Feminismo ateo
Feminismo ateo é un movemento que defende o feminismo dentro do ateísmo. As ateístas feministas condenan a relixión como fonte principal de opresión das mulleres e desigualdade, crendo que a maioría das relixións son sexistas e opresivas para as mulleres.[1]
Historia
Ernestine Rose
![](http://178.128.105.246/cars-http-upload.wikimedia.org/wikipedia/commons/1/19/ErnestineRose.jpg)
A primeira feminista coñecida como atea foi Ernestine Rose, nada en Polonia o 13 de xaneiro de 1810.[2] A súa confesión aberta de descrenza no xudaísmo, cando ela era unha adolescente, púxoa en conflito co seu pai (que era un rabino) e desenvolveu unha relación desagradábel.[2] A fin de forzala as obrigacións da fe xudaica, o seu pai, sen o seu consentimento, buscoulle un prometido xudeu cando tiña dezaseis anos.[2] No canto de discutir o caso nun tribunal xudeu, foi a un tribunal secular, clamou polo seu caso e gañou. En 1829, foi a Inglaterra, e en 1835, foi unha das fundadores da Association of All Clases of All Nations, asociación atea británica que avogaba polo " dereitos humanos para todas as persoas, independentemente de sexo, clase, cor ou nacionalidade." Ensinou en Inglaterra e nos Estados Unidos (mudándose alí en maio de 1836) e foi descrita por Samuel Putnam III como "unha das mellores profesoras do seu tempo." El escribiu que "ningún home ortodoxo (no sentido relixioso) podería gañarlle en debate".
Notas
- ↑ "Does God Hate Women?". New Statesman. Arquivado dende o orixinal o 31 de decembro de 2010. Consultado o 26 de xullo de 2010.
- ↑ 2,0 2,1 2,2 Rose, Ernestine. "A Troublesome Female". theists.org. Arquivado dende o orixinal o 20 de novembro de 2010. Consultado o 25 de novembro de 2010.