Alfarnate
Localización | |||||
---|---|---|---|---|---|
| |||||
Estado | España | ||||
Comunidade autónoma | Andalucía | ||||
Provincia | Provincia de Málaga ![]() | ||||
Capital | Alfarnate ![]() | ||||
Poboación | |||||
Poboación | 1.059 (2023) ![]() | ||||
Xeografía | |||||
Parte de | |||||
Superficie | 34 km² ![]() | ||||
Altitude | 888 m ![]() | ||||
Comparte fronteira con | |||||
Organización política | |||||
• Alcalde ![]() | José María Ruiz Lizana ![]() | ||||
Identificador descritivo | |||||
Código postal | 29194 ![]() | ||||
Fuso horario | |||||
Código INE | 29003 ![]() | ||||
Páxina web | alfarnate.es ![]() | ||||
![]() ![]() |
Alfarnate é un concello da provincia de Málaga, Andalucía, situado na comarca da Axarquía[1], no norte da provincia, preto da provincia de Granada.
En 2012 contaba cunha poboación de 1.300 habitantes.
Toponomía
[editar | editar a fonte]O nome da localidade parece vir da palabra árabe Al-farnat, cuxo significado é "muíño de fariña". De feito, xa aparece documentada a referencia a Alfarnate no século X como forte zona de produción de fariña. Nunha localidade veciña, Alfarnatejo, pódense ver dous muíños de fariña que traballaban coa auga do regueiro.
Xeografía
[editar | editar a fonte]![](http://178.128.105.246/cars-http-upload.wikimedia.org/wikipedia/commons/thumb/5/55/Pinar_en_Alfarnate.jpg/220px-Pinar_en_Alfarnate.jpg)
Situado no norte da provincia, é a localidade máis alta (as rúas están situadas a 925 metros sobre o nivel do mar) e o seu termo está completamente rodeado de serras pertencentes ao movemento xeolóxico da Subbética con formacións de dolomías e margocalizas como a Serra de Camarolos polo sueste, a Serra do Jobo, cuxos cumes forman a fronteira do seu termo por oeste e noroeste, co pico do Chamizo (1.641 msnm). O norte xeográfico é tamén, co porto dos Alazores, a divisoria coa Serra de Alhama que a percorre de norte a sueste, coas formacións como o Tajo de las Palomas (1.302 m), para encontrarse no Porto do Sol (1.100 m) coa Serra de Enmedio que a delimita polo sur con picos como o de Vilo (1.415 m), Gallo (1.361 m) e o Morrón de Malinfierno que protexe o lugar polo sur (1.077 m). No medio destas serras de considerable altura, Alfarnate goza dun fermoso val a máis de 900 metros que fai deste un dos máis raros exemplos de vilas de montaña en Andalucía.
Monumentos e lugares de interese
[editar | editar a fonte]![](http://178.128.105.246/cars-http-upload.wikimedia.org/wikipedia/commons/thumb/0/07/Vista_de_Alfarnate.jpg/220px-Vista_de_Alfarnate.jpg)
- Casas consistoriais
- Ermida da Nosa Señora de Monsalud
- Insigne Igrexa Parroquial de Santa Ana
- Pontes de ladrillo
Política e administración
[editar | editar a fonte]A administración política do municipio realízase a través dun concello de xestión democrática cuxos compoñentes se elixen cada catro anos por sufraxio universal. O censo electoral está composto por todos os residentes empadroados en Alfarnate maiores de 18 anos e nacionais de España e dos restantes estados membros da Unión Europea. Segundo o disposto na Lei do Réxime Electoral Xeral,[2] que establece o número de concelleiros elixibles en función da poboación do municipio, a Corporación Municipal de Alfarnate está formada por 9 concelleiros.
Lexislatura | Nome do alcalde | Partido político |
---|---|---|
1979–1983 | Juan Verdugo Palma | PCE-PCA |
1983–1987 | Juan Verdugo Palma | PCE-PCA |
1987–1991 | José Ortigosa Ruiz | IULV-CA |
1991–1995 | José Ortigosa Ruiz | IULV-CA |
1995–1999 | José Ortigosa Ruiz | IULV-CA |
1999–2003 | José Ortigosa Ruiz | IULV-CA |
2003–2007 | José Ortigosa Ruiz | IULV-CA |
2007–2011 | José María Ruiz Lizana | PSOE-A |
Dende 2011 | Salvador Urdiales Pérez | PSOE-A |
Economía
[editar | editar a fonte]O sector primario ocupa case o cen por cento dunha economía dedicada case en exclusiva a unha veiga, regada polos seus regueiros, que se cultiva de trigo e dos garavanzos de indiscutible calidade e fama; algúns oliveirais e algo de amendoeira, compleméntanse cunha pequena cabana caprina e ovina. Nos últimos anos explotouse moito o cultivo de regadío en toda a súa variedade, tomates, leitugas, alcachofas, cabaciñas, fabas, pementos, melóns... explotando a auga do subsolo na que a devandita localidade é moi rica. Tamén se foron introducindo algunhas variedades de árbores froiteiras como son as cerdeiras ou as maceiras.
Festas
[editar | editar a fonte]- 25 de abril: San Marcos
- 15 de maio: San Isidro
- 13 de xuño: San Antonio
- 24 de xuño: San Juan
Notas
[editar | editar a fonte]- ↑ "ORDEN de 14 de marzo de 2003, por la que se aprueba el mapa de comarcas de Andalucía a efectos de la planificación de la oferta turística y deportiva.". www.juntadeandalucia.es. Consultado o 16 de xaneiro de 2009.
- ↑ B.O.E. (ed.). "Ley Orgánica 5/1985, de 19 de junio, del Régimen Electoral General". Arquivado dende o orixinal o 25/06/2008. Consultado o 16/1/2009.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Alfarnate ![]() |