William Salice
| Biografía | |
|---|---|
| Nacemento | 18 de xullo de 1933 Casei Gerola, Italia |
| Morte | 29 de decembro de 2016 (83 anos) Pavia, Italia |
| Causa da morte | ictus  |
| Lugar de sepultura | Lombardía |
| Datos persoais | |
| País de nacionalidade | Italiana |
| Actividade | |
| Ocupación | Empresario |
| Empregador | Ferrero (pt)  (1960–2007) |
| Lingua | Lingua italiana |
William Salice, nado en Casei Gerola, Lombardía o 18 de xullo de 1933 e finado en Pavia, Lombardía o 29 de decembro de 2016, foi un empresario italiano.[1] Foi empregado en Ferrero SpA, onde foi recoñecido como o inventor dos ovos Kinder Sorpresa.[1]
Traxectoria
Comezou a traballar en Ferrero en 1960, e finalmente converteuse nun estreito colaborador do dono da empresa, Michele Ferrero.[2][3]
Ideou o concepto dos ovos Kinder Sorpresa a finais dos anos 1960, mentres investigaba usos alternativos para os moldes de ovos de pascua de chocolate do fabricante, que estaban sen usar a maior parte do ano.[2][4] A pesar disto, insistiu en referirse a Michele Ferrero como o inventor, afirmando ser, simplemente, o «executor material» da idea.[1][2] Os ovos Kinder foron comercializados por primeira vez en 1974.[4]
Tamén xogou un papel na creación doutros diversos produtos de Ferrero, tales como os Ferrero Rocher e Pocket Coffee.[2]
Despois da súa xubilación en 2007, cofundou Cor Your Life Foundation, xunto ao empresario italiano Enrico Gasperini.[5] A fundación ofrece cursos gratuítos para mozos emprendedores.[6]
Morreu o 29 de decembro de 2016, na cidade de Pavia, despois de sufrir un accidente cerebrovascular. Tiña 83 anos.[1][2][3][4]
Notas
- ↑ 1,0 1,1 1,2 1,3 "È morto William Salice, "esecutore materiale" dell’Ovetto Kinder".
- ↑ 2,0 2,1 2,2 2,3 2,4 "William Salice, creator of Kinder Surprise, dies at 83". 30 December 2016.
- ↑ 3,0 3,1 "Morto William Salice, collaboratore di Ferrero: inventò l’Ovetto Kinder".
- ↑ 4,0 4,1 4,2 "Morto William Salice, il "papà" degli ovetti Kinder".
- ↑ «Il Fondatori» Arquivado 02 de xaneiro de 2017 en Wayback Machine.. www.coloryourlife.it (en italiano).
- ↑ "L'ex manager che aiuta i sognatori".