Grutte fjoerflinter
grutte fjoerflinter | ||||||||||||
---|---|---|---|---|---|---|---|---|---|---|---|---|
![]() | ||||||||||||
taksonomy | ||||||||||||
| ||||||||||||
soarte | ||||||||||||
Lycaena dispar | ||||||||||||
Haworth, 1802 | ||||||||||||
IUCN-status: gefoelich | ||||||||||||
De grutte fjoerflinter (Lycaena dispar) is in flintersoarte yn it skaai fan de echte fjoerflinters (Lycaena).
Foarkommen
[bewurkje seksje | boarne bewurkje]Yn Nederlân fljocht de ûndersoart L. d. batava. Dizze ûndersoart fan de grutte fjoerflinter libbet yn sompen of yn lannen mei feanmoas. De earste kear dat de grutte fjoerflinter yn Nederlân sjoen waard wie yn 1915 yn de Lindefallei. Dêrnei blykte hy ek in oare dielen fan Fryslân foar te kommen. Fan de jierren sechtich ôf giet de flinter stadichoan efterút. De grutte Fjoerflinter komt no allinnich noch foar yn trije gebieten yn noardwest Oerisel en súdeast Fryslân.
Op de Nederlânsk reade list stiet de flinter as "earnstich bedrige". Ynternasjonaal is de status "gefoelich".
Fljochtiid
[bewurkje seksje | boarne bewurkje]De flinter fljocht fan heal juny ôf oant ein augustus. Foaral tusken 10 oant 25 july. Fljocht altyd in 1 generaasje.
Flinter
[bewurkje seksje | boarne bewurkje]De wjuklingte is likernôch 21 mm. De boppekant fan de wjukken is by de mantsjes glânzjend oranje mei op de foarwjuk twa swarte plakjes. By de wyfkes is de boppekant fan de foarwjuk oranje mei swarte plakjes. De grûnkleur fan de efterwjuk is ljochtblau.
-
Lycaena dispar ♂
-
Lycaena dispar ♂ △
-
Lycaena dispar ♀
-
Lycaena dispar ♀ △
Rûp
[bewurkje seksje | boarne bewurkje]De rûp kin 20 mm lang wurde. De rûp is ljochtgrien en op de rêch gieleftich. Op it liif hat de rûp knobbeltsjes mei wite behierring. Se ite earst de ûnderkant fan de blêden op. As de rûp grutter is wurdt ek de boppekant opfretten. De rûpen frette it leafst jonge blêden. De groeiperioade fan de rûp is yn de neisimmer en de dêrop komende maitiid en foarsimmer. De rûp oerwintert as in healwaaks rûp tusken blêden of moas. It falt goed ôf om de rûp te determinearjen, se lykje in soad op blêdwapslarven. Op it fjild is noait mei wissigens te sizzen oft it no in rûp is ja of nee.
De aaikes fan de rûp binne plat mei seis of sân stjerfoarmige ribbels. Se binne te finen op de boppekant fan de hantsjeriis blêden.
De rûp fret fan de hantsjeriis.
Ofbyldingen
[bewurkje seksje | boarne bewurkje]Sjoch ek
[bewurkje seksje | boarne bewurkje]- Flintersoarte
- Echte fjoerflinter
- Reachwjukflinter
- Lânseigen fauna yn Albaanje
- Lânseigen fauna yn Belgje
- Lânseigen fauna yn Bosnje
- Lânseigen fauna yn Bulgarije
- Lânseigen fauna yn Dútslân
- Lânseigen fauna yn Finlân
- Lânseigen fauna yn Frankryk
- Lânseigen fauna yn Fryslân
- Lânseigen fauna yn Grikelân
- Lânseigen fauna yn Hongarije
- Lânseigen fauna yn Itaalje
- Lânseigen fauna yn Jeropeesk Ruslân
- Lânseigen fauna yn Kosovo
- Lânseigen fauna yn Kroaasje
- Lânseigen fauna yn Letlân
- Lânseigen fauna yn Litouwen
- Lânseigen fauna yn Lúksemboarch (lân)
- Lânseigen fauna yn Noard-Masedoanje
- Lânseigen fauna yn Moldaavje
- Lânseigen fauna yn Montenegro
- Lânseigen fauna yn Nederlân
- Lânseigen fauna yn de Oekraïne
- Lânseigen fauna yn Poalen
- Lânseigen fauna yn Roemeenje
- Lânseigen fauna yn Servje
- Lânseigen fauna yn Sloveenje
- Lânseigen fauna yn Turkije
- Lânseigen fauna yn Wyt-Ruslân
- Lânseigen fauna yn Oezbekistan