System of a Down
System of a Down | |
---|---|
Orixe | Os Ánxeles, California, ![]() |
Período | 1995 - 2006 2011 |
Xénero(s) | metal alternativo, rock progresivo, hard rock, rock experimental |
Selo(s) discográfico(s) | Sony BMG |
Membros | Serj Tankian Daron Malakian Shavo Odadjian John Dolmayan |
Antigos membros | Andy Khachaturian |
Artistas relacionados | Scars on Broadway, The F.C.C., Mt. Helium, AcHoZeN |
Na rede | |
www.systemofadown.com/ | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
![](http://178.128.105.246/cars-http-upload.wikimedia.org/wikipedia/commons/thumb/c/c0/SoaD-2013-2.jpg/290px-SoaD-2013-2.jpg)
System of a Down (denominada habitualmente SOAD ou System) é unha banda estadounidense de metal alternativo formada nos Ánxeles (California) en 1994. Está composta por Serj Tankian (voz), Daron Malakian (guitarra/voz), Shavo Odadjian (baixo) e John Dolmayan (batería), sendo os catro de ascendencia armenia.
A banda editou cinco álbums de estudio; tres dos cales estreáronse no número 1 da lista Billboard 200. System of a Down foi nomeado para catro Grammy, e gañou o premio á mellor actuación hard rock no 2006, polo tema "B.Y.O.B.". O 13 de agosto dese ano o grupo entrou nun hiato indefinido, pero anunciou unha reunión o 29 de novembro do 2010, realizando varios concertos en festivais europeos o ano seguinte. A xira de reunión continuou a través de Norteamérica e Suramérica con varias datas anunciadas ao longo dese verán.
Historia, estilos e influencias
[editar | editar a fonte]Trátase dun dos grupos máis intelixentes e creativos da escena do Alternative Metal norteamericano. Todas as etiquetas quédanse curtas para definir System of a Down. Metal, Hard core, hip hop, gótico, folclore armenio e ritmos étnicos enlázanse dunha maneira sorprendente e absolutamente innovadora na música do cuarteto dos Ánxeles. Hai que engadir ademais as súas potentes liñas melódicas e as súas letras cargadas de poesía e de comentarios políticos e sociais. En 1993, Serj Tankian e Daron Malakian coincidiron nun estudo de gravación. Ambos compartían as mesmas ideas e as mesmas orixes armenias e decidiron unir os seus talentos musicais. Daquel encontro naceu un grupo -inicialmente chamado Soil- coa intención de demostrar ó mundo que aínda quedan cousas novas que facer no mundo da música. A formación quedou completa con Shavo Odadjian, un amigo e seareiro que decidiu tocar o baixo, e o batería John Dolmayan. Unha maqueta con tres temas fíxoos populares nos ambientes heavys californianos e Rick Rubin (o produtor de Slayer, Red Hot Chili Peppers, Danzig e os Beastie Boys) decidiu fichalos para o seu selo American Recordings. As súas expectativas non se viron defraudadas, xa que a fórmula social e musical deulles, dende o lanzamento do seu primeiro álbum, en 1998, un considerábel éxito, tanto de público, que fixo de System of a Down disco de platino, como dos críticos musicais. O seu segundo álbum, Toxicity, lanzounos internacionalmente e consagrounos como unha banda orixinal e transgresora. Non defraudou o seu terceiro traballo, Steal this álbum!, que seguía a liña do grupo sen deixar de ser orixinal. No 2005 sacan dous traballos, que en realidade trátase dun disco dobre: Mezmerize e Hypnotize. Estes dous álbums están tan vencellados entre si, que os seus dous títulos mesmo son sinónimos: significan "hipnotizar".
Foi elixida a mellor banda alternativa de rock nos MTV Awards celebrados en Lisboa. En maio do 2006 anunciaron que farían unha paréntese duns cantos anos, pero desmentiron que se fosen separar.
Reunión
[editar | editar a fonte]O 29 de novembro do 2010 System of a Down anunciou oficialmente que se reuniría para tocar en varios festivais europeos en xuño do 2011. Entre estes incluíanse o Download Festival británico, Greenfield Festival en Suíza, os alemáns Rock am Ring/Rock im Park, o sueco Metaltown, o austríaco Nova Rock Festival e o finés Provinssirock.
Membros
[editar | editar a fonte]Membros actuais
[editar | editar a fonte]- Serj Tankian: Vocalista , teclista e guitarrista.
- Daron Malakian: Guitarrista e Vocalista.
- Shavo Odadjian: Baixista e Vocalista.
- John Dolmayan: Batería.
Antigos membros
[editar | editar a fonte]- Andy Khachaturian: Batería.
Discografía
[editar | editar a fonte]- System of a Down, 30 de xuño de 1998, #124 U.S.A.
- Toxicity, 4 de setembro do 2001, #1 U.S.A., #13 R.U., #1 Canadá
- Steal This Album!, 26 de novembro do 2002, #15 U.S.A., #56 R.U.
- Mezmerize, 17 de maio do 2005, #1 U.S.A., #2 R.U., #1 Australia, #1 Canadá, (1ª parte de 'Mezmerize/Hypnotize' disco duplo)
- Hypnotize, 22 de novembro do 2005, #1 U.S.A., #11 R.U., #1 Canadá, #3 Australia, (2ª parte de 'Mezmerize/Hypnotize' disco duplo)
Véxase tamén
[editar | editar a fonte]Ligazóns externas
[editar | editar a fonte]![]() |
Commons ten máis contidos multimedia sobre: System of a Down |