Bernard Le Bouyer de Fontenelle
Bernard Le Bouyer de FONTENELLE (naskiĝinta la 11-an de februaro 1657 en Rueno, mortinta la 9-an de januaro 1757 en Parizo) estis franca verkisto. Li estis la nevo de Corneille.
Vivo
[redakti | redakti fonton]Komence li studis jurosciencojn sed baldaŭ ekdediĉis sin al la literaturo. en 1691 li iĝis membro de la Franca Akademio kaj en 1691 daŭra sekretario de la Akademio de la sciencoj.
![](http://178.128.105.246/cars-http-upload.wikimedia.org/wikipedia/commons/thumb/d/de/Fontenelle_-_%C3%89lements_de_la_geometrie_de_l%27infini%2C_1727_-_1520530.jpg/220px-Fontenelle_-_%C3%89lements_de_la_geometrie_de_l%27infini%2C_1727_-_1520530.jpg)
Havante nek kreivan talenton nek intelekton elstaran li skribis amason da verkoj retorikaj, historiaj, filozofiaj, sciencaj tiutempe furoraj: pro la stilo eleganta ili ofte legitis. Poste ili forgesitis grandparte. Inter la plej konataj prozaĵoj mencieblas:
- Dialogues des mort, laŭ la maniero de Lukiano (1683)
- Entretiens sur la pluralité des mondes, multe legita libro kie Fontenelle strebas popularigi sciencojn (1686)
- Histoire des oracles (1686)
- Histoire de l'Académie des sciences kaj Éloges des académiciens (1708 resp. 1719): per la laste menciita libro Fontenelle iĝis eble kreinto de modernaj akademiaj laŭdegparoladoj
Liaj kompletaj verkoj eldoniĝis unuafoje en 1758 en Parizo en 11 volumoj.
Fonto
[redakti | redakti fonton]Meyers Großes Konversations-Lexikon, Band 6. Leipzig 1906, p. 752-753, kio legeblas interrete tie ĉi.