial, llogrando óptimes resultancies, yá que Carter ganó l'alderique y Ford cometió dellos errores. Jimmy Carter llogró na eleición un 50,1% escontra un 48% de Ford.
En 1977 Redford escribió un llibru de denuncia sobre la espansión d'Estaos Xuníos escontra l'oeste, The Outlaw Trail. Lluchó con ésitu escontra la construcción d'una central llétrica n'Utah, lo que-y valió numberoses amenaces.
Segunda boda
[editar | editar la fonte]El 11 de xunetu de 2009 casóse cola so pareya dende va años Sibylle Szaggars, pintora alemana. La ceremonia tuvo llugar n'Hamburgu na intimidá de la familia y amigos más próximos.[10]
Filmografía completa como actor y direutor
[editar | editar la fonte]![](http://178.128.105.246/cars-http-upload.wikimedia.org/wikipedia/commons/thumb/f/fc/Redford_Milagro_Cannes_1988.jpg/220px-Redford_Milagro_Cannes_1988.jpg)
- Capitán América: The Winter Soldier (2014)
- Cuando too ta perdí (2013)
- Pactu de silenciu (2012)
- The Conspirator (2010)
- Lions for Lambs (2007)
- Charlotte's Web (2006) (voz)
- An Unfinished Life (2005)
- The Clearing o La solombra d'un secuestru (2003)
- Xuegu d'espíes (2001)
- La cabera fortaleza (2001)
- The Legend of Bagger Vance (2000)
- The Horse Whisperer, con Kristin Scott Thomas y Scarlett Johansson (1998)
- Íntimu y personal, con Michelle Pfeiffer (1996)
- Quiz Show (1994)
- Indecent Proposal, con Demi Moore y Woody Harrelson (1993)
- Incident at Oglala(1992) como productor executivu y narrador
- Swing Kids (1992)
- El ríu de la vida (1992)
- Habana, con Lena Olin (1990)
- The Milagro Beanfield War o The Milagro Beanfield War (1988)
- Peligrosamente xuntos, con Debra Winger y Daryl Hannah (1986)
- Out of Africa, con Meryl Streep (1985)
- El meyor (1984)
- Ordinary People (1980)
- Brubaker (1980)
- The Electric Horseman (1979)
- A Bridge Too Far (1977)
- Tolos homes del presidente, con Dustin Hoffman (1976)
- Three Days of the Condor (1975)
- The Great Waldo Pepper o The Great Waldo Pepper (1975)
- The Great Gatsby, con Mia Farrow (1974)
- El güelpe, con Paul Newman (1973)
- Tal como yéremos, con Barbra Streisand (1973)
- El candidatu (1972)
- Les aventures de Jeremiah Johnson (1972)
- Un diamante en caldia o The Hot Rock (1972)
- El preciu del fracasu o Little Fauss and Big Halsy (1970)
- Downhill Racer o Downhill Racer (1969)
- Tell Them Willie Boy Is Here o Tell Them Willie Boy Is Here (1969)
- Butch Cassidy and the Sundance Kid con Paul Newman (1969)
- Descalzos pel parque con Jane Fonda (1967)
- This Property Is Condemned o This Property Is Condemned (1966)
- La menada humana (1966)
- La rebelde o Inside Daisy Glover con Natalie Wood (1966)
- Situación desesperada, pero menos o Situation Hopeless... But Not Serious (1965)
- War Hunt (1962)
Premios
[editar | editar la fonte]Añu | Categoría | Película | Resultáu |
---|---|---|---|
2001 | Óscar Honoríficu | ||
1994 | Meyor Película | Quiz Show | Candidatu |
1994 | Meyor Direutor | Quiz Show | Candidatu |
1980 | Meyor Direutor | Ordinary People | Ganador |
1973 | Meyor Actor | El golpe | Candidatu |
Añu | Categoría | Película | Resultáu |
---|---|---|---|
1965 | Nueva estrella del añu Actor | La rebelde | Ganador |
1980 | Meyor direutor | Ordinary People | |
1992 | El ríu de la vida | Candidatu | |
1993 | Premiu Cecil B. DeMille | ||
1994 | Meyor direutor | Quiz Show | Candidatu |
1998 | The Horse Whisperer |
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ «LIBRIS» (6 marzu 2015). Consultáu'l 24 agostu 2018.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: http://www.theatreworldawards.org/past-recipients.html.
- ↑ Identificador IMDb: ev0000003/2002/1.
- ↑ Afirmao en: Robert Redford and John Hume awarded Honorary Degrees. Data d'espublización: 11 xunetu 2008. Editorial: Trinity College Dublin.
- ↑ Sitiu web oficial: https://www.youtube.com/watch?v=a9a8Yrp-H5M.
- ↑ Robert Redford-la biografía. Michael Fenney, Syla Editores, ISBN 978-84-480-0291-6
- ↑ Mábel Galaz (16 de xunetu de 2009). «Robert Redford ver de noviu a los 72 años». El País. Consultáu'l 16 de xunetu de 2009.
Bibliografía consultada
[editar | editar la fonte]Enllaces esternos
[editar | editar la fonte]- Homes
- Persones nacíes en 1936
- Persones vives
- Actores y actrices de wéstern
- Direutores de cine d'Estaos Xuníos
- Ganadores del premiu Óscar a la meyor direición
- Ganadores del premiu Óscar honoríficu
- Persones de California
- Ganadores del Globu d'Oru al meyor direutor
- Ganadores del Premiu Kennedy
- Ganadores del premiu BAFTA