Ybbs (Fluß)
Der Artikl is im Dialekt Ostmittlboarisch gschriem worn. |
De Ybbs (f., ausgschbrocha: [ips]) is a Flus in Niadaestareich, entschbringt gauns im Sidn fum Bundeslaund an da schdairischn Grenz in de Ybbsdola Oipn und rind bai da Schdod Ybbs in de Deana.
Geografi
[Werkeln | Am Gwëntext werkeln]![](http://178.128.105.246/cars-http-upload.wikimedia.org/wikipedia/commons/thumb/a/a2/Karte_der_Eisenwurzen.svg/220px-Karte_der_Eisenwurzen.svg.png)
Ia Gwön hod de Ybbs gauns im Sidn fu Niadaestareich an da schdairischn Grenz, ned waid fum Woifoatsoat Mariazö. Doat entschbringt am Fuas fum Großn Zöllahuad, am Beag dea zu de Ybbsdola Oipn ghead, a Bachal. Des kloane Bachal hoast gauns am Uaschbrung zeascht Waiße Ois (hochdeitsch: Weiße Ois). Noch ziaka fimbf Kilometa hoast da Boch daunn neta nu Ois. Ob Lunz am See endat si da Naum und de Ois hoast fu do bis zu da Mündung Ybbs.
De Ybbs fliast fu Lunz waida noch Sidwesdn und rind aun de Oatschoftn Gestling aun da Ybbs und Hoinschdoa aun da Ybbs foabai. Fu doatn drads wida Richdung Noadn und rind duach Opponitz, Ybbsitz und Waidhofn aun da Ybbs. Kuaz foa Waidhofn rind fu Wesdn kemad de Kloane Ybbs (hochdeitsch: Kleine Ybbs) in de Ybbs aini. Dea Flus entschbringt sidlich fu Ybbsitz und hoast im Owalauf a Schwoaze Ois (hochdeitsch: Scharze Ois).
Noch Waidhofn rint de Ybbs daunn ins Flochlaund, kimd nu aun Sonndogbeag, Kematn und Aumschdedn foabai und rind daunn bai da Schdod Ybbs in de Deana aini.
Büda
[Werkeln | Am Gwëntext werkeln]-
D'Ybbsdoi-Aisnbau entlaung fum Flus
-
D'Ybbs bai da Hoitschdö Schdaigngrom
-
D'Ybbs wias duach Waidhofn duari rind
-
S'Ybbskroftweak bai Kömiboch