Jacobo Otero Goday
Biografía | |
---|---|
Nacemento | 1883 O Grove, España |
Morte | 27 de xuño de 1964 (80/81 anos) O Grove, España |
Alcalde do Grove | |
1913 – 1921 ← Leopoldo Benavides Otero | |
Datos persoais | |
País de nacionalidade | España |
Educación | Universidade de Santiago de Compostela |
Actividade | |
Ocupación | médico , político |
Lingua | Lingua castelá |
Familia | |
Pai | Francisco Otero Moraña |
Irmáns | Francisco Otero Goday |
Jacobo Francisco Otero Goday, nado no Grove en 1884 e finado no mesmo concello o 27 de xuño de 1964,[1] foi un médico e político galego.
Traxectoria
[editar | editar a fonte]Foi o décimo fillo de Francisco Otero Moraña. Estudou medicina na Universidade de Santiago de Compostela. Foi alcalde do Grove de 1913 a 1921. Na Segunda República foi presidente do Partido Republicano Gallego do Grove e despois pasou a Izquierda Republicana. Co golpe de Estado do 18 de xullo de 1936 foi detido a principios de agosto. Xulgado en Pontevedra por rebelión militar, foi condenado á pena de morte. Foille conmutada a pena pola de cadea perpetua. Estivo preso en San Simón e logo foi trasladado á Prisión de San Cristóbal (Pamplona). Recuperou a liberdade vixiada a principios dos anos corenta e volveu exercer como médico no Grove, dedicando parte do seu patrimonio a satisfacer as multas e sancións impostas pola ditadura. Era tío de Jacobo Barral Otero, que foi alcalde do Grove en 1936.
Predecesor: Leopoldo Benavides Otero |
Alcalde do Grove 1913 - 1921 |
Sucesor: Tomás Oviedo García |
Recoñecementos
[editar | editar a fonte]O pobo do Grove erixiu por subscrición popular en 1962 un monumento á súa memoria, obra de Alfonso Vilar Lamelas.
Notas
[editar | editar a fonte]- ↑ Necrolóxica en El Pueblo Gallego, 1-7-1964, p.14.
Véxase tamén
[editar | editar a fonte]Bibliografía
[editar | editar a fonte]- Mascato, Antón (2019). Atila no Grove. Crónica política e Memoria da masacre (1923-1948). Santiago de Compostela: Positivas. pp. 325–331. ISBN 978-84-120184-6-2.