Besjoch de boarne foar Mr. T

Jo hawwe gjin rjochten dizze side te bewurkjen, om de neikommende reden:
Your IP address is in a range that has been blocked on all Wikimedia Foundation wikis.
The block was made by ‪Jon Kolbert‬. The reason given is Open proxy/Webhost: Visit the FAQ if you are affected .
Start of block: 31 okt 2023, 01.59
Expiry of block: 1 okt 2026, 01.59
Your current IP address is 178.128.105.246. The blocked range is 178.128.0.0/16.
Please include all above details in any queries you make. If you believe you were blocked by mistake, you can find additional information and instructions in the No open proxies global policy.
Otherwise, to discuss the block please post a request for review on Meta-Wiki. You could also send an email to the stewards VRT queue at stewards@wikimedia.org including all above details.
Jo kinne de boarnetekst fan dizze side besjen en kopiearje.
{{Akteur
| ôfbylding                    = Mr T WWE Hall of Fame 2014 (cropped).jpg
| ôfbyldingstekst              = 
| ôfbyldingsbreedte            = 
| echte namme                  = Laurence Tureaud
| nasjonaliteit                = [[File:Flag of the United States.svg|20px]] [[Feriene Steaten|Amerikaansk]]
| berne                        = [[21 maaie]] [[1952]]
| berteplak                    = [[Chicago]] ([[Illinois (steat)|Illinois]])
| stoarn                       = 
| stjerplak                    = 
| etnisiteit                   = [[File:Flag of the UNIA.svg|20px]] [[Afro-Amerikanen|Afro-Amerikaansk]]
| jierren aktyf                = [[1980]] – no
| prizen                       = 
| webside                      = [http://twitter.com/MrT Mr. T] op [[Twitter]]
}}
'''Mr. T''' (útspr. ['mɪstəɹ ti:], likernôch: "mister tii"; wiere [[namme]]: '''Laurence Tureaud'''; [[Chicago]], [[21 maaie]] [[1952]]) is in [[Feriene Steaten|Amerikaansk]] [[akteur]] en [[presintator]] fan [[Afro-Amerikanen|Afro-Amerikaansk]] [[etnyske groep|etnysk]] [[komôf]]. Hy waard ferneamd yn 'e [[rol]]len fan [[hierling]] B.A. Baracus yn 'e [[tillefyzjesearje]] ''[[The A-Team]]'' en as [[bokser]] Clubber Lang yn 'e [[film]] ''[[Rocky III]]''. Dêrnjonken hat er ek aktyf west as [[Amerikaansk wrakseljen|Amerikaansk wrakselder]] en as [[presintator]] fan û.m. de [[realitytillefyzje|realityshow]] ''I Pity the Fool''. Hy stiet fral bekend om syn [[Mandinka (folk)|Mandinka]]-[[kriger]]skapsel, syn [[goud]]en [[juwiel]]len en syn [[imago]] as stoere keardel.

==Libben en karriêre==
===Jonkheid en oplieding===
Mr. T waard yn [[1952]] [[berne]] yn [[Chicago]], yn 'e [[Amerikaanske steat]] [[Illinois (steat)|Illinois]], as de jongste [[soan]] yn in [[gesin]] mei tolve [[bern (persoan)|bern]]. Syn [[heit]], Nathaniel Tureaud sr., wie in [[predikant]]. Mr. T [[jonkheid|groeide op]] mei syn fjouwer [[suster]]s en sân [[bruorren]] yn in [[appartemint|trijekeamerappartemint]] yn in min boud en ûnderholden [[flatgebou]] yn in tige [[earmoede|earme]] [[buert]], de [[Robert Taylor Homes]], dêr't in soad [[miljeufersmoarging]] wie. As bern, en letter as [[puber|tiner]], wied er geregeldwei tsjûge fan [[moard]], [[ferkrêfting]] en oare [[misdriuw]]en. Nei eigen sizzen tanket er syn oerlibjen en syn lettere súkses oan 'e wisberettens fan syn heit om it goede te dwaan en oan 'e [[leafde]] fan syn [[mem]].
[[File:Mr._T_HS_Yearbook.jpg|left|thumb|180px|Mr. T op 'e [[middelbere skoalle]].]]

Yn syn tinerjierren gie Mr. T nei de Dunbar Vocational High School, dêr't er lid wie fan it [[Amerikaansk fuotbal]]tiim en fan it [[wrakseljen|wraksel]]tiim, en dêr't him boppedat de begjinsels fan 'e [[fjochtsport]] bybrocht waarden. Yn dy tiid wied er twa jier efterinoar yn syn leeftydskategory de [[kampioen]] wrakseljen fan hiel Chicago. Dêrmei wûn Mr. T in [[stúdzjebeurs]] foar de [[Prairie View A&M Universiteit]] yn [[Prairie View (Teksas)]], dêr't er [[wiskunde]] [[studearre]], mar al nei ien jier fan skoalle stjoerd waard.

===Iere jierren===
Dêrop naam Mr. T tsjinst yn it [[Amerikaanske Leger]], dêr't er yndield waard by it [[Korps Militêre Plysje (Amerikaansk Leger)|Korps Militêre Plysje]]. Yn [[novimber]] [[1975]] krige er in brief fan oanrikkemandaasje fan syn [[sersjant-ynstrukteur]] om't er as bêste [[rekrút]] nei foarren kommen wie út in syklus fan 6.000 man. Mei waard er ta lieder fan syn [[seksje (militêre ienheid)|seksje]] beneamd. Yn [[july]] [[1976]], doe't er wat misdien hie, [[straf|bestrafte]] de [[sersjant]] fan syn [[peloton]] Mr. T troch him de opdracht te jaan om [[beam]]men om te kapjen. Hy hie der lykwols net by sein hoefolle, dat Mr. T kappe tusken healwei sânen en tsien oere moarns mear as santich beammen om, oant in skokte [[majoar]] him fertelde dat it sa wol ta koe.

Nei't er ôfswaaid wie út it leger, besocht Mr. T en wurdt profesjoneel spiler fan [[Amerikaansk fuotbal]]. Hy die [[audysje]] foar de [[Green Bay Packers]], in tiim út [[Green Bay (Wiskonsin)]] dat yn 'e [[National Football League]] (NFL) útkaam, mar waard ôfwiisd fanwegen in [[blessuere|blessearre]] [[knibbel]]. Dêrop naam Mr. T in [[baan (wurk)|baan]] oan as [[útsmiter (berop)|útsmiter]] by in [[nachtklub]]. It wie yn dy tiid dat er it personaazje fan Mr. T kreëarre dêr't er letter ferneamd mei wurde soe, troch syn [[burd]] groeie te litten en syn [[hier (begroeiïng)|hier]] yn it [[kapsel]] fan in [[West-Afrika|Westafrikaanske]] [[Mandinka (folk)|Mandinka]]-[[kriger]] te dragen, mei de sydkanten fan syn [[holle]] kealskeard en in rjochtopsteande kaam fan hier yn 'e midden dy't fan syn foarholle oant syn efterholle rûn. Hy hie dy hierstyl foar it earst sjoen yn it [[tydskrift]] ''[[National Geographic (tydskrift)|National Geographic]]'', en it liek him in moai earbetoan oan syn [[Afrika]]anske [[foarâlden]].

Syn dragen fan in protte [[juwiel]]len kaam fuort út it feit dat nachtklubbesikers geregeldwei spul ferlearen of efterlieten nei in gefjocht, dat hy dan yn beslach naam en de rest fan 'e [[jûn]] droech. It idee dêrefter wie dat immen dy't derút set wie, gjin reden hawwe soe om wer nei binnen ta as Mr. T, dy't foar de bûtendoar stie, syn eigendommen by him hie. As sa'n persoan der om kaam, koed er der de útsmiter gewoan om syn spul freegje en dan koed er it weromkrije sûnder dat der fierder noch [[geweld]] oan te pas hoegde te kommen. It dragen fan juwiellen befoel lykwols sa goed, dat Mr. T al rillegau syn eigen begûn oan te skaffen. Behalven om [[dronkenskip|dronken]] rûzjesikers derút te setten, wie it doedestiden benammen de taak fan Mr. T om [[drugdealer]]s en [[drugsferslaafde]]n út 'e nachtklub te hâlden. Yn syn tiid as útsmiter wied er belutsen by mear as twahûndert [[slaanderij]]en en dêrfoar waard er ferskate kearen [[oanklacht (strafrjocht)|oanklage]], mar hy wûn eltse [[rjochtsaak]].

Nei ferrin fan tiid wist Mr. T syn [[baan (wurk)|baan]] as útsmiter om te setten yn in [[karriêre]] as [[liifwacht]], dy't hast tsien jier duorre. Yn dy snuorje beskerme er û.o. 16 [[prostituee]]s, 10 [[learaar|leararen]], 9 [[útkearing]]sberjochtigen, 5 [[predikant]]en en 4 [[winkelman|winkellju]]. Neigeraden dat syn [[reputaasje]] oanwoeks, krige er in almar better beteljende [[klant|kliïntêle]], wêrûnder 8 [[bankier]]s, 7 [[moade]]ûnwerpers, 7 [[rjochter]]s, 6 [[sporter|topsporters]], 5 [[model (berop)|modellen]], 3 [[politisy]] en, úteinlik, 42 [[miljonêr]]s. Bekende klanten fan sines wiene [[bokser]]s [[Muhammad Ali]] en [[Joe Frazier]], [[sjonger]]s [[Diana Ross]] en [[Michael Jackson]] en [[akteur]] [[Steve McQueen]]. Foar sokke klanten rekkene er [[$]]3.000 oant maksimaal $7.000 [[dei]]s, ôfhinklik fan it risiko dat er rûn en de lokaasje dêr't er hinne reizgje moast. In protte fan dat jild gie op oan 'e oankeap fan nije juwiellen, en tsjin it begjin fan 'e jierren tachtich rûn Mr. T om mei [[halskeatling]]s, [[earmbân|earmbannen]], [[ring]]en en [[earbel|earbellen]] ter wearde fan $300.000, dêr't er [[moarn (deidiel)|moarns]] in [[oere]] mei oan 'e gong wie om it om te dwaan, en de measte [[jûn]]en noch langer om it skjin te meitsjen en op te poetsen.

Behalven it 'normale' befeiligingswurk waard Mr. T ek ferskate kearen frege foar aparte putsjes, lykas it opspoaren fan [[bern (persoan)|bern]] dy't fan hûs fuortrûn wiene en oare fermiste persoanen en it ynjen fan [[skuld (jild)|skulden]], sa nedich mei [[geweld]]. Ien kear waard him frege yn ruil foar $75.000 immen te [[moard|fermoardzjen]]. Dat wegere er, en nei eigen sizzen besocht er it doelwyt fan 'e [[hiermoard]] te warskôgjen, mar de man kaam om by in [[ferkearsûngemak]] ear't er him opspoare koe.

Ein jierren santich wûn Mr. T fierders twa jier efterinoar de [[krêftsport]]kompetysje ''America's Toughest Bouncer'' ("Amerika's Hurdste Utsmiter"), by de twadde wêrfan't ek in [[boksen|bokswedstryd]] ynbegrepen wie. Doe't er [[ynterview]]d waard troch de bekende Amerikaanske [[sport]][[ferslachjouwer]] [[Bryant Gumbel]], seid er: ''"It muoit my slim foar de fint dy't tsjin my bokse moat. It spyt my wier foar him."'' Dy útspraak (''I just feel real sorry for him'') soe letter weromkomme yn 'e film ''[[Rocky III]]'' as ''I pity the fool'' (letterlik: "Ik haw begrutsjen mei de suffert"), dat min ofte mear Mr. T syn [[motto]] waard. Hy fersloech syn tsjinstanner nammentlik yn minder as 54&nbsp;sekonden, en doe't [[akteur]] [[Sylvester Stallone]] it [[tillefyzjeprogramma|programma]] yn [[1980]] op 'e [[tillefyzje]] seach, wist er dat er Mr. T hawwe woe foar syn film.

===Aktearkarriêre===
Hoewol't Mr. T syn [[rol]] yn ''[[Rocky III]]'' oarspronklik mar in pear regels [[tekst]] omfetsje soe, waard er úteinlik [[cast]] yn 'e rol fan Clubber Lang, de wichtichste [[antagonist]], dy't it as [[bokser]] opnimt tsjin 'e [[haadpersoan]] Rocky Balboa (spile troch [[Sylvester Stallone]]). Neitiid die Mr. T [[audysje]] foar de rol fan 'e [[mentor]] fan 'e haadpersoan yn 'e [[fantasy (sjenre)|fantasy]]film ''The Beastmaster'', dy't er lykwols net krige om't dy nei [[John Amos]] gie. Wol hied er in rol yn in twadde boksfilm, ''Penitentiary 2'', en yn in [[ôflevering]] fan 'e [[Kanada|Kanadeeske]] [[sketch]]komeedzjesearje ''Bizarre'', wêryn't er it opnaam tsjin [[Super Dave Osborne]], dy't er fersloech en doe [[kannibalisme|opiet]].

Yn [[1983]] akseptearre Mr. T de rol fan [[sersjant]] B.A. Baracus, in geniale [[monteur]] mei [[fleaneangst]], yn 'e [[aksjesearje]] ''[[The A-Team]]''. Dy [[tillefyzjesearje|searje]] gie oer in groepke âld-[[kommando's]] út it [[Amerikaanske Leger]] dy't falsk beskuldige wiene fan ûndúdlike [[misdie]]den en sûnt op 'e flecht wiene foar de autoriteiten. Om de kost te fertsjinjen, wurken se as [[hierling]]en, wêrby't se it stiiffêst opnamen foar de swakkeren yn 'e [[maatskippij]]. Mr. T syn fêste [[tsjinspiler]]s yn 'e searje wiene [[George Peppard]], [[Dirk Benedict]] en [[Dwight Schultz]]. B.A. Baracus wie de bekendste rol fan Mr. T, mei't ''The A-Team'' in ûnbidich populêre searje wie, dy't rûn oant en mei [[1987]]. Tsjin 'e ein fan dy perioade soed er [[wike|wyks]] $80.000 oan [[salaris]] foar [[aktearwurk]] en $15.000 oan bykommende ynkomsten fertsjinne hawwe.
[[File:NancyReaganMrTChristmas1983.jpg|right|thumb|200px|Mr. T spilet yn [[desimber]] [[1983]] yn it [[Wite Hûs (Washington D.C.)|Wite Hûs]] foar de [[Krystman]] en kriget [[presidint]]sfrou [[Nancy Reagan]] by him op 'e knibbel.]]

Troch de rom dy't ''The A-Team'' him joech, waard Mr. T frege foar in [[gastrol]] yn 'e [[komeedzjesearje]] ''Diff'rent Strokes'', en teffens late it ta de opname fan 'e [[tekenfilm]]searje ''Mister T'', wêryn't er syn [[stim]] liende oan syn eigen personaazje, de eigner fan in [[sportskoalle]] dy't syn [[learling]]en helpt by it oplossen fan [[misdie]]den. De film ''DC Cab'' ([[1983]]), mei û.o. [[Gary Busey]], waard hielendal om Mr. T hinne gearstald en gie oer in krap by kas sittend [[taksy]]bedriuw yn [[Washington, D.C.]] Yn [[1984]] naam Mr. T in [[motivaasje]]fideo op mei de [[titel (namme)|titel]] ''Be Somebody... or Be Somebody's Fool!'' Dêryn joech er advizen oan bern, lykas hoe't se har modieus klaaie koene sûnder dat se djoere [[klean|merkklean]] hoegden te keapjen en hoe't se har [[lulkens]] behearskje moasten, wylst er ferskate [[ferske]]s [[sang|song]] en [[rapper|rapte]]. De raps wiene skreaun troch [[Ice-T]].

Yn [[1985]] begûn Mr. T yn it ferlingde fan syn [[aktearwurk]] oan in [[karriêre]] yn it [[Amerikaansk wrakseljen]]. Dêrby naam er as partner fan 'e bekende [[Hulk Hogan]] diel oan it earste ''WrestleMania''-evenemint fan 'e [[World Wrestling Federation]] (WWF), dy't sy wûnen. Neffens Hogan syn [[autobiografy]] wegere de [[befeiliging]] by dy gelegenheid om Mr T. syn [[entoeraazje]] yn it gebou te litten. Dêrop woe Mr. T sels ek wer nei hûs oant Hogan him oerhelle om dochs oan it evenemint mei te dwaan. [[Roddy Piper]], better bekend ûnder syn artystenamme Rowdy, ien fan 'e tsjinstanners fan Mr. T en Hulk Hogan op ''WrestleMania I'', ferklearre letter dat hy en oare Amerikaansk wrakselders Mr. T net lije mochten om't er in akteur wie en gjin echte wrakselder. Dat wie wol wat in aparte útspraak, yn oanmerking nommen dat Amerikaansk wrakseljen gjin echte [[sport]] is, mar in [[kabaret]]eske foarstelling fan [[goreografy|goreografearre]] gefjochten. Mr. T bleau oant [[1986]] by de WWF belutsen. Letter joech er him by it [[World Class Championship Wrestling]] (WCW), dêr't er û.m. [[skiedsrjochter]] wie by de wedstryd fan Hogan tsjin [[Ric Flair]] yn [[1994]].

Yn [[1988]], nei't ''The A-Team'' stopset wie, spile Mr. T mei aktrise [[Alex Amini]] yn 'e [[Kanada|Kanadeeske]] searje ''T. and T.'' Letter spile er noch yn ferskate oare searjes en [[tillefyzjefilm]]s, benammen yn [[gastrol]]len en [[kameo|kameo's]]. Der waard him ek in kameoroltsje oanbean yn 'e [[film]]adaptaasje fan ''The A-Team'', mar dat oanbod sloech er ôf, hoewol't Dirk Benedict en Dwight Schultz der wol op yngiene (George Peppard wie yn [[1994]] [[stoarn]]). Tsjin 'e ein fan 'e jierren njoggentich ferskynde Mr. T lykwols inkeld noch út en troch ris yn [[reklamespotsje]]s, wat te witen wie oan [[sûnens]]swierrichheden. Nei [[2000]] wied er benammen aktyf as [[stimakteur]], en yn [[2006]] [[presintator|presintearre]] er de [[realitytillefyzje|reality]]show ''I Pity the Fool'', wêrfan't de titel basearre wie op syn útspraak as Clubber Lang. Yn [[juny]] [[2011]] died er fierders de presintaasje fan it [[tillefyzjeprogramma]] ''World's Craziest Fools'', op 'e [[BBC]], dêr't er [[humor]]istysk kommentaar joech by [[home video|home video's]] en filmkes fan [[bewekkingskamera|bewekkingskamera's]] fan misrûne dingen.

===Sjongkarriêre===
Yn [[1984]] brocht Mr. T in [[album (muzyk)|album]] út mei as titel ''Mr. T's Commandments'', mei [[ferske]]s wêryn't er bern oanrette om fan [[drugs]] ôf te bliuwen. Datselde jiers ferskynde noch in twadde album, ''Mr. T's Be Somebody... or Be Somebody's Fool!'', mei muzyk út syn film mei deselde namme. Yn [[2002]] wurke Mr. T mei oan 'e [[fideoklip]] fan it nûmer ''Pas the Courvoisier, Part II'' fan [[Busta Rhymes]] mei [[P. Diddy]] en [[Pharell Williams]], wêryn't er in [[barkeeper]] spile.

===Priveelibben===
Mr. T is in [[werberne kristendom|werberne kristen]]. Yn [[1987]] ûntstie der in lyts [[skandaal]] doe't er de oare ynwenners fan [[Lake Forest (Illinois)|Lake Forest]], in [[foarstêd]] fan [[Chicago]], tsjin him yn it harnas jage om't er mear as hûndert [[iik|ikebeammen]] op syn hiem omseage hie. Dat ynsidint wurdt no it Lake Forest Chain Saw Massacre neamd. Yn [[1995]] waard by Mr. T [[T-cellymfoom]] fêststeld, in foarm fan [[kanker]] oan 'e [[lymfeklier]]en. Nei't er yn [[2005]] nei [[New Orleans]] west hie om 'e slachtoffers fan 'e [[orkaan]] [[Orkaan Katrina|Katrina]] te helpen, hold er op mei it dragen fan al syn [[goud]], mei't er it gekoanstekkerich en [[dekadinsje|dekadint]] fûn nei't er mei minsken omgien wie dy't alles kwytrekke wiene. 

==Filmografy==
{{Filmografy|as=akteur}}
|-
{{Filmografy/Titel|titel=films}}
|-
|align="center"| 1980 || ''[[The Blues Brothers (film)|The Blues Brothers]]'' || foarbygonger || 
|-
|align="center"| 1982 || ''[[Rocky III]]'' || Clubber Lang|| 
|-
|align="center"| 1982 || ''Penitentiary II'' || himsels || 
|-
|align="center"| 1983 || ''D.C. Cab'' || Samson || 
|-
|align="center"| 1984 || ''Be Somebody... or Be Somebody's Fool!''&nbsp;&nbsp; || himsels || 
|-
|align="center"| 1985 || ''WrestleMania'' || himsels || 
|-
|align="center"| 1986 || ''WrestleMania 2'' || himsels || 
|-
|align="center"| 1993 || ''Freaked'' || [[frou]] mei [[burd]] || 
|-
|align="center"| 1993 || ''The Terrible Thunderlizards'' || Mr. T-Rex || 
|-
|align="center"| 1994 || ''Magic of the Golden Bear: Goldy III'' || Freedom || as [[stimakteur]]
|-
|align="center"| 1996 || ''Spy Hard'' || [[helikopter]]piloat || 
|-
|align="center"| 1999 || ''Inspector Gadget'' || himsels || as stimakteur
|-
|align="center"| 2001 || ''Not Another Teen Movie'' || de wize [[konsjerzje]]&nbsp;&nbsp; || 
|-
|align="center"| 2001 || ''Judgment'' || J.T. Quincy || 
|-
|align="center"| 2009 || ''Cloudy with a Chance of Meatballs'' || Earl Devereaux || as stimakteur 
|-
{{Filmografy/Titel|titel=tillefyzje}}
|-
|align="center"| 1982 || ''Twilight Theater'' || n.f.t. || ko-[[presintator]]
|-
|align="center"| 1982 || ''Silver Spoons'' || himsels || [[gastrol]]; [[ôfl.]] ''Me and Mr. T''
|-
|align="center"| 1982 || ''Saturday Night Live'' || himsels || gastrol; ôfl. ''Louis Gossett, Jr./George Thorogood & the Destroyers''
|-
|align="center"| 1983–1987|| ''[[The A-Team]]'' || B.A. Baracus || [[fêste rol]]; 97 ôfl.
|-
|align="center"| 1983 || ''Diff'rent Strokes'' || himsels || gastrol; ôfl. ''Mr. T and Mr. t''
|-
|align="center"| 1983 || ''Alvin and the Chipmunks'' || himsels || as [[stimakteur]]; gastrol; ôfl. ''The C Team''
|-
|align="center"| 1983–1985 || ''Mister T'' || himsels || as stimakteur; fêste rol; 30 ôfl.
|-
|align="center"| 1984 || ''Saturday Night Live'' || himsels || gastrol en ko-presintator; ôfl. ''Mr. T and Hulk Hogan/The Commodores''
|-
|align="center"| 1984 || ''The Toughest Man in the World'' || Bruise Brubaker || [[tillefyzjefilm]]
|-
|align="center"| 1984 || ''Dean Martin Celebrity Roast'' || n.f.t. || [[roast (tillefyzjeprogramma)|roaster]]; [[tillefyzjespecial]]
|-
|align="center"| 1984–1986&nbsp;1988|| ''WWF Superstars of Wrestling'' || himsels || 
|-
|align="center"| 1987|| ''Alice Through the Looking Glass'' || Jabberwock || tillefyzjefilm
|-
|align="center"| 1988–1990 || ''T. and T.'' || T.S. Turner || fêste rol; 65 ôfl.
|-
|align="center"| 1990 || ''Straight Line'' || T.S. Turner || 
|-
|align="center"| 1991 || ''Out of This World'' || himsels || gastrol; ôfl. ''New Kid on the Block''
|-
|align="center"| 1994 || ''Blossom'' || himsels || gastrol; ôfl. ''A Little Help from My Friends''
|-
|align="center"| 1995 || ''Kids Against Crime'' || himsels || 
|-
|align="center"| 1996 || ''Martin'' || Jenkins || gastrol; ôfl. ''Boo's in the House''
|-
|align="center"| 1999 || ''Malcolm & Eddie'' || Calvin || gastrol; ôfl. ''The Wrongest Yard''
|-
|align="center"| 2003 || ''Disney's House of Mouse'' || himsels || as stimakteur; gastrol; ôfl. ''House Ghosts''
|-
|align="center"| 2004 || ''Johnny Bravo'' || himsels || as stimakteur; gastrol; ôfl. ''T is for Trouble''
|-
|align="center"| 2004 || ''[[The Simpsons]]'' || himsels || as stimakteur; gastrol; ôfl. ''Today I Am a Clown''
|-
|align="center"| 2006 || ''I Pity the Fool'' || himsels || [[realitytillefyzjeprogramma]]; gastoptreden; 6 ôfl.
|-
|align="center"| 2011–2013 || ''World's Craziest Fools'' || n.f.t. || as presintator
|-
|align="center"| 2017 || ''Dancing with the Stars'' || n.f.t. || dielnimmer oan in realitytillefyzjeprogramma
|-
|}

==Keppelings om utens==
* {{en}} [http://twitter.com/MrT Mr. T op Twitter]
* {{en}} [http://www.imdb.com/name/nm0001558/ Folsleine filmografy fan Mr. T yn 'e ''Internet Movie Database'' (IMDb)]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Mr._T ''References'', op dizze side].
----
{{commonscat|Mr. T}}
}}

{{DEFAULTSORT:T, Mr.}}
[[Kategory:Amerikaansk spiler fan Amerikaansk fuotbal]]
[[Kategory:Amerikaansk soldaat]]
[[Kategory:Amerikaansk útsmiter]]
[[Kategory:Amerikaansk liifwacht]]
[[Kategory:Amerikaansk filmakteur]]
[[Kategory:Amerikaansk telefyzje-akteur]]
[[Kategory:Amerikaansk stimakteur]]
[[Kategory:Amerikaansk telefyzjepresintator]]
[[Kategory:Amerikaansk sjonger]]
[[Kategory:Amerikaansk showwrakselder]]
[[Kategory:Amerikaansk militêr fan Afro-Amerikaansk komôf]]
[[Kategory:Amerikaansk akteur fan Afro-Amerikaansk komôf]]
[[Kategory:Amerikaansk presintator fan Afro-Amerikaansk komôf]]
[[Kategory:Amerikaansk muzikant fan Afro-Amerikaansk komôf]]
[[Kategory:Persoan berne yn 1952]]
Berjochten brûkt op dizze side:
Berjocht:!! (bewurkje)
Berjocht:Akteur (bewurkje)
Berjocht:Boarnen (bewurkje)
Berjocht:Commonscat (bewurkje)
Berjocht:En (bewurkje)
Berjocht:Filmografy (bewurkje)
Berjocht:Filmografy/Titel (bewurkje)
Berjocht:Taalwerjefte (bewurkje)
Berjocht:Ynfoboks/breedte (bewurkje)
Berjocht:Ynfoboks generyk (boarne besjen) (befeilige)
Werom nei Mr. T.
Opfrege fan "https://fy.wikipedia.org/wiki/Mr._T"