Yr Hen Ogledd
![](http://178.128.105.246/cars-http-upload.wikimedia.org/wikipedia/commons/thumb/4/44/Yr.Hen.Ogledd.550.650.Koch.jpg/220px-Yr.Hen.Ogledd.550.650.Koch.jpg)
She ard shendeeagh ayns Twoaie Hostyn as jiass Ghoaltaght ny h-Albey eh yr Hen Ogledd, ny y Shenn Twoaie, raad va Goaldee Cheltiagh y Yn Vretyn Vooar fo-Raueagh cummal car ny Mean Eashyn Leah. Loayr y sleih sorçh jeh'n Vrythonish t'er enney ain myr Cumbrish as ee feer chosoylagh rish y Çhenn Vretnish. Ren sleih Vretyn as y Hen Ogledd coontey adsyn hene myr un phobble as ad cur Cymry ("cumraagyn"), voish combrogi y Vrythonish, orroo hene. She ard er lheh va'n Hen Ogledd neu-ghollrish ayrnyn y Vretyn Vooar Hwoaie raad va ny Pictee, Anglo-Hostnee, as Scoti cummal.
V'ad ny reeriaghtyn mooarey ayn na Elmet, Gododdin, Rheged, as Reeriaght Strah Chleayee. Va reeriaghtyn as slystyn beggey elley ayn chammah, goaill stiagh Aeron, Calchfynydd, Eidyn, Lleuddiniawn, as Manaw Gododdin. Va enmyn Brythonagh ec ny reeriaghtyn Anglagh Deira as Bernicia as, rere shen, s'liklee dy row bun Brythonagh oc. Va dagh reeriaght y Hen Ogledd goit ec ny h-Anglo-Hostnee as ny Pictee roish y vlein 800 faagail magh Strah Chleayee; va Strah Chleayee goit stiagh ayns Reeriaght ny h-Albey 'sy 11d eash.
Ta cooinaghtyn y Hen Ogledd foast lajer ayns Bretyn. Ta'n tradishoon Bretnagh goaill stiagh caardyssyn Gwŷr y Gogledd, ny "Fir y Twoaie", as ren shiartanse dy reeraghtyssyn Bretnagh tayrn nyn eiraghtyn assdaue. Haink ram teksyn Bretnagh ass Fir y Twoaie, lheid as Taliesin, Aneirin, Myrddin Wyllt, as bardyn Cynfeirdd. Ta feniee y twoaie lheid as Urien, Owain mab Urien, as Coel Hen as e sluight ry-gheddyn 'sy vardaght Vretnagh as ayns ny Trooryn Bretnagh.
- Yr Hen Ogledd
- Goaldee Cheltiagh
- Sostyn vean-eashagh
- Nalbin vean-eashagh
- Yn Vretyn Vooar fo-Raueagh
- Sostyn Anglo-Hostnagh
- Bretyn vean-eashagh
- Twoaie Hostyn
- Shennaghys Cumbria
- Shennaghys Dùn Phrìs as y Ghallioo
- Shennaghys Northumberland
- Shennaghys Chreeaghyn ny h-Albey
- Shennaghys Yorkshire
- Reeriaghtyn barbaragh
- Ardjyn Hostyn
- Ardjyn ny h-Albey
- Ardjyn shendeeagh y Reeriaght Unnaneysit
- Goaltaght ny h-Albey