Atolón de Likiep
Atolón de Likiep | |
---|---|
![]() | |
Situación | |
![]() | |
Municipality of the Marshall Islands (en) ![]() | Likiep Atoll (en) ![]() |
Tipu | atolón |
Parte de | Cadena Ratak |
Asitiáu en | Océanu Pacíficu |
Coordenaes | 9°53′06″N 169°08′36″E / 9.88498°N 169.14345°E |
Datos | |
Altitú media | 10 m |
Superficie | 10,26 km² |
Población | 401 |
![]() |
Likiep (en marxalés Likiep [lʲi͡ɯɡɯ͡iɛpʲ])ye un atolón coralín de 65 islles nel Océanu Pacíficu. Forma parte del distritu llexislativu de la cadena Ratak nes Islles Márxal. Atópase a 55 km al noroccidente del atolón de Wotje. L'área terreste ye de 10,26 km² y enzarra una fonda llaguna de 424 km².
En Likiep atópase'l puntu de mayor elevación de tol país marxalés con 10 msnm. La so población, concentrada na islla de Likiep, avérase a los 500 habitantes. Esta islla cuenta con una pista d'aterrizaxe.
Xeografía
[editar | editar la fonte]Entamando pela islla más al norte y nel sentíu de les manes del reló, delles de les islles más importantes del atolón de Likiep son Mwaat, Emejiwan, Aaneru, Meron, Lado, Likiep, Agony, Lukunor, Tokaen, Matten y Kapenor.
Historia
[editar | editar la fonte]El primer avistamientu rexistráu por un européu féxolu'l navegante español Ruy López de Villalobos en xineru de 1543. El 5 de xineru de 1565 foi rexistráu a otra vuelta pol patache San Lucas comandáu por Alonso de Arellano, que formaba parte de la espedición española de Miguel López de Legazpi. El 12 de xineru de 1565 foi Legazpi'l qu'aportó al atolón de Likiep y lu llamó Los Corrales[1].
En 1877, Likiep foi compráu pol comerciante alemán Georg Eduard Adolph Capelle. En 1884 foi reclamáu pol Imperiu d'Alemaña xunto col restu de les islles Márxal. Tres la Primer Guerra Mundial quedó baxo'l Mandatu del Pacíficu Sur del Imperiu de Xapón. Col fin de la Segunda Guerra Mundial quedó baxo'l control d'Estaos Xuníos como Territoriu en fideicomisu de les islles del Pacíficu hasta la independiencia de les Márxal en 1986.
Educación
[editar | editar la fonte]Hai tres Escueles d'Educación Primaria, allugaes en Jebal, Likieb y Melang[2].
Referencies
[editar | editar la fonte]- ↑ Coello, Francisco "Conflicto hispano-alemán" Boletín de Sociedad Geográfica de Madrid, t.XIX. 2º semestre 1885, Madrid, p.281,287,288
- ↑ «Archived copy». Archiváu dende l'orixinal, el 2018-02-21.