Պավել Գևորգյան

Պավել Գևորգյան
Ծնվել է	ապրիլի 8, 1963 (61 տարեկան); Ազոխ, Հադրութի շրջան, Լեռն��յին Ղարաբաղի Հանրապետություն
Քաղաքացիություն	ԽՍՀՄ
Մասնագիտություն	մաթեմատիկոս
Հաստատություն(ներ)	Մոսկվայի պետական մանկավարժական համալսարան
Գործունեության ոլորտ	տեղաբանություն
Պաշտոն(ներ)	ռեկտոր
Ալմա մատեր	Երևանի պետական համալսարան, Մոսկվայի պետական համալսարան
Գիտական աստիճան	ֆիզիկամաթեմատիկական գիտությունների դոկտոր
Տիրապետում է լեզուներին	Հայերեն, ռուսերեն, անգլերեն
Գիտական ղեկավար	Յու.Մ. Սմիռնով
Պարգևներ	Ռուսաստանի Դաշնության կառավարության մրցանակի դափնեկիր, Ռուսաստանի Դաշնության բարձրագույն կրթության պատվավոր աշխատող
	Pavel Gevorgyan Վիքիպահեստում

Վիքիպեդիայում կան հոդվածներ Գևորգյան ազգանունով այլ մարդկանց մասին։

Պավել Սամվելի Գևորգյան (ապրիլի 8, 1963(1963-04-08), Ազոխ, Հադրութի շրջան, Ադրբեջանական ԽՍՀ, ԽՍՀՄ), հայ մաթեմատիկոս, ֆիզիկամաթեմատիկական գիտությունների դոկտոր, պրոֆեսոր, Մոսկվայի պետական մանկավարժական համալսարանի մաթեմատիկական անալիզի ամբիոնի վարիչ, Ռուսաստանի Դաշնության կառավարության մրցանակի դափնեկիր^[1], Ռուսաստանի Դաշնության բարձրագույն կրթության պատվավոր աշխատող, Ռուսաստանի Դաշնության գիտության և կրթության նախարարության մաթեմատիկայի գիտա-մեթոդական խորհրդի^[2] միջնակարգ դպրոցի և մանկավարժական բուհերի բաժանմունքի նախագահ^[3]։

Մ. Լոմոնոսովի անվան Մոսկվայի պետական համալսարանի մեխանիկա-մաթեմատիկական ֆակուլտետի МГУ.01.17 դիսերտացիոն խորհրդի անդամ։

Մ. Լոմոնոսովի անվան Մոսկվայի պետական համալսարանի մեխանիկա-մաթեմատիկական ֆակուլտետի պետական քննական հանձնաժողովի նախագահ "Ֆունդամենտալ մաթեմատիկա և մեխանիկա" մասնագիտության գծով։

Ռուսաստանի Դաշնության կառավարության՝ Կրթության ոլորտում մրցանակների գծով հանձնաժողովի քարտուղար^[3]։

Կենսագրություն

1980 թվականին ընդունվել է Երևանի պետական համալսարանի մեխանիկա-մաթեմատիկական ֆակուլտետը։ 1984 թվականին Հայաստանի մաթեմատիկական ուսանողական օլիմպիադայի հաղթող։ ՍՍՀՄ համամիութենական ուսանողական մաթեմատիկական օլիմպիադայի Հայաստանի ազգային հավաքականի անդամ (ք. Վիլնյուս)։ 1984 թվականին տեղափոխվել է Մ. Լոմոնոսովի անվան Մոսկվայի պետական համալսարանի մեխանիկա-մաթեմատիկական ֆակուլտետը։ 1985 թվականին գերազանցության դիպլոմով ավարտել է համալսարանը և ընդունվել Մ. Լոմոնոսովի անվան Մոսկվայի պետական համալսարանի մեխանիկա-մաթեմատիկական ֆակուլտետի ասպիրանտուրան^[3]։

1989 թվականին պաշտպանել է թեկնածուական թեզը և ստացել ֆիզիկամաթեմատիկական գիտությունների թեկնածուի գիտական աստիճան։ 2001 թվականին պաշտպանել է դոկտորական թեզը և ստացել ֆիզիկամաթեմատիկական գիտությունների դոկտորի գիտական աստիճան^[3]։

Աշխատանքային գործունեություն

1987-1988 թվականներին՝ համատեղության կարգով աշխատել է Մոսկվայի էներգետիկական ինստիտուտի բարձրագույն մաթեմատիկայի հատուկ դասընթացների ամբիոնում որպես դասախոս։ 1989-1994 թվականներին՝ Արցախի պետական համալսարանի բարձրագույն մաթեմատիկայի ամբիոնի դասախոս։ 1994-1996 թվականներին՝ Արցախի պետական համալսարանի բնագիտական ֆակուլտետի դեկան^[3]։

1996-2000 թվականներին՝ Արցախի պետական համալսարանի ռեկտոր։ 2000-2015 թվականներին՝ Մոսկվայի էներգետիկական ինստիտուտի բարձրագույն մաթեմատիկայի ամբիոնի պրոֆեսոր։ 2008-2016 թվականներին՝ Աշխատանքի և սոցիալական հարաբերությունների ակադեմիայի բարձրագույն և կիրառական մաթեմատիկայի ամբիոնի վարիչ (ք.Մոսկվա)։ 2015-2016 թվականներին՝ Մոսկվայի պետական մանկավարժական համալսարանի պրոռեկտոր^[3]։

2015 թվականից՝ Մոսկվայի պետական մանկավարժական համալսարանի մաթեմատիկական անալիզի ամբիոնի վարիչ^[3]։

Գիտական հետազոտությունների ոլորտներ

Ձևափոխությունների անընդհատ խմբեր։ Էքվիվարիանտ տոպոլոգիա։ Շեյպերի տեսություն^[3]։

Ծանոթագրություններ

↑ «Присуждены премии Правительства России в области образования за 2014 год».
↑ «НМС по математике».
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 «Геворкян Павел Самвелович | Сотрудники | Главный портал МПГУ». mpgu.su (անգլերեն). Վերցված է 2024-07-23-ին.

Արտաքին հղումներ

Վիքիդարանն ունի նյութեր, որոնք վերաբերում են «Պավել Գևորգյան» հոդվածին։

Վիքիպահեստն ունի նյութեր, որոնք վերաբերում են «Պավել Գևորգյան» հոդվածին։

[1] «Присуждены премии Правительства России в области образования за 2014 год».

[2] «НМС по математике».

[:0-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 «Геворкян Павел Самвелович | Сотрудники | Главный портал МПГУ». mpgu.su (անգլերեն). Վերցված է 2024-07-23-ին.

[1]