Ptòun
C'l artìcol chè 'l è scrit in
Carpśàn |
![](http://178.128.105.246/cars-http-upload.wikimedia.org/wikipedia/commons/4/41/Offener_%C3%84rmelknopf_eines_Anzugs.jpg)
![](http://178.128.105.246/cars-http-upload.wikimedia.org/wikipedia/commons/thumb/9/9c/Green_vintage_buttons.jpg/200px-Green_vintage_buttons.jpg)
Al ptòun 'l è cal bagàj cichìn e tònd al piò dal volti, che, da stèr tachê a la só banda 'd stófa, e però insfilsê dèint'r a la só àśola in cl'ètra banda, al servìs a sulèr un vistî, na frudèta, na giaca, o dal brèghi.
In di lór scavamèint, i archeòlug i àn catê che 'l ptòun 'l era druê fin da di tèimp dimòndi antìg, e custruî di materiē piò diferèint, bastèva ch'i fusen stê abàsta sòlid: 'd ôs, ed lègn, ed mèdrapèrla, ed metâl, curàm, avóri, nóś ed côc, gèma. In di tèimp piò śvèin a nuèter a s in cata anca 'd curōś, 'd vēder, ed plàstica, e 'd śama.
La manéra 'd tachèr al ptòun, l'è sèimper col fîl e la gùcia: se incòri al sêrt al cuśìs i ptòun a màn, mo invéci in del fàbrichi e in di laburatòri artigianêl, i ptòun i vinen de piò tachê cun la màchina da cuśìr, ch'l'è dimòndi śvélta anca se magàri la fa dal cuśdùri mìa sèimper perfèti.
Vôś lighèdi
Manéri 'd dir
- (EGL) Tachèr di ptòun, (IT) Attaccare delle pezze, cominciare dei discorsi lunghi e noiosi.
- (EGL) Tachèr un ptòun, (IT) Cominciare un approccio parlato (anche per provarci).
- (EGL) Cucèr al ptòun[1], (IT) Premere il pulsante.
Colegamèint estèren
- (IT) La sô schéda in dal Disiunàri "Grandidizionari"
- (IT) Al Muśeo dal ptòun a Sant Arcàngel ed Rumàgna
Noti e referèinsi
- ↑ Dizionario del dialetto carpigiano, G. Malagoli e A. M. Ori, Mòdna 2011
Categoria:Ptunadûri Categoria:Pcòun ed vistî