Corteza
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
![](http://178.128.105.246/cars-http-upload.wikimedia.org/wikipedia/commons/thumb/7/7b/Japanese_Maple_Bark_by_David_Shankbone.jpg/220px-Japanese_Maple_Bark_by_David_Shankbone.jpg)
La corteza o ritidoma ye la capa más esterna de tarmos y de raigaños de plantes maderices, como los árboles. Cubre y protexe la madera y consiste de trés capes, el felóxenu, el floema, y el cambium vascular. Pue algamar cerca del 10-15 % del pesu total del árbol.
Descripción botánica
[editar | editar la fonte]En tarmos nuevos de plantes maderices como los árboles y arbustos, y vides perennes, la corteza compónse de los siguientes texíos iguaos de fuera escontra adientro:
- Corchu. Texíu esterno, secundariu, de normal una a dos capes de célules trupes, que ye nel estáu de meristema persistente que produz corchu.
- Felodermu (non siempres presente). Capa de célules formaes en delles plantes de les célules internes del cambium de corchu (el corchu ye producíu de la capa esterna).
- Corteza. El texíu primario de tarmos y raigaños. En tarmos, la corteza ta ente la capa epidérmica y el floema; en raigaños, la capa interna nun ye floema, pero sí periciclu.
- Floema. Texíu conductor de nutrientes compuestu de tubos cribosos o célules criboses entemecíos con parénquima y fibres.
En tarmos vieyos, la capa epidérmica, la corteza, y el floema primariu fórmense xebradamente de los texíos internos por formaciones agruesaes de corchu. Debíu al espesamientu de la capa corchosa, eses célules muerren por cuenta de nun recibir agua nin nutrientes. Esa capa muerta ye la corteza corchosa rugosa que se forma alredor del tueru del árbol y d'otros tarmos. En tarmos más pequeños y en plantes típicamente non maderices, dacuando apaez una capa secundaria llamada peridermu, que se fai col cámbium de corchu, corchu y felodermu. Reemplaza la capa dermal y actúa como cobertoria bien paecida a a la corteza corchosa, tamién ye fecha de mayormente texíu muerto. La piel nel tomate ye un peridermu.
Les definiciones del términu pueden variar. N'otros usos, la corteza consiste de texíu muerto y proteutor nel esterior de tarmos maderizu, y nun inclúi'l texíu vascular.
El cámbium vascular ye la única parte d'un tarmu maderizu onde hai división celular. Contién célules indiferenciaes que s'estremen rápido pa producir xilema secundariu escontra adientro, y floema secundariu escontra fuera.
A lo llargo del xilema, el floema ye unu de los dos texíos dientro de la planta que s'arreyen nel tresporte de fluyíos. El floema tresporta molécules orgániques (particularmente azucres) escontra onde seya necesariu.
Galería
[editar | editar la fonte]-
Corteza d'ocalitu
-
Corteza d'Acer capillipes
-
Corteza de Pinu de MonterreyNbot (Pinus radiata)
-
Corteza de capudreNbot (Sorbus aucuparia)
-
Corteza de rebolluNbot (Quercus pyrenaica)
-
Corteza d'ancina (Quercus ilex)
Ver tamién
[editar | editar la fonte]Referencies
[editar | editar la fonte]Enllaces esternos
[editar | editar la fonte]Wikcionariu tien definiciones y otra información tocante a corteza.
Esti términu apaez nel Diccionariu de l'Academia de la Llingua Asturiana. Ver: corteza