La printebla versio ne plu estas subtenata kaj povas havi bildigajn erarojn. Bonvolu ĝisdatigi viajn retumilajn legosignojn kaj bonvolu anstataŭe uzi la defaŭltan retumilan printan funkcion.
Scranton estas urbo de Pensilvanio, subŝtato de Usono. Ĝi estas la ĉefurbo de kantono Lackawanna kaj estas la plej granda urbo en nordorienta Pensilvanio kaj en la metropola statistika areo Scranton-Wilkes-Barre-Hazleton, kiu sume havas populacion de proksimume 570 000. La urbo gastigas federacian tribunalkonstruaĵon por la usona distrikta juĝejo por la Meza Distrikto de Pensilvanio). La grandurbo estas konvencie dividita en naŭ urbodistriktojn: Norda Scranton, Southside, Westside, la Monteta Sekcio, Centra Urbo, Minooka, Orienta Monto, Providence kaj Green Ridge, kvankam tiuj areoj ne havas juran pozicion. Laŭ la censo de aprilo 2020, la urbo havas 76 238 loĝantojn.[1] La urbo interalie konatas pro fikcia paperfabrikejo, kies ĉiutagajn laborvivojn de oficejaj dungitoj montras la televida serio The office (la oficejo).