Kaley Cuoco
Kaley Christine Cuoco (ruggit er 30 Sauin 1985),[1] she ben-chloieder as gienteyder Americaanagh t'ee. Lurg straih paartyn co-hassooagh ayns scannaneyn as er y çhellveeish, vleayst ee magh er y scaailan lesh y phaart myr Bridget Hennessy er y sitcom 8 Simple Rules (2002–2005) liorish ABC. Lurg shen, ren Cuoco cur e goo rish Brandy Harrington er Brandy & Mr. Whiskers (2004–2006) as ren ee cloie Billie Jenkins er y straih yerrinagh jeh'n straih hellveeish Charmed (2005–2006). Ny s'anmey, chloie ee Penny er y sitcom The Big Bang Theory (2007–2019) liorish CBS. Voish y vlein 2020, ta Cuoco er chloie as er obbraghey myr yn ard-ghienteyder son y straih chreauagh aitt The Flight Attendant liorish HBO Max.[2]
Ren Cuoco chloie 'sy scannaneaght da'n chied cheayrt 'sy scannane çhellveeish creauagh Quicksand: No Escape (1992). Ta'n obbyr eck 'sy scannaneaght goaill stiagh Virtuosity (1995), Toothless (1997), Can't Be Heaven (1999), Alley Cats Strike (2000), Growing Up Brady (2000), Crimes of Fashion (2004), The Hollow (2004), Lucky 13 (2005), To Be Fat like Me (2007), Cougar Club (2007), Killer Movie (2008), The Penthouse (2010), Hop (2011), Authors Anonymous (2014), as The Wedding Ringer (2015). Hooar ee rollage er y Hollywood Walk of Fame ayns 2014[3] as ayns Jerrey Fouyir 2017 chur ee Yes, Norman Productions er bun.
Imraaghyn
[reagh | edit source]- ↑ "8 Interesting Facts About Kaley Cuoco-Sweeting: Actor Spotlight". CBS. Feddynit magh er 15 Boaldyn 2016.
- ↑ D'Alessandro, Anthony (6 Jerrey Souree 2021). "Kaley Cuoco In Talks To Star & Produce Studiocanal & Picture Company's High-Concept Thriller 'Role Play'". Deadline. Feddynit magh er 7 Jerrey Souree 2021.
- ↑ "Kaley Cuoco-Sweeting gets emotional over Hollywood Walk of Fame star", CBS News (30 Jerrey Fouyir 2014). Feddynit magh er 3 Sauin 2014.
Kianglaghyn magh
[reagh | edit source]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Kaley Cuoco ec IMDb