Urien Rheged
![](http://178.128.105.246/cars-http-upload.wikimedia.org/wikipedia/commons/thumb/9/94/COA_Urien_Glodrydd.svg/120px-COA_Urien_Glodrydd.svg.png)
Urien a oa roue Rheged, en Hanternoz Kozh Enez Vreizh, er VIvet kantved, war-dro 550-590. Tad e oa da Owain mab Urien.
Istor
[kemmañ | kemmañ ar vammenn]N'ouzer ket nemeur a dra diwar e benn. Mab e oa da g-Cynfarch Oer, ha breur da Llew ap Cynfarch. Stourm a reas ouzh Angled Bernikia, ar rouantelezh amezek. Alies e veze dizemglev etre ar rouaned vrezhon, pa ne veze ket brezel, met pa gerzhent a-unan e c'hallent trec'hiñ war an Angled, evel a rejont meur a wech, e Gwen Ystrad hag Alt Clut Ford da skouer. Meulet eo bet e emzalc'h en emgann gant Taliesin, a oa barzh en e lez. Hervez Historia Britonum, dornskrid Nennius, e voe lazhet war c'hourc'hemenn Morcant, ur roue brezhon all, a vage gwarizi ouzh e drec'hioù.
E vugale
[kemmañ | kemmañ ar vammenn]Pevar mab en doa:
- Owain,
- Riwallawn, pe Rhiwallon fab Urien,
- Run (pe Rhun), pe Rhun fab Urien,
- ha Pasgen, a voe roue war e lerc'h.
Kaoz zo ivez eus ur verc'h, Morfudd.
Mojenn Arzhur
[kemmañ | kemmañ ar vammenn]"King Urien of Gore" eo-eñ e mojenn ar roue Arzhur, hag Ywain eo e vab.
|