Jantèn
![](http://178.128.105.246/cars-http-upload.wikimedia.org/wikipedia/commons/thumb/2/29/Stir_fry_%C3%A0_la_Gabi-showcasingbabycorn.jpg/220px-Stir_fry_%C3%A0_la_Gabi-showcasingbabycorn.jpg)
Jantèn ya iku woh jagung kang dipanèn nalika isih pentil lan bonggolé durung atos. Jantèn diundhuh kanggo dimangsak lan racaké rupa osèng-osèng utawa olahan liya kang tanpa duduh. Jantèn uga diarani kobot, putrèn, kuncung, solèng, utrèn, kamplong, posol lan léntré.
Cara prodhuksi
Racaké jantèn kaasilaké saka budidaya jagung kanggo asil sampingan lan mung kanggo diolah lan dipangan wong tani. Nanging uga ana kang nandur jagung kang diajab mung kanggo ngasilaké jantèn.[1] Ana loro cara kanggo ngasilaké jantèn, gumantung saka tujuan nandur jagung. Cara pisanan, menawa nandur jagung pancèn mung kanggo ngasilaké jantèn, saka wiwitan dipilih variétas kang cocok. Pira-pira variétas bisa dipilih, mligi kang bisa ngasilaké jantèn kang akèh saben wité. Déné menawa kanggo asil sampingan, umumé dipanèn saka tuwuhan jagung biyasa lan dipilih saka pentil jagung kang moner loro saka ndhuwur lan uga ngisor-ngisoré. Déné kang paling ndhuwur tetep diingu nganti tuwa.[2]
Jantèn énggal dipanèn nalika rambut jagung wis lekas njedhul saka klobot utawa pirang-pirang dina sawisé. Woh jagung cepet anggoné gedhé, mula panèn jantèn kudu énggal dileksanakaké menawa wis wayahé. Racaké ukuran jantèn 4.5 to 10 cm (1.8–3.9 in) dawané lan 7 to 17 mm (0.28–0.67 in) gedhéné.[2]
Pigunan
Jantèn kalebu kuluban kang disenengi sadonya.[3] Déné prodhuksiné uga tambah akèh sajroné 10 taun iki.[4]
Klobot saka jantèn uga bisa kanggo pakan rajakaya.[3],[5]
Rujukan
- ↑ Corn Pollination and Fertilization (PDF), Gold Country Seed
- ↑ a b Miles, Carol A.; Zenz, Leslie (May 2000). "Baby Corn" (PDF). Pacific Northwest Extension Publication PNW0532. Dibukak ing 2011-10-16.
- ↑ a b Heuzé V., Tran G., Edouard N., Lebas F., 2017. Maize green forage. Feedipedia, a programme by INRA, CIRAD, AFZ and FAO. https://www.feedipedia.org/node/358 Last updated on June 21, 2017, 10:16
- ↑ Mohinder P.S. Bakshi, M. Wadhwa and Harinder P.S. Makkar, 2017: Utilization of baby corn by-products and waste as livestock feed, Broadening Horizons N° 44, https://www.feedipedia.org/content/utilization-baby-corn-products-and-waste-livestock-feed
- ↑ Heuzé V., Tran G., Edouard N., Lebas F., 2017. Maize silage. Feedipedia, a programme by INRA, CIRAD, AFZ and FAO. https://www.feedipedia.org/node/13883 Last updated on June 22, 2017, 14:24