Vittorio Amedeo II
![](http://178.128.105.246/cars-http-upload.wikimedia.org/wikipedia/commons/thumb/7/7e/Vittorio_Amedeo_II_in_Maest%C3%A0_%28cropped%29.jpg/220px-Vittorio_Amedeo_II_in_Maest%C3%A0_%28cropped%29.jpg)
Vittorio Amedeo II (en italianeg Vittorio Amedeo II Francesco di Savoia), ganet e Torino e 1666 ha marvet e Moncalieri e 1732, a oa dug Savoia, markiz Saluzzo ha markiz ar Monferrato, priñs Piemonte ha kont Aosta, Moriana ha Nizza, adal 1675 betek 1720. Ouzhpenn-se e voe roue Sikilia adal 1713 betek 1720, pa deuas da vout roue Sardigna. Lesanvet e oa la Volpe Savoiarda (al louarn savoiat). Eñ eo kentañ roue tiegezh Savoia. A-raozañ e oa sujet politikerezh Piemonte da rouantelezhioù Gall pe Spagn, gantañ e voe savet banniel an dizalc'hted, evel da goulz seziz Torino e 1706.
E vuhez
[kemmañ | kemmañ ar vammenn]Mab e oa d'an dug Carlo Emanuele II ha da Maria Giovanna Battista Savoia-Nemours.
Dimeziñ ha bugale
[kemmañ | kemmañ ar vammenn]![](http://178.128.105.246/cars-http-upload.wikimedia.org/wikipedia/commons/thumb/a/a9/Anne_Marie_d%27Orl%C3%A9ans%2C_School_of_Savoy%2C_18th_Century.jpg/220px-Anne_Marie_d%27Orl%C3%A9ans%2C_School_of_Savoy%2C_18th_Century.jpg)
![](http://178.128.105.246/cars-http-upload.wikimedia.org/wikipedia/commons/thumb/8/8e/Portrait_of_Anna_Canalis_di_Cumiana%2C_Marchesa_di_Spigno_by_an_unknown_artist.jpg/220px-Portrait_of_Anna_Canalis_di_Cumiana%2C_Marchesa_di_Spigno_by_an_unknown_artist.jpg)
Dimeziñ a reas e 1684 da Anne Marie d'Orléans (1668 -1728). Bugale o doe.
- Maria Adelaide (1685 – 1712), a zimezas da Loeiz, dug Bourgogn, mab da Loeiz Bro-C'hall (1661-1711), an Daofin Meur. Mamm e voe da Loeiz XV, roue Bro-C'hall ;
- Maria Luisa Gabriella (1688 – 1713), a zimezas da Felipe V, roue Spagn;
- Vittorio Amedeo (1699 - 1715), Priñs Piemonte; re yaouank e varvas evit gallout ren;
- Carlo Emanuele, (1701 – 1773), a voe Dug Savoia ha Roue Sardigna evel Carlo Emanuele III.
Goude marv Anne-Marie d'Orléans e 1728, ec'h addimezas e miz Eost 1730, en un eured vorganatek, da Anna Canalis di Cumiana, kontez Cumiana, hag anvet da Markizez Spigno. Embannet e voe an eured d'an 3 a viz Gwengolo 1730. N'o doe bugel ebet.
Daou vastard en doe ivez gant Jeanne Baptiste d'Albert de Luynes, anavezet ivez evel Kontez Verrua:
- Maria Vittoria Francesca (1690 - Pariz, 1766), a zimezas da Vittorio Amedeo, trede priñs Carignano;
- Vittorio Francesco Filippo (1694 - 1762), dimezet e 1760 da Maria Lucrezia Franchi di Ponte Chianale, bugel ebet n'o doe.