Epicteto
Epicteto |
---|
instantia de: esser human |
![]() ![]() |
|
Commons: Epictetus |
![](http://178.128.105.246/cars-http-upload.wikimedia.org/wikipedia/commons/thumb/a/a1/Epictetus_Enchiridion_1683_page1.jpg/220px-Epictetus_Enchiridion_1683_page1.jpg)
Epicteto (Ἐπίκτητος, Epictetus; 50-ca. 138) esseva un philosopho stoic grec, nascite a Hierapole in Phrygia.
Como le sclavo de un liberto del imperator Neron, Epicteto ha audite a Roma le lecturas del philosopho stoic Musonio Rufo e assi comenciate su interesse in philosophia. Post esser liberate, ille continuava su studios, quittante Roma in 89 o 94 quando Domitiano banniva le philosophos. Epicteto establiva un schola a Nicopole in Epiro ubi ille ganiava un grande fama per su lectiones de typo dialogic, con questiones e responsas.
Epicteto ha scripte nulle libro, ma su studente Arriano (autor del biographia de Alexandro Magne e homine de stato roman) ha collecte su doctrinas in duo librettos: le Discussiones (Διατριβαί) e le Manual (Ἐγχειρίδιον), scripte in lingua grec. In iste obras, Epicteto predica le maestria del desiderios e del attaccamentos: le mente debe esser plus forte que illos a fin que on pote esser libere, felice o brave.
Epicteto haberea essite familiar de Hadriano secundo Spartiano (un autoritate incerte). Marco Aurelio cita sovente Epicteto. Origenes le approba como un "martyre pagan" gratias a su fortitude adverso su maestro cruel. Blaise Pascal le ha anque admirate.