Malcolm Lowry
![]() ![]() | |
Biografía | |
---|---|
Nacemento | 28 de xullo de 1909 ![]() Birkenhead, Reino Unido (pt) ![]() ![]() |
Morte | 26 de xuño de 1957 ![]() Chalvington with Ripe, Reino Unido (en) ![]() ![]() |
Lugar de sepultura | The Parish Church of St John the Baptist (en) ![]() ![]() |
Datos persoais | |
Residencia | México ![]() |
País de nacionalidade | Reino Unido ![]() |
Educación | St Catharine's College, Cambridge (en) ![]() Caldicott School (en) ![]() ![]() |
Actividade | |
Campo de traballo | Literatura ![]() |
Ocupación | escritor , poeta , novelista ![]() |
Influencias | |
Lingua | Lingua inglesa ![]() |
Obra | |
Obras destacables
| |
Arquivos en | |
Premios
| |
![]() ![]() ![]() ![]() ![]() ![]() ![]() |
Clarence Malcolm Lowry ([ˈlaʊri]), nado en New Brighton (Cheshire) o 28 de xullo de 1909 e finado en Ripe (Sussex) o 26 de xuño de 1957 foi un poeta e novelista inglés, coñecido pola súa novela Under the Volcano.
Traxectoria
[editar | editar a fonte]Lowry naceu na península de Wirral, Inglaterra,[1] cuarto fillo de Evelyn Bode e Arthur Lowry, corretor de algodón con raíces en Cumberland. Estudou en The Leys School en Cambridge [2] (escola coñecida pola novela Goodbye, Mr. Chips) e St Catharine's College, Cambridge. En 1912, a familia mudouse a Caldy, a unha casa de estilo falso Tudor e dous acres de terreo, cunha pista de tenis, un pequeno percorrido de golf e servizo doméstico.[1][3] Lowry sentiuse abandonado pola súa nai e máis achegado ao seu irmán.[3]
A pesar da súa cómoda educación, comezou a beber aos catorce anos.[3] Aos quince anos gañou o campionato de golf júnior de Royal Liverpool Golf Club, Hoylake. O seu pai esperaba que fose a Cambridge e entrase no negocio familiar, mais Malcolm quería experimentar o mundo e convenceu o seu pai que lle deixase traballar como mariñeiro nun barco que ía a Oriente. En maio de 1927 os seus pais levárono ao porto de Liverpool e, diante da prensa local, despedíronse del mentres subía ao cargueiro S.S. Pyrrhus.[3] Os cinco meses no mar déronlle historias que incorporou na súa primeira novela, Ultramarine.
No outono de 1929 matriculouse en Cambridge para calmar os seus pais. Pasou pouco tempo na universidade,[3] mais destacou en escritura, graduándose en 1931 cun grao de terceira clase en inglés. Durante o seu primeiro trimestre o seu compañeiro de cuarto, Paul Fitte, suicidouse. Fitte pedíralle unha relación homosexual a Lowry, pero este rexeitouno. Lowry sentiuse responsable da súa morte e foi posuído por este sentimento o resto da súa vida.[3]
As dúas obsesións que dominaron a súa vida, o alcohol e a literatura xa estaban ben establecidas. Lowry tamén viaxara, pois ademais da súa experiencia no mar, visitara América e Alemaña nas vacacións escolares.
Tras Cambridge, Lowry viviu un tempo en Londres, acudindo ás escenas alternativas do Grupo de Auden e coñecendo a Dylan Thomas, entre outros. En España coñeceu a súa primeira esposa, Jan Gabrial, coa que casou en Francia en 1934. A súa foi unha unión turbulenta, especialmente debido á bebida, e porque a Jan lle molestaba que os homosexuais se sentisen atraídos por el. Tras un distanciamento, Lowry seguiuna a Nova York onde, case incoherente, entrou no Hospital Psiquiátrico de Bellevue en 1936, tras un ataque de nervios provocado polo alcohol. Cando as autoridades comezaron a recibir informacións sobre el, fuxiu para evitar a deportación e marchou a Hollywood, onde intentou traballar como guionista. Neste tempo comezou a escribir Under the Volcano.[3]
México e o Canadá
[editar | editar a fonte]A parella mudouse a México, chegando á cidade de Cuernavaca o 2 de novembro de 1936, día de defuntos, nun intento final de salvar o seu matrimonio. Lowry continuou a beber intensamente, aínda que tamén dedicou máis enerxía na escritura.[3]
O esforzo para salvar a relación fracasou. Jan viu que Lowry quería unha figura materna que ela non quería ser e acabou marchando con outro home a finais de 1937. Só en Oaxaca, Lowry entrou nun período de excesos alcohólicos que culminaron na súa deportación do país.
No verán de 1938 Lowry abandonou México en circunstancias misteriosas. A súa familia instalouno no Hotel Normandie dos Ánxeles e os cheques do seu pai ían directamente ao encargado do hotel. Continuou a traballar na súa novela e coñeceu a actriz e escritora Margerie Bonner.
En agosto Lowry mudouse a Vancouver, Canadá, deixando o seu manuscrito atrás. Máis tarde Margerie mudouse tamén a Vancouver levándolle o texto e casaron o ano seguinte, vivindo ao principio viviron nun ático da cidade. Co inicio da segunda guerra mundial Lowry tratou de alistarse, mais foi rexeitado. A correspondencia entre el e o Gobernador Xeral do Canadá Lord Tweedsmuir (coñecido como o escritor John Buchan) neste tempo deu lugar a varios artigos de Lowry no xornal da provincia de Vancouver. A parella vivía e escribía nunha chabola ocupada na praia preto de Dollarton na Columbia Británica. En 1944 a chabola sufriu un incendio e Lowry resultou ferido tratando de salvar a súa novela.[4] Margerie foi unha influencia totalmente positiva, editando habilidosamente o traballo de Lowry e asegurándose de que comía tanto como bebía. A parella viaxou por Europa, América e o Caribe e a pesar de que Lowry continuaba a beber, parecía pasar por un período relativamente pacífico e produtivo. Isto durou ata 1954, cando chegou un novo período nómade, que pasou por Nova York, Londres e outros lugares. Durante as súas viaxes a Europa, Lowrey tratou de estrangular a Margerie dúas veces.[5]
Falecemento
[editar | editar a fonte]Lowry faleceu nunha casa alugada en Ripe, Sussex, onde vivía coa súa dona. O veredicto da autopsia foi morte accidental.
Suxeriuse que a súa morte foi un suicidio.[6] Algunhas inconsistencias no testemuño dado pola súa esposa tamén levantaron sospeitas de asasinato.[7]
Lowry está enterrado no patio da igrexa de San Xoán Bautista de Ripe.[8]
Obra
[editar | editar a fonte]Lowry publicou pouco durante a súa vida en comparación coa extensa colección de manuscritos inacabados que deixou. Das súas dúas novela, Under the Volcano (1947) está recoñecida como a súa obra mestra e un dos grandes libros do século XX.[9] Exemplifica o método de Lowry como escritor, que inclúe moito material autobiográfico cheo de complexas capas simbólicas.
Ultramarine (1933), escrita cando era aínda un estudante, segue a primeira viaxe por mar dun mozo e a súa determinación de ser aceptado pola tripulación.
Unha colección de relatos, Hear Us, O Lord from Heaven Thy Dwelling Place (1961), foi publicada despois da súa morte e o poeta e estudoso Earle Birney editou Selected Poems of Malcolm Lowry (1962). Tamén colaborou coa viúva de Lowry na edición da novela curta Lunar Caustic (1968) na súa republicación. Era unha fusión de varios textos antigos relativos ao Bellevue Hospital que Lowry estaba reescribindo como unha novela completa. Con Douglas Day, primeiro biógrafo de Lowry, a viúva completou e editou as novelas Dark as the Grave Wherein my Friend Is Laid (1968) e October Ferry to Gabriola (1970) a partir de manuscritos de Lowry.
En 1965 publicouse Selected Letters of Malcolm Lowry, editadas pola súa viúva e por Harvey Breit e seguíronlle en 1995-6 os dous volumes de Sursam Corda! The Collected Letters of Malcolm Lowry, editados por Sherrill E. Grace. Tamén se publicaron edicións da última obra inacabada de Lowry La Mordida, e o seu guión para a adaptación de Tender Is the Night, de F. Scott Fitzgerald.
Volcano: An Inquiry into the Life and Death of Malcolm Lowry (1976) é un documental de National Film Board of Canada candidato ao Oscar dirixido por Donald Brittain e John Kramer.[3] Comeza coa investigación sobre a "morte accidental" de Lowry e vai cara a atrás para trazar a vida do escritor. Richard Burton le fragmentos da novela entre imaxes de México, os Estados Unidos, o Canadá e Inglaterra.[10]
En 2001 Jan Gabrial revelou nas súas memorias que ela tiña un primeiro bocexo da novela In Ballast to the White Sea, que se cría perdida.[11] Segundo o profesor Dean Irvine da Dalhousie University, Lowry déralle unha copia á nai de Gabrial antes de que a parella marchase a México en 1936. A copia de traballo perdérase despois nun incendio. En outubro de 2014 publicouse por vez primeira pola Universidade de Ottawa[12] e lanzouse no Bluecoat Arts Centre de Liverpool.[4]
Bibliografía
[editar | editar a fonte]- Ultramarine (1933)
- Under the Volcano (1947)
Póstumos
[editar | editar a fonte]- Hear Us O Lord from Heaven Thy Dwelling Place (1961)
- Selected Poems of Malcolm Lowry (1962)
- Lunar Caustic (1968)
- Dark as the Grave wherein my Friend is Laid (1968)
- October Ferry to Gabriola (1970)
- The Cinema of Malcolm Lowry: A Scholarly Edition of Malcolm Lowry's "Tender is the Night" editado por Miquel Mota e Paul Tiessen (1990)
- The 1940 Under The Volcano (1994)
- La Mordida edited by Patrick A. McCarthy (1996)
- In Ballast to the White Sea (2014), editado por Patrick A. McCarthy, notas de Chris Ackerley, prólogo de Vik Doyen, University of Ottawa Press, ISBN 978-0-7766-2208-8
Notas
[editar | editar a fonte]- ↑ 1,0 1,1 Bowker, Gordon (1995). St Martin's Press, ed. "Pursued by Furies: A Life of Malcolm Lowry". Londres. ISBN 978-0-312-12748-0. Consultado o 24 de maio de 2014.
- ↑ A Dictionary of Twentieth Century World Biography. Reino Unido: Book Club Associates, 1992, páx. 351.
- ↑ 3,0 3,1 3,2 3,3 3,4 3,5 3,6 3,7 3,8 "Volcano: An Inquiry into the Life and Death of Malcolm Lowry". National Film Board of Canada. 1976. Consultado o 31 de marzo de 2009.
- ↑ 4,0 4,1 "‘Lost’ Malcolm Lowry novel published for the first time". the Guardian.
- ↑ Max, D. T. (17 de decembro de 2007). "Day of the Dead". The New Yorker.
- ↑ Slide, Anthony (2004). Silent Topics: Essays on Undocumented Areas of Silent Film. Scarecrow Press. p. 65. ISBN 978-0810850163.
- ↑ [1]: Bowker, G., (2004), "Foul Play at White Cottage", Times Literary Supplement, 20 de febreiro 2004 - outlies the peculiar circumstances of Lowry's death.
- ↑ "Malcolm Lowry (1909 - 1957) - Find A Grave Memorial".
- ↑ "Modern Library 100 Best Novels". Modern Library. Consultado o 13 de marzo de 2008.
- ↑ IMDb (1 de novembro de 1976). "Volcano: An Inquiry Into the Life and Death of Malcolm Lowry". IMDb.
- ↑ Youngs, Ian (25 de outubro de 2014). "Lost Malcolm Lowry novel published". BBC News. Consultado o 25 de outubro de 2014.
- ↑ "Copia arquivada". Arquivado dende o orixinal o 24 de setembro de 2015. Consultado o 16 de agosto de 2015.
Véxase tamén
[editar | editar a fonte]Bibliografía
[editar | editar a fonte]- Asals, Frederick, The making of Malcolm Lowry's Under the volcano (University of Georgia: Athens, 1997)
- Bareham, Tony, Modern Novelists: Malcolm Lowry (St Martins: Nova York, 1989)
- Bowker, Gordon, ed, Malcolm Lowry Remembered (Ariel: Londres, 1985)
- Bradbrook, M.C., Malcolm Lowry: His Art and Early Life (CUP: Cambridge, 1974)
- Cross, Richard K., Malcolm Lowry: a preface to his fiction (Athlone Press: Londres, 1980)
- Foxcroft, Nigel H., The Kaleidoscopic Vision of Malcolm Lowry: Souls and Shamans (Lexington Books: Lanham, MD, 2019). ISBN 978-1-4985-1657-0
- Hochschild, Adam, Finding the Trapdoor: Essays, Portraits, Travels, pp. 265–73, "The Private Volcano of Malcolm Lowry," (Syracuse University Press: Syracuse, 1997)
- Miller, David, Malcolm Lowry and the voyage that never ends (Enitharmon Press: Londres, 1976)
- Smith, Anne, The art of Malcolm Lowry (Vision: Londres, 1978)
- Stevenson, Randall, The British Novel Since the Thirties (Batsford: Londres, 1986)
- Vice, Sue, Malcolm Lowry eighty years on (St. Martins Press: Nova York, 1989)
- Woolmer, J. Howard, Malcolm Lowry: a bibliography (Woolmer/Brotherson: Pensilvania, 1983)
Ligazóns externas
[editar | editar a fonte]- A Hypertextual Companion to Under the Volcano
- Fragmento de Dark As The Grave Arquivado 01 de agosto de 2009 en Wayback Machine.
- Photo of the beach where Malcolm Lowry's shack was located in North Vancouver, Canadá
- Volcano: An Inquiry into the Life and Death of Malcolm Lowry, filme.
- Audiolibro (mp3) do prólogo escrito por Lowry en 1948 para os lectores franceses de Under the Volcano.
- Malcolm Lowry en The Canadian Encyclopedia Arquivado 07 de xuño de 2011 en Wayback Machine.
- Fotografía de Malcolm Lowry
- The White Cottage – Fotografía do lugar onde faleceu Lowry