Maria Gaetana Agnesi
![](http://178.128.105.246/cars-http-upload.wikimedia.org/wikipedia/commons/thumb/5/57/Maria_Gaetana_Agnesi.jpg/250px-Maria_Gaetana_Agnesi.jpg)
Maria Gaetana Agnesi esset un italian matematico e filosofa. Ella nascet li 16-im de may 1718 in Milano (Italia) e morit li 9-im de januar 1799 anc in Milano.
Ella nascet in un excelent educat familie de rich comerciantes in Milano quam max old de 23 infantes. Su patre Pietro Agnesi esset professor por matematica. Il suportat li matematical talent e li education de su max old filia. Maria Gaetana Agnesi esset egardat in su témpore quam marvel-infanta. In li etá de nin annus ella scrit un discurse de un hor in latin pri li jure del fémina a education, quel esset disputat in ti epoca. In li annu de deci-un annus ella ja parlat sett lingues.
Maria Gaetana Agnesi dedicat su vive al studie del matematica e filosofie. In li annu 1748 esset publicat su ovre Instituzioni analitiche (Elementari Algebra). Ella dedicat ti libre al austrian imperatoressa Imperatoressa Maria Theresia. Pápa Benedict XIV nominat la al professoressa del universitá Bologna, ma ella nequande docet ta.
Quande ella esset in li annu de 34 annus su patre morit. Maria Gaetana Agnesi abandonat li scienties e studiat catolic teologie. In li 1771 ella devenit li directoresa de un catolic hem por old féminas. Ella directet ti institution til su morte in li annu 1799.
Til hodie es conosset un algrebaic curve, li Versiera der Agnesi, quel ella hat explorat. Maria Gaetana Agnesi havet un grand influentie sur li instruction de matematica.