Badminton
![](http://178.128.105.246/cars-http-upload.wikimedia.org/wikipedia/commons/thumb/d/d0/Shuttlecocks_Yonex_Aerosensa_20.jpg/220px-Shuttlecocks_Yonex_Aerosensa_20.jpg)
![](http://178.128.105.246/cars-http-upload.wikimedia.org/wikipedia/commons/thumb/0/0c/Heads_of_badminton_raquets.jpg/220px-Heads_of_badminton_raquets.jpg)
Badminton er íþróttagrein leikin með flugu (einnig nefnd: fjaðrabolti eða fokka), sem slegin er yfir net með badmintonspöðum af tveimur leikmönnum sem keppa hvor gegn öðrum, eða af fjórum leikmönnum sem keppa tveir á móti tveimur.
Á mótum er iðulega keppt í fimm flokkum, einliðaleik karla, einliðaleik kvenna, tvíliðaleik karla, tvíliðaleik kvenna og tvendarleik.
Saga
[breyta | breyta frumkóða]Íþróttin er komin frá Indlandi, barst síðar til Evrópu með enskum liðsforingjum sem gegndu þar herþjónustu. Badminton var fyrst leikið á Englandi árið 1873 undir heitinu poona. Hertogin af Beaufort hafði áhuga á þessum leik og kynnti hann á herragarði sínum í Gloucesterskíri, Badminton House. (Badminton merkir tún Böðmundunga). Badminton varð fljótlega vinsæl íþrótt og hefur lotið sömu reglum síðan 1901.
Hnit
[breyta | breyta frumkóða]Hnit er dregið af sögninni að hnýta sem beygðist hneit-hnitum-hnitið eða eins og líta, bíta, síga og fjöldi annarra sagnorða. Hnit merkti árekstur að fornu. Á fyrsta stofnþingi Badmintonsambands Íslands var borin fram tillaga um að íþróttin yrði nefnd hnit en hún féll á jöfnum atkvæðum.
Tenglar
[breyta | breyta frumkóða]- Alþjóða badmintonsambandið
- Badmintonsamband Evrópu Geymt 17 febrúar 2010 í Wayback Machine
- Badmintonsamband Íslands
- Badmintoncentral - Vefur fyrir áhugamenn Geymt 23 maí 2009 í Wayback Machine