Niten Ichi Ryu
Niten Ichi Ryu | |
---|---|
Tamién | Hyoho Niten Ichi Ryu |
Fecha de fundación | Primer metá del sieglu XVII |
País d'orixe | ![]() |
Fundador | Miyamoto Musashi |
Artes enseñaes | Kenjutsu sobre too (davezu a dos espaes), y tamién Aikuchi, Juttejutsu y Bojutsu |
Métodos téunicos | Kata |
Deporte olímpicu | Non |
Sitiu Oficial | http://www.nitenichiryu.jp |
Niten Ichi Ryu (二天一流, llibremente “Escuela de la estratexa de dos cielos nunu”) ye'l koryu (escuela antigua) de kenjutsu creáu por Miyamoto Musashi (1584-1645), bastante popularizáu y sopelexáu a traviés de llibros y películes.
Anque nun se pueda afirmar con seguranza, créyese que l'estilu creáu por Musashi sufrió delles influyencies, incluyendo l'estilu creáu por so padre, Shinmen Munisai Hirata, llamáu Tori Ryu. Esti estilu utilizaba un arma llamada jutte, una especie de porra con forquetu, anque con camudamientos propios del estilu. Sicasí nun se pue pescudar de cierto si esiste esta conexón, porque esti estilu desanicióse poques xeneraciones después de Munisai.
Inda mozu, Musashi creó otru estilu llamáu Enmei Ryu, que contenía la base de lo qu'había ser col tiempu'l so estilu definitivu, el Niten Ichi Ryu. Esti estilu, prauticáu hasta güei, creólu Musashi al final de la so vida y representa la totalidá de les sos enseñances. Delles persones prauticaron l'estilu daquella, pero considérase que'l llinax pasó ensembre a tres persones: Terao Magonojô, Terao Kyumanosuke y Furuhashi Sôzaemon.
Col pasu'l tiempu surdieron rames denomaes llinaxes. Asina y too'l llinax oficial del estilu considérase que ye l'heredáu por Santo Hikozaemon, que caltuvo vivu y inalteriáu'l llinax de Terao Kyumanosuke.
El Niten Ichi Ryu anguaño
[editar | editar la fonte]La llinia principal del Niten Ichi Ryu, llamada Seito, represéntenla anguaño tres maestros: Yoshimoti Kiyoshi (12u socesor), Iwami Toshio y Chin Kin (11os socesores). Esto esplícase d'esta miente:
Nel 2003 el 10u Soke, Imai Massayuke, decidió tener tres socesores de 11ª xeneración. Foron escoyíos Kiyonaga Fumiya (fíu del 9u Soke), Chin Kin (de Taiwán, un discípulu del 8u Soke) y Iwami Toshio. Nel 2004 Kiyonaga Fumiya morrió. Yoshimoti Kiyoshi foi nomáu heriede de so. El maestru Yoshimoti ye fíu del Shihan de la novena xeneración Gosho Motoharu, el más importante maestru anguaño na llinia de Yoshimoti Sensei.
Currículum del Estilu
[editar | editar la fonte]![](http://178.128.105.246/cars-http-upload.wikimedia.org/wikipedia/commons/thumb/8/88/Tachi_web.jpg/220px-Tachi_web.jpg)
![](http://178.128.105.246/cars-http-upload.wikimedia.org/wikipedia/commons/thumb/3/34/Kodachi_web.jpg/220px-Kodachi_web.jpg)
![](http://178.128.105.246/cars-http-upload.wikimedia.org/wikipedia/commons/thumb/8/8a/Nito_web.jpg/220px-Nito_web.jpg)
Les téuniques más conocíes del estilu Niten Ichi Ryu, llamaes de Seiho, son les prauticaes a dos espaes. Pero l'estilu nun se basa solamente na téunica a dos espaes, sinón que tien armes con carauterístiques propies. Los bokutos, espaes de madera, estrémense de los que s'usen nel kendo modernu. Fáense según el bokuto orixinal fechu pol fundador, y esisten hasta güei.
L'estilu abarca les siguientes téuniques:
- Tachi Seiho – 12 téuniques con espada llarga
- Sassen
- Hasso Hidari
- Hasso Migi
- Uke Nagashi Hidari
- Uke Nagashi Migi
- Moji Gamae
- Haritsuke
- Nagashi Uchi
- Tora Buri
- Kazuki
- Aisen Uchidome
- Amashi Uchi
- Kodachi Seiho – 7 téuniques con espada curtia
- Sassen
- Chudan
- Uke Nagashi
- Moji Gamae
- Hari Tsuke
- Nagashi Uchi
- Aisen
- Nito Seiho – 5 téuniques con dos espaes (mentaes nel Llibru de los Cinco Aniellos – Go Rin no Sho)
- Chudan
- Jodan
- Gedan
- Hidari Waki Gamae
- Migi Waki Gamae
- Bojutsu – 20 téuniques con palu llargu, incluyendo téuniques de palu contra palu, y de palu contra espada.
Amás esisten les enseñances Kuden (enseñanza oral), malpenes conocíes polos prauticantes más avanzaos.
Graduaciones del Niten Ichi Ryu
[editar | editar la fonte]De menor a mayor, algamaes d'estaya:
1- Shoden: llévenla los que dominen los kates de Tachi.
2- Chuden: llévenla los que dominen los kates de Kodachi.
3- Okuden: llévenla los que dominen los kates de dos espaes.
4- Menkyo: llévenla los que dominen los kates de Bo (palu llargu).
5- Menkyo Kaiden: llévenla los que dominen tolos kates del estilu y tienen una fonda comprensión filosófica del Camín y de les enseñances del fundador.
Referencies
[editar | editar la fonte]Enllaces esternos
[editar | editar la fonte]- Hyoho Niten Ichi Ryu, Nihon Kobudo Kyokai
- Sitiu oficial del Niten Ichi Ryu en Xapón
- Sitiu oficial n'América Llatina
- Hyoho Niten Ichi Ryu con Kajiya Takanori soke