Veracruz (Mexiko)
- Artikulu hau Mexikoko estatuari buruzkoa da; beste esanahietarako, ikus «Veracruz (argipena)».
Veracruz | |
---|---|
![]() | |
Administrazioa | |
Herrialdea | ![]() |
Hiriburua | Xalapa |
Gobernadorea | Miguel Ángel Yunes Linares (PAN) |
Laburdura | Ver. |
Diputatuak | 30 |
Geografia | |
Koordenatuak | 19°26′05″N 96°22′59″W / 19.4347°N 96.3831°W |
![]() | |
Azalera | 71.820 km² |
Demografia | |
Biztanleria | 7.643.194 biztanle (2010[1]) |
Dentsitatea | 106.42 bizt/km² |
www.veracruz.gob.mx |
Veracruz, ofizialki Veracruz de Ignacio de la Llave, Mexikoko 31 estatu federaletako bat da, herrialdearen erdi-ekialdean dagoena. Iparraldean Tamaulipasekin du muga, hegoaldean Oaxaca eta Chiapasekin, ekialdean Mexikoko golkoarekin, hego-ekialdean Tabascorekin eta mendebaldean San Luis Potosí, Hidalgo eta Pueblarekin. 71.820 kilometro koadroko eremua hartzen du, eta 2010ean 7.643.194 biztanle zituen.[1] Mexikoko estaturik jendetsuena da. Hiriburua Xalapa da, nahiz eta hiri handiena Veracruz izan.
Geografia
[aldatu | aldatu iturburu kodea]Mexikoko golkoko kostaldeko ordokiak hartzen du lurralde gehiena, baina oso mendi garaiak ditu erdialdeko mendebaldean. Bertan dago Orizaba sumendia (5.700 metro), Mexikoko mendirik garaiena. Klima tropikal hezea du (20-25 °C).
Historia
[aldatu | aldatu iturburu kodea]Espainiar konkistatzaileak iritsi zirenean lurraldeko jatorrizko biztanleak —totonekak eta huastekak— azteken mendean bizi ziren. Independentziako gerraren ondoren, 1824an, estatu bihurtu zen.
Ekonomia
[aldatu | aldatu iturburu kodea]Nekazaritza (azukre kanabera, arroza, artoa, fruitu arbolak, lekadunak, tabakoa, kafea, kotoia), abere hazkuntza, arrantza eta, batez ere, industria (petrolio findegiak, arrain kontserba, basogintza, kimika industria, altzairugintza, metalurgia, ehungintza) dira ekonomia jarduera nagusiak.
Ondasun nabarmenak
[aldatu | aldatu iturburu kodea]![](http://178.128.105.246/cars-http-upload.wikimedia.org/wikipedia/commons/thumb/b/b1/El_Taj%C3%ADn%2C_Nischenpyramide.%28fcm%29.jpg/280px-El_Taj%C3%ADn%2C_Nischenpyramide.%28fcm%29.jpg)
Arkeologia aztarnategi garrantzitsuak daude. El Tajin[2] eta Tlacotalpan[3] Gizateriaren ondare izendaturik daude.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ a b Macmillan, Palgrave, The Statesman's Yearbook 2017: The Politics, Cultures and Economies of the World, 823. orrialdea, Macmillan Publishers, books.google.es
- ↑ El Tajin, Pre-Hispanic City. whc.unesco.org (Noiz kontsultatua: 2017-10-26).
- ↑ Historic Monuments Zone of Tlacotalpan. whc.unesco.org (Noiz kontsultatua: 2017-10-26).
Kanpo estekak
[aldatu | aldatu iturburu kodea]
![]() |
Mexikoko Estatuak | ![]() |
---|---|---|
|